Kibafumulwe 21:6 - KILOMBENO KIHYA KIA NFUMWETU YESU KIDISITU

⁶ E bandungwile’shi: Takuhwanga. Ami nyi Alefa na Omenga, mbangilo na nfudilo. Nankah’e na nyota ku nsulo ya mema a muwa buana.

Kibafumulwe 21:6 Referans Kwoze

Yoano 4:10

Yesu bālulwile amwamba’shi: Su bodi ouku buntu bw’Efile Mukulu, na mwinyi akutekye’shi: Mpe a kutoma; obe bodia kumuteka, n’e namu badia kukuha mema a muwa.

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

Yoano 4:14

anka ese akatomo ku ā mema ankamuha, takahusha’nyi nyota dimo, ooo, sunga mpahelahela; anka ā mema ankamuha akekala munda mwe bu nsulu ya mema afifuka, mpaa na mu muwa-au-tala wa ikala-ika.

Bena Loma 8:32

E ta mulekyele Mwan’e na mwinyi, anka bamuhene kwatudi’twe boso, akutwe bi kunyi kwituha n’e bintu bioso, tambia-buntu anka hadi e?

Kibafumulwe 22:17

Kikudi-E-Selelee na mukashi takyebe kutwela abakula’shi: Fika. Na yawa ahusha akule ’shi: Fika. Na yawa e na nyota afikye, yawa namu e n’eshimba dia kukyeba atambule mema a muwa buana.

Kibafumulwe 1:8

Yehowa akula’shi: Ami nyi Alefa na Omega, mbangilo na nfudilo, e kwanka binobino, badi kwanka kala, e nyi akafiki, Shabukomeboso.

Bena Loma 3:24

ha kubingishibwa kushī nsambu, ku buntu bwe bwa mu kikudilo kia mu Kidisitu Yesu.

Kibafumulwe 22:13

Ami nyi Alefa na Omenga, mbangilo na nfudilo, a kwibedi n’a nfudilo.

Kibafumulwe 16:17

A musambobidi bahongolwele kihulu kie ha luwa kubatukile mu ntempelo eyi dikata ku luhun’a nsulu’shi: Takuhwanga;

Kibafumulwe 1:17

Biabia hanamumwene, nahone ku ngwa ye bu mufwe. Henyihaha bantentekyele eyasa die dibalume’shi: Totshinanga moo; ami nyi akwibedi, n’a nfudilo:

I Bena Kodinda 2:12

Atwe tatwibatambule kikudi kia bahanohansenga, ooo, anka winyi Kikudi a kw’Efile Mukulu, mwatudia kwiukila myanda ayituhelwā bwana kw’Efile Mukulu.

Kibafumulwe 10:6

batshihile mutshiho kwi’wa atala mpaa na kwikala-ika, bahangile eilu na bintu bi mwanka, na nsenga, na bintu bi mwanka, na mem’a-kalunga, na bintu bi mwanka’shi, tahakikwishyanyiho:

I Bena Kodinda 3:12

Binyibiabia su muntu aibaka ha kino kibangilo kilonda kia nsahabu, sunga nkia nfedha, sunga mabwe aneme, su mitshi, sunga mbitshi, su mbinkolwa.

Kibafumulwe 1:11

adiamba’shi: Biomono, ofunde ha mukanda wa kutuma ku bikoñeno bi’Efile musambobidi bi mu (Asie) kia ku Efesesa, na kia ku Semema, na kia ku Pegamosa, na kia ku Tyatshila, na kia ku Sadise, na kia ku Filadelefia, na kia ku Laodesea.

I Bena Kodinda 3:21

Binyibiabia takwikalanga muntu, sunga ngumune akwilungwila mu bantu. Mwanda bintu bioso mbienu;

I Bena Kodinda 3:5

A Paulu e nanyi? Apolosa’nyi nanyi? abo ñanka bafubi nyi kwanubakuminyine, bu mubebahelele Nfumwetu muntu na we, muntu na we.

Yoano 4:11

Mwana mukashi bamwambile’shi: A Mwanana, a bioshī na kintu kia kutaha n’akio, na mushimwa namu ngula: biabia kokyebe kukatusha enyi mema a muwa nkwi kunyi?

Kibafumulwe 3:14

Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi: