Kibafumulwe 21:4 - KILOMBENO KIHYA KIA NFUMWETU YESU KIDISITU

⁴ E anakakumune mpolo yoso ku meso abo; takukekala lufu dimonyi, sunga mālo, sunga nkudila, su mitanyo dimonyi, ooo; mwanda bintu bia kwibedi bibakididile.

Kibafumulwe 21:4 Referans Kwoze

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

I Bena Kodinda 15:26

Mushikwene n’ami a kunfudilo akashimishibwa nyi ndufu.

I Yoano 2:17

Na bia hanohansenga na lwabi lwabio abishimina; anka yawa akitshi amukyebela eshimba di’Efile Mukulu ekadidila ikala-ika.

Mateo 24:35

Eilunansenga abikashimina, anka myanda yande tayikakidi; ooo.

Kibafumulwe 21:1

Namwene eilu dihya na nsenga yihya; mwanda eilu dia kwibedi na nsenga ya kwibedi bibakididile; takubadi namu mema-a-kalunga dimonyi.

Kibafumulwe 20:14

Lufu na kalunganyembo bibelwe mwishiba dia kālo. Luno nyi lufu lwa kabidi.

Kibafumulwe 22:3

Takukekala muloa dimonyi, ooo; anka luhun’a-nsulu lw’Efile Mukulu na lwa Mwan’a-Mukoko alukekala mwanka, na bahika be banakamufubile.

Ii Petelo 3:10

Anka efuku dia Yehowa adikafiki bu ngifi, mū’dio mailu anakashimine na mikungulo yikata, na biamwiilu abikasunguluka na kālo ke moo, biabia nsenga na bikitshino bi mwanka abikahi fututu.

I Bena Kodinda 7:31

N’abo abanemena ku bia hanohansenga (bekale) bu bashī bakambe kutwelelela mwanka, mwanda mwikelo wa bahanohansenga aushiminā.

Ii Bena Kodinda 6:17

Binyibiabia katukai munkatshi mwabo, nwikale belamune, nyi mubakwidile Yehowa; tanukumanga namu ku kishidikwa (kishila,) biabia ami nankenutambula.

Ii Bena Kodinda 5:17

Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya.

Bena Bahebelu 12:27

na bino bishima: Ungi mususa, abifunkila kukashibwa kwa’bia bintu bibatenkakeshwe bu ku bintu bibahangilwe’shi, abia bintu bishībitenkakashwe bikale kwanka.

Kibafumulwe 20:13

Memaa-kalunga abalubwile bafwe (babadi) mwanka, lufu na kalunganyembo namu bibalubwile bafwe (babadi) mwanka; n’abo boso abatshibilwe kimu mulombene bikitshino biabo, muntu na bie, muntu na bie.