Kibafumulwe 22:5 - KILOMBENO KIHYA KIA NFUMWETU YESU KIDISITU

⁵ Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika.

Kibafumulwe 22:5 Referans Kwoze

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Bena Loma 5:17

Āho su mpa kusola kwa mwanda wa muntu’mune, lufu lubabikele bufumu hadi e; kukila biabia, aba abatambula bikambe bia buntu bwa bisumanga, na kihebwa kia kululama, abakamunu mu muwa, ha umune, Yesu Kidisitu.

Kibafumulwe 11:15

Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Mateo 25:34

Henyihaha Nfumu akalungula be ku mboko ye yibalume’shi: Fikai anwe basha mwabi kwi Shami, nuhyane bufumu bubenulumbulwilwe ku mbangilo kwa hanohansenga.

Kibafumulwe 18:23

n’etata dia kimunyi tadianakamunyikye dimonyi modi; n’eyi dia mubambi-a-mukashi sunga ndia mukashi-mubambibwe tadianakahushibwe dimonyi modi sunga mpahelahela; mwanda bansunga bobe babadi bantu bakata ba hanohansenga; mwanda mīlo yoso yibōngwelwe na masende obe.

Mateo 25:46

Binyibiabia bano abakēnde mu malwa a ikala-ika; anka balulame (abakatwele) mu muwa wa ikala-ika.

Mateo 19:28

Yesu bebalungwile’shi: Binyibinyi nenulungula’shi: Anwe abandondo baba mwifuku dia kuhangilwadimo, ahakashala Mwan’a Muntu ha luhun’a nsulu lwe lwa ntumbo, anwe namu anukashala ha mpun’a nsulu ekumi na yibidi, anukatshibila myanda ya bisamba ekumi na bibidi bia bena Isalele.

Kibafumulwe 20:6

Sha mwabi na muhatulwe-e-kishila nyi ngiawa mwibungile mu lusangukilo lwa kwibedi; ha bano, lufu lwa kabidi talwi na matalwa, anka’bo banakekale batshiite-bakwidi b’Efile Mukulu na ba Kidisitu, banakabikale n’e bihwa kinunu kimune.

Kibafumulwe 21:11

ki na ntumbo y’Efile Mukulu: etata dia’kio dibadi bwibwe dikilekile kinemo, bwibwe dia jaspe di selelee bwitalatala;