Kibafumulwe 3:15 - KILOMBENO KIHYA KIA NFUMWETU YESU KIDISITU

¹⁵ Neuku bikitshino biobe’shi: Twe mashika mbioshī kālo, nankyeb’mi’shi, wekale mashika sunga nkālo.

Kibafumulwe 3:15 Referans Kwoze

Bena Loma 12:11

Mu mifubo tanwikalanga na butuba; nwikale n’eshimba di kibobo, nufubile Nfumwetu ya buhika.

Mateo 6:24

Ta kwi muntu euku kufubila banfumu babidi, ooo: mwanda su akekala na umune mushikwa, na mungi kifulo, su akalamata kwi umune, akabende mungi. Tanwiuku kufubila Efile Mukulu na buheta hamune.

Yakoba 1:8

Muntu e mashintba abidi e muteakane mu nyikashi ye yoso.

Kibafumulwe 2:4

Anka nyi n’obe uno mwanda’shi: bolekye kifulo kiobe kia kwibedi.

Mateo 24:12

Na ha mwanda wa kushiula kwa bishila akukakamba, kifulo kia be bungi akikatāla.

I Petelo 1:22

Anka hanubatosha mashimb’enu mu kukokyela kwa biabinyibinyi, ku Kikudi E-Selelee mpaa na ku kifulo kishī na bulamalama kia kwi bakwenu, mwitomeshenei kifulo anwe bana bene n’eshimba di selelee dia kibobo.

Bena Fidihai 1:9

N’ao winyi wantekā’shi, kifulo kienu kifwimi na kufwima mu kiukilo kikumbane, na mu lushingulwilo lwoso’shi,

Ii Bena Kodinda 12:20

Mwanda natshinyi, tala hankafiki, nankenusañana ntwanshī mukyebele, nami (namu) nankasañanwa n’enu mwanushyanukyebela: tala su kwekala mpaka, na kiutu, nsungu, mima, twihu, mikoso, kwinemeka, kwituhishena.

Mateo 10:37

Muntu e na shye su nyin’e kifulo kikambe kiadi n’akio kwandji’mi, tamuhwandjikile’mi; na muntu e na kifulo na mwan’e mulume, sunga mwan’e mukashi kukila kiadi nakio kwandji tamuhwandjikile’mi.

Kibafumulwe 3:1

Kwi mwikeilu a ku kikoñeno kia mu Sardes ofunde’shi: yawa e bikudi bi’Efile Mukulu musambobidi, na nyenyenyi musambobidi, ākula’shi: Neuku bikitshino biobe, na biotemunwa’shi: Otala, biosobi we mufwe.

Kibafumulwe 2:2

Neuku bikitshino biobe, na mifubo yiokita, na lwishinko lobe lwa mufwaka, na moshyouku kukumina aba be bubi, na mu botompele baba abetemuna’shi: twi batumibwe, biosobi ta be biabia, anka bwebatundwile bu basha madimi,

Ii Bena Tesalonika 1:3

Watudi n’ao ngwa kutumbul’Efile Mukulu mafuku oso ha mwanda w’anwe boso bakwetu, mwakidi kihwandjikile, mwanda lukuluhilo lwenu alwend’ālukulanga bikilekile, na kifulo kia muntu ese a kwanudi’nwe bana bene na bana bene akifwimi;

I Bena Kodinda 16:22

Su nanyi su nanyi shī na kifulo na Nfumwetu Yesu Kidisitu, edībwe muloa; Nfumwetu ngiwafiki.

Kibafumulwe 3:16

Biabia ha mwanda we bu kifufu, twe mashika sunga nkālo, nankakulasa mu kanwa mwande.