Kibafumulwe 3:12 - KILOMBENO KIHYA KIA NFUMWETU YESU KIDISITU

¹² Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu.

Kibafumulwe 3:12 Referans Kwoze

Kibafumulwe 22:4

N’abo banakamone mpala ye n’Eshina die dianakekale ha mahala’bo.

Kibafumulwe 21:2

Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e.

Kibafumulwe 14:1

Namwene, aaa! Mwan’a-Mukoko badi mwimane ha ngulu ya Siona, na lukama na makumi ananka na binanka a binunu, babadi n’eshina dia Nshye difundwe ha mahala’bo.

Bena Ngalatea 2:9

Biabia Yakoba na Kefasa na Yoano, babatemwinwe bu bibayi, hakumona bu-muntu bunahebwa, abetukukile na Banabasa, ku maboko a balume a kihwano’shi, atwe twende kwi Badjentaila, abo namu kwi basalwe.

Kibafumulwe 2:17

E n’ētwi, ahushe abiakula Kikudi (E-Selelee) ku bikoñeno bi’Efile. Kwi yawa akambila nankamuha manna afwame a kudia, nankamuha’nyi kabwe katoka, na ha kabweeshina dihya difundwe hanka, dishyadiukwa na muntu, sunga ngumune, anka yawa ekatambula.

Bena Bahebelu 12:22

Anka’nwe nubafiki ku ngulu ya Siona, ku kibalo ki’Efile Mukulu a muwa, ta Yelusalema a mwiilu, na ku bibumbu na bibumbu bia bamwikeilu,

I Yoano 4:4

Anwe nwi b’Efile Mukulu, bakinga batomibwe kifulo, nubebikambile, mwanda yawa e munda mwenu ’mukile e hanohansenga bukata.

Kibafumulwe 2:7

Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu.

Bena Efisesa 3:15

kwadi kubaudikilwe bifuko, bioso bi mwiilu, na be ha nsenga,

Kibafumulwe 17:14

Bano banakalwe ngoshi na Mwan’a-Mukoko, na Mwan’a-Mukoko anakebakambile: mwanda e nyi Mwanana a bamwanana, na Nfumu a banfumu: n’abo be n’e mbetanyinwe, na basangudibwe, na bakishima.

Bena Bahebelu 13:14

Mwanda tatwi na kibalo akishadidila hano, anka atutengyela kinyi akikafiki.

Kibafumulwe 2:11

E n’ētwi, ahushe bibākula Kikudi-(E-Selelee) ku bikoñeno bi’Efile. Yawa akambila takakumbu ku lufu lwakabidi, ooo.

Kibafumulwe 3:5

Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be.

Mako 12:16

Abo abafwile n’ayo, n’E bebehwishe’shi: A kino kihwandjikisho nkia nanyi na mwanda ufundwe hanka’u? Abo abamwalulwile’shi: Mbia Kaisa.