Kibafumulwe 4:10 - KILOMBENO KIHYA KIA NFUMWETU YESU KIDISITU

¹⁰ (biabia) bakulu makumi abidi na bananka abahone hashi ku mpala kwa yawa badi mushale ha luhun’a nsulu, na kumulangwil’e na muwa wa ikala-ika, na kwela bilongo bia bushindji bwabo ku mpala kwa luhun’a nsulu’shi:

Kibafumulwe 4:10 Referans Kwoze

Kibafumulwe 5:8

Habahwile kuata mukanda, nyama ya muwa yinanka, na bakulu makumi abidi na bananka bibahone hashi ku mpala kwa Mwan’a Mukoko, boso bwa’bio bibadi na nsese na malonga a nsahabu aule na malashi, ao nyi nteko ya bahatulwe-bekishila.

Kibafumulwe 19:4

Biabia bakulu makumi abidi na bananka na nyama ya muwa yinanka bibahone hashi, tabalangwile Efile Mukulu mushale ha luhun’a nsulu’shi: Amena, Aleluya!

Kibafumulwe 11:16

Binyibiabia bakulu makumi abidi na bananka abashalā ku mpala kw’Efile Mukulu ha mpun’a nsulu y’abo, abahōne mahala’bo hashi, tabalangwile Efile Mukulu’ shi:

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Kibafumulwe 7:11

Henyihaha bamwikeilu boso abemene na kwifunya luhun’a nsulu, na bakulu, na nyama ya muwa yinanka; abahōne mahala’bo hashi, abalangwile Efile Mukulu,

Kibafumulwe 5:14

Henyihaha nyama ya muwa yinanka yibakwile’shi: Amena. Na bakulu makumi abidi na bananka abahone hashi, tabalangwila Yawa atala mpaa na kwikala-ika.

Kibafumulwe 15:4

A Yehowa, a nanyi shyakakutshinyi na kutumbisha eshina diobe? mwand’ank’obe nyi muhatulwe-e-kishila; mwanda mīlo yoso yanakafike kulangwila ku mpala kobe; mwanda bikitshino biobe bilulame bibafumbwilwe.

Kibafumulwe 4:9

Ahakatumbishā’ya nyama ya muwa na kunemeka, na kutumbula’wa mushale ha luhun’a nsulu, e winyi e na muwa wa ikala-ika,

Mateo 2:11

Habadi abatwele mu nshibo, abamwene winyi mwana toka na Madiya nyin’e, biabia abakunamine manwi hashi, tabamulangwila; na hababāngwile bia bineme biabo, abamulambwile bia-buntu bia kilonda kia nsahabu, na bia mahembwe, na bia malashi.

Luka 24:52

N’abo abamulangwidile, balukila ku Yelusalema na kusehela kukata;

I Bena Kodinda 15:10

Anka nyi kwandji mwikele na bino, nyi ku bumuntu bw’Efile Mukulu: na buntu bwe bwanampelwe’mi ta mba bisumanga, ooo; anka nakile bakwetu boso kutuhwita ’mufubo: anka ta nami na mwinyi, ooo, nyi mbu-muntu bw’Efile Mukulu bubadi n’ami.

Kibafumulwe 4:2

Kahindji n’ākanā lulwilwe mu Kikudi (E-Selelee,) talangai, luhun’a nsulu lubatulwe mwiilu, na umune badi mushale ha luhun’a nsulu.

Kibafumulwe 10:6

batshihile mutshiho kwi’wa atala mpaa na kwikala-ika, bahangile eilu na bintu bi mwanka, na nsenga, na bintu bi mwanka, na mem’a-kalunga, na bintu bi mwanka’shi, tahakikwishyanyiho:

Kibafumulwe 15:7

Henyihaha umune a yinyi nyama ya muwa yinanka, bahele bamwikeilu musambobidi bihulu bia nsahabu musambobidi, biule bukyelo bw’Efile Mukulu atala kwikala-ika.