Kibafumulwe 4:2 - KILOMBENO KIHYA KIA NFUMWETU YESU KIDISITU

² Kahindji n’ākanā lulwilwe mu Kikudi (E-Selelee,) talangai, luhun’a nsulu lubatulwe mwiilu, na umune badi mushale ha luhun’a nsulu.

Kibafumulwe 4:2 Referans Kwoze

Kibafumulwe 1:10

Nadi mwalulwe mu Kikudi-E-Selelee h’efuku dia Nfumwetu, nahushishe eyi dikata bu dia mpungi ku mongo kwande,

Kibafumulwe 5:1

Henyihaha namwene mwiyasa dibalume dia yawa badi mushale ha luhun’a nsulu mukanda ufundwe munda na ha nyima, ulamikwe hoo na biukilo musambobidi.

Kibafumulwe 4:9

Ahakatumbishā’ya nyama ya muwa na kunemeka, na kutumbula’wa mushale ha luhun’a nsulu, e winyi e na muwa wa ikala-ika,

Kibafumulwe 4:5

Mubatukile mu luhun’a nsulu kuhenyahenya kwa mpeshi, na mikungulu, na mayi; ku mpala kwa luhun’a nsulu bimunyi bia kālo musambobidi bibadi abitembe, abio nyi m’Bikudi musambobidi bi’Efile-Mukulu.

Kibafumulwe 5:13

Biabia bihangwe bioso bi mwiilu, na bi ha nsenga, na bi mushi mwa nsenga, na bi ha mema-a-kalunga, na bintu bioso bi mwanka, nebihushishe abiakula’shi: Mwabi na kinemo, na ntumbo, na butontshi bikale kwi yawa mushale ha luhun’a nsulu, winyi Mwan’a Mukoko mpaa na kwikala-ika.

Kibafumulwe 21:10

Henyihaha bantwadile mu Kikudi-E-Selelee ku ngulu mukata mula, bandesheshe kinyi kibalo kihatulwe-ki-kishila, Yelusalema, ayiki mwiilu kw’Efile Mukulu,

Bena Bahebelu 8:1

Biabia kihatulwilo kiatubākwile (kino nyi) kikumbesho; Atwe twi na tshiite-mwakwidi-mukata e biabia, tahwile kushala ku mboko yibalume ya luhun’a-nsulu lwa winyi mukilekile kinemo e mwiilu;

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Kibafumulwe 20:11

Namwene namu luhuna lutoka lukata, na yawa mushale hanka, ku mpala kwe nyi kubasukile nsenga n’eilu, tankumonwe mbalo yabio, ooo.

Kibafumulwe 19:4

Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya!

Kibafumulwe 21:5

Yawa ashalā ha luhun’a-nsulu bambile’shi: Talangai, bia mpangula bintu bioso ta mbihya. Bambile’shi: Funda, mwanda yino myanda yi kishima na ya binyibinyi.

Kibafumulwe 17:3

Henyihaha bantwele mu Kikudi-E-Selelee mpaa na mu kabāka: Namwene mwana-mukashi mushale ha nyama-e-bukyelo monga hyū, mūle mashina a kasabu ka kukaa (Efile Mukulu), badi na mitwe musambobidi na nsengwa ekumi.

Kibafumulwe 12:5

N’e batandjile mwana, mwana-mulume, winyi anakabikale ku milo yoso n’elanga dia kilonda; na mwan’e bebosheshwe kw’Efile Mukulu, na ku luhun’a nsulu lwe.

Kibafumulwe 6:16

abalungwile mangulu na mbwebwe’shi: Etuhonene kwitufya ku mpala kwa yawa mushale ha luhun’a nsulu na ku nsunga ya Mwan’a Mukoko;

Mateo 22:43

E bebalungwile’shi: A biabia’nyi, mu Kikudi-E-Selelee Dafidi amutemuna’shi bu Nfumu na minyi’shi;

Kibafumulwe 4:10

(biabia) bakulu makumi abidi na bananka abahone hashi ku mpala kwa yawa badi mushale ha luhun’a nsulu, na kumulangwil’e na muwa wa ikala-ika, na kwela bilongo bia bushindji bwabo ku mpala kwa luhun’a nsulu’shi: