Kibafumulwe 3:10 - KILOMBENO KIHYA KIA NFUMWETU YESU KIDISITU

¹⁰ Mwanda bolamine mwanda wa mufwaka wande, ami namu nankakulama ku kiakia kihindji kia kutompibwa kitakikyebe kufika ha bantu boso ha hanohansenga, kutompa’ba babombele hano ha nsenga.

Kibafumulwe 3:10 Referans Kwoze

Ii Petelo 2:9

Yehowa euku mwa kuhashisha balulame ku kutompibwa, na kulama bashībalulame kumweshibwa h’efuku dia kimu;

Kibafumulwe 14:12

Hano nyi mufwaka wa bahatulwe-bekishila; baba balame milangilo y’Efile Mukulu na lukumino lwa Yesu.

Kibafumulwe 2:10

Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

I Bena Kodinda 10:13

Takwi kitompelo kia kwinutompa, ank’akio akinemenā kwi bantu, anka Efile Mukulu e nga kishima, e takenulekyela mu kutompibwa kukila kiakia kianwiuku kwikala n’akio; anka ha kutompibwa akenukitshina eshinda dia kuhanda, bianudia kwiuka mwa kukankamena mwanka.

I Petelo 4:12

Anwe batomibwe kifulo, tanukanyanga ha mwanda wa kutompibwa kwa kālo kwi munkatshi mwenu’shi: nkinyi kintu kibetufikila, ooo;

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Mateo 6:13

Twetufishanga mu kutompibwa, anka etumañune ku bubi: Mwanda bufumu nyi mbobe, na katshintshi, na ntumbo, mpaa na kwikalaīka. Amena.

Kibafumulwe 13:10

Yawa akunkusha (bantu) mbuhika, akakunkushwa namu mbuhika, yawa ayihanā na luhete-lwa-ngoshi anakehayibwe na luhetelwa-ngoshi. Hano nyi mufwaka na lukuluhilo lwa bahatulwe bekishila.

Bena Efisesa 6:13

Binyibiabia eboshei ngabo yoso y’Efile Mukulu’shi, nwiukye mwa kushisamena mwifuku dia bubi, na ha kuhwa kukita bioso, shisamanai yanka na kushisamana.

Kibafumulwe 8:13

Binyibiabia namwene, nahushishe mpungwe kwete kuhahula munkatshi mw’eilu na kwakula n’eyi dikata’shi: Mpombo, mpombo, mpombo, kwi babombele ha nsenga, ha mwanda wa angi mayi a mpungi a bamwikeilu basatu ashale, a taakyebe kwelwa!

Kibafumulwe 6:10

Abēle musase n’eyi dikata’shi: A Nfumwetu, muhatulwe-e-kishila n’a binyibinyi, a nku kihindji kinyi kiokalekye kwitutshibila na kōbola mase etu kwi’ba babombele hanohansenga?

Kibafumulwe 17:8

Winyi nyama-e-bukyelo obomwene badi kala, binobino te kwanka, takyebe kwabuka luhongo lushī na nfudilo ēnde mu kulwididila. N’abo ababombela ha nsenga banakakanye, (mbaba) bashī na mashina’bo afundwe mu mukanda wa muwa wa ku mbangilo ya hanohansenga; habanakamone nyama-e-bukyelo, mwadi mwikele kwanka, te kwanka binobino, n’akafiki.

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 13:8

Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.

Mateo 26:41

Hasukai, nutekei, tala nwakatwela mu kutompibwa; eshimba binyibinyi di na musanku, anka mbidi ngibofule.

Mateo 24:14

Na uno mukāndu wibuwa wa bufumu bw’Efile-Mukulu aukalungulwa hanohasenga hoso bu bulungudi bwa bu kamonyi ku mīio yoso; henyihalia kunfudilo akukafiki.

Bena Loma 1:8

Kwibedi, natumbula Efile Mukulu ande mu Yesu Kidisitu, ha mwanda w’anwe boso’shi, lukumino lwenu lubalungulwa hosohoso hano ha nsenga,

Kibafumulwe 11:10

N’abo ababombela hanohansenga abakasehela ha mwanda w’abo, abakāsha; abaketumishena bia buntu, mwanda bano batemuki babidi abadi abasosomesha ba hanohansenga.

Mako 14:9

Nyi binyibinyi binenulungula’shi, Ku mpese yoso ayilungulwa myanda yamukāndu-wibuwa, abakākula namu uno mwanda ubakitshi umo mwana mukashi; aukekala bu kitentekyesho kie.

Luka 2:1

Bitabibakitshine mu aa mafuku kubatukile kishila kwi Kesala Auguseto eshi: Ba ku nsenga yoso babadikwe ku mashina’bo.

Yakoba 3:12

A bakwetu, mutshi wa kikuku awiuku kuha bikuba bia mpafu su? Sunga moshi wa nfinyo kuha bikuku, aaa, mpamune na nsulo ya mema tayiuku kutusha mema e mungwa n’ē mashika, ooo.

Yoano 17:6

Namwekeshe’shina diobe kwi’ba bantu baha-nsenga babompele; babadi bobe, n’obe bwebampele n’abo abalamine mwanda wobe n’abo abalamine mwanda wobe.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Kibafumulwe 3:8

Neuku bikitshino biobe; talanga, nantule kibelo kishitukye ku mpala kobe, kishyakiuku muntu kushita; mwanda we na bukome buhela, bolamine Mwanda wande, twemuhele eshina diande, ooo.

Kibafumulwe 14:6

Namwene namu mungi mwikeilu ahahula munkatshi mw’eilu, badi na mukāndu-wibuwa wa ikala-ika kulungula babombele ha nsenga, na kwi milo yoso, na hisaka bioso, na ba ndjimi yoso, na bantu boso.

Kibafumulwe 16:14

mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso.

Kibafumulwe 17:2

uno nyi abakitshine n’e lukyebanokyebano kwi banfumu, na babombedi ba hanohansenga abakolweshwe na nfinyo ya lukyebanokyebano lwe.