Kibafumulwe 4:8 - KILOMBENO KIHYA KIA NFUMWETU YESU KIDISITU

⁸ Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye.

Kibafumulwe 4:8 Referans Kwoze

Kibafumulwe 1:8

Yehowa akula’shi: Ami nyi Alefa na Omega, mbangilo na nfudilo, e kwanka binobino, badi kwanka kala, e nyi akafiki, Shabukomeboso.

Kibafumulwe 4:6

Ku mpala kwa luhun’a nsulu (kubadi) bwishiba di mbadibadi dia kelobe; munkatshi mwa luhun’a nsulu namu na kwifunya kwa’lo (mubadi) nyamaya muwa yinanka, yiule na meso ku mpala na ku nyima.

Bena Bahebelu 13:8

Yesu Kidisitu e hamune maloba, na lelo, mpaa na kwikala-ika.

Kibafumulwe 15:3

N’abo abayimbi lono lwa Mosesa mufubi e Efile Mukulu, na lono lwa Mwan’a-Mukoko’shi: Bikitshino biobe mbikata na biakukanya, obe Yehowa Efile Mukulu Shabukomeboso; nyikashi yobe ngilulame na ya binyibinyi (obe) Nfumu a milo yoso.

Kibafumulwe 11:17

Atukutumbula obe Yehowa Efile. Mukulu, winyi Shabukomeboso; we kwanka binobino, bodi kwanka kala, mwanda bōtshile (kodi ’be na mwinyi) bukome bobe, obikala.

Kibafumulwe 16:7

Nahushishe eyi dia umune a ku kitala kia milambu’shi: Anka biabia obe Yehowa Efile Mukulu Shabukomeboso, bitshibilo biobe mbia binyibinyi na kululama.

Kibafumulwe 7:15

Binyibiabia nyi biabadi ku mpala kwa luhun’a nsulu lw’Efile Mukulu; abamufubila kanya na bufuku mu kibombelelo kie ki munda; na yawa ashala ha luhun’a nsulu akabombela munkatshi mwabo.

Kibafumulwe 21:22

Nkimwimumone ntempelo; mwanda Yehowa Efile Mukulu Shabukomeboso, na Mwan’a-Mukoko nyi ntempelo ya’kio.

Kibafumulwe 19:15

Mu kanwa mwe amutuku luhete lwa ngoshi lwi māshi’shi, akuhile n’alo mīlo ya bantu; anakebamune n’elanga dia kilonda; āshine ha kyengyelo kia bukyelo na nsungu y’Efile Mukulu Shabukomeboso.

Kibafumulwe 3:7

Kwi mwikeilu a ku kikoñeno ki’Efile kia mu Philadelphie ofund’eshi: yawa muhatulwe-e-kishila, abinyibinyi, winyi e na lufungulo lwa Dafidi, e ashitula, ankatakwi muntu sunga ngumune euku kushita; e namu ashitā, muntu tashitula, ākula’ shi:

Kibafumulwe 1:4

Yoano ku bikoñeno bi’Efile musambobidi bi mu (Asia). Bu-muntu na kufukama (bikale) kwanudi, abifu kwi yawa e kwanka binobino, badi kwanka kala, e nyi akafiki, na kwi Bikudi musambobidi bi ku mpala kwa luhun’a nsulu lwe;

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Ii Bena Kodinda 6:18

Nankekala bu Nshenu kwanudi, n’anwe namu anukekala bu bana bande balume, na bu bana bande bakashi, nyi mubakwidile Yehowa a bukome boso.

Kibafumulwe 16:14

mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso.

Kibafumulwe 14:11

na mwishi wa malwa’bo wanakakamine mpaa na kwikala-ika; tabe na kikisho kanya na bufuku, abo abalangwila nyama-e-bukyelo na kihwandjikisho kie, n’aba banakatambule kitundwilo ki’eshina die.

Ii Temote 4:2

Lungula Mwanda (w’Efile;) wekale na mpulu halombene na hashī halombene, webashimikye (mīsambo,) webahatulwile, webalangye na kuhuñanya koso na lulambukisho.

I Temote 4:16

Wedimuky’obe na mwinyi na ku lwinyi lulambukisho; olamate mwanka; mwanda hakukita biabia okehasha obe na mwinyi, n’aba abakuhusha.

I Bena Tesalonika 2:9

Bakwetu, anunangushenā mifubo na kutuhwita kwetu: mwanda tubadi atwinulungula mukāndu-wibuwa w’Efile Mukulu, na kufuba kanya na bufuku, tala twanemesha bushito kwanudi sunga nkwi umune.

Bikitshino 20:31

Binyibiabia, dimukai, nangushenai’shi: Ku kihindji kia bihwa bisatu, ntshimulekye kudimuna ese muntu na mpolo bufuku na kanya.

Kibafumulwe 4:9

Ahakatumbishā’ya nyama ya muwa na kunemeka, na kutumbula’wa mushale ha luhun’a nsulu, e winyi e na muwa wa ikala-ika,

Kibafumulwe 5:6

Namwene munkatshi mwa luhun’a nsulu na mwa nyama ya muwa yinanka, na munkatshi mwa bakulu, Mwan’a Mukoko mwimane, bu mubadi mwihayibwe, badi na nsengwa musambobidi na meso musambobidi, nyi m’Bikudi bi’Efile Mukulu musambobidi bibatumibwe hanohansenga hoso.

Kibafumulwe 6:1

Namwene habalamwine Mwan’a Mukoko kimune kia biukilo musambobidi, na kuhusha bu umune a ku nyama ya muwa yinanka kwete kwakula n’eyi bu mukungulu’shi: Fwōtale.

Kibafumulwe 6:6

Nahushishe bwīyi dia munkatshi mwa nyama ya muwa yinanka, adiamba’shi: Kihimo kiangano ku lufalanga lwa ndenadi lumune, na bihimo bisatu bia d’orge ku lufalanga lwa ndenadi lumune. Tolwishanga mwimu na nfinyo.

Kibafumulwe 7:11

Henyihaha bamwikeilu boso abemene na kwifunya luhun’a nsulu, na bakulu, na nyama ya muwa yinanka; abahōne mahala’bo hashi, abalangwile Efile Mukulu,

Kibafumulwe 14:3

Abo abayimbile bu lono luhya ku mpala kwa luhun’a nsulu, na ku mpala kwa nyama-ya-muwa yinanka na kwa bakulu; takubadi muntu sunga ngumune beukile kwambula lwalwa lono, anka baba be binunu lukama na makumi ananka na binanka babadi bakulwe ku bahanohansenga.

Kibafumulwe 15:7

Henyihaha umune a yinyi nyama ya muwa yinanka, bahele bamwikeilu musambobidi bihulu bia nsahabu musambobidi, biule bukyelo bw’Efile Mukulu atala kwikala-ika.

Kibafumulwe 19:4

Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya!