Kibafumulwe 3:18 - KILOMBENO KIHYA KIA NFUMWETU YESU KIDISITU

¹⁸ Nakuha binangu bia kuula kwandji nsahabu yitoshibwe mu kālo’shi, wekale mpeta, na bilamba bitoka biodia kufwadikwa’shi, tala būfu bwa muswa wobe bwamweka; oshingye meso obe n’elawa dia meso biodia kumona.

Kibafumulwe 3:18 Referans Kwoze

Kibafumulwe 16:15

(Talangai, nafiki bu ngifi. Sha mwabi ngiawa atengyela, mulame bifwalwa bie’shi: Tala akatambuka muswa, n’abamono būfu bwe).

I Petelo 1:7

eshi, kutompibwa kwa lukuluhilo lwenu nkukile bikilekile kilonda kia nsahabu akilwilā kinemo, sunga nkutompibwa na kālo, alukahetshibwa ku ntumbo na kinemo ha kufumbulwa kwa Yesu Kidisitu,

Kibafumulwe 19:8

Kubamuhelwe’shi; efwadikye bilamba bia lin binane, bitoka na selelee; mwanda bilamba bia lin binane nyi mbikitshino bilulame bia bahatulwe bekishila.

Kibafumulwe 7:13

Biabia umune a bakulu bālulwile anamba’shi: A bano bafwadikwe mitwelo yitoka mbanyi? na kwabadi bafikye nkunyi?

Mateo 13:44

Dimonyi, Bufumu bwa mwiilu nyi bubahwandjikile ku bia bineme bifwame mwifuba; binyi, habibasokwelwe na muntu, abebifīle, na ha mwanda wa kwibisehela, ēnde, ahane bioso biadi n’abio, akaule efuba diadia.

Yakoba 2:5

Hushai bakwetu batomibwe kii’ulo, Efile Mukulu tamusangule balanda ba hanohansenga, tambampeta mu lukuluhilo, na bu bampyanyi ba bufumu bubalayile kwi baba abamufule kifulo su?

Kibafumulwe 3:17

Mwanda wakula’shi: Ami nyi mpeta, nyi mufwimishe bintu, nki na kintu lukalo, tweuku namu we a kishiotshi, na kwiyongola, mulanda, mpofu, sha muswa.

Kibafumulwe 2:9

Neuku bikitshino biobe na bishiotshi na bulanda bobe, (anka we mpeta) na milomo yā’ba abetemuna’shi: Twi bena Yuda, biosobi ta n’abo, anka mba kikoñeno kia Satana.

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

Ii Bena Kodinda 5:3

Su tubekala bafwadikwe biabia tatusañanwa muswa.

Luka 12:21

Anka biabia yawa ēbikila bie bineme, shī na buheta namu kw’Efile Mukulu e anka biabia.

Mateo 25:9

Anka basha kalolo abālulwile’shi: Ayoyo, tala taukalombana kuutwe n’anwe; anka ndai kwi’ba ahana, nukeudile’nwe bana bene.

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.