Kibafumulwe 21:22 - KILOMBENO KIHYA KIA NFUMWETU YESU KIDISITU

²² Nkimwimumone ntempelo; mwanda Yehowa Efile Mukulu Shabukomeboso, na Mwan’a-Mukoko nyi ntempelo ya’kio.

Kibafumulwe 21:22 Referans Kwoze

Yoano 4:23

Anka akufiki kihindji, na binobino kibahu kufika, bala ngwidi ba binyibinyi abakalangwila Yaiya mu kikudi na (mu) binyibinyi: mwanda Yaiya akimbi be biabia kumulangwila.

Kibafumulwe 1:8

Yehowa akula’shi: Ami nyi Alefa na Omega, mbangilo na nfudilo, e kwanka binobino, badi kwanka kala, e nyi akafiki, Shabukomeboso.

Kibafumulwe 16:7

Nahushishe eyi dia umune a ku kitala kia milambu’shi: Anka biabia obe Yehowa Efile Mukulu Shabukomeboso, bitshibilo biobe mbia binyibinyi na kululama.

Kibafumulwe 5:6

Namwene munkatshi mwa luhun’a nsulu na mwa nyama ya muwa yinanka, na munkatshi mwa bakulu, Mwan’a Mukoko mwimane, bu mubadi mwihayibwe, badi na nsengwa musambobidi na meso musambobidi, nyi m’Bikudi bi’Efile Mukulu musambobidi bibatumibwe hanohansenga hoso.

Bena Kolose 2:9

Mwanda kikumbana kioso kia bw’Efile-Mukulu a mbidi yishima akibombelā mwadi e.

Yoano 4:21

Yesu bamulungwile’shi: Obe mwana mukashi nkumine’mi, akufiki kihindji kianushyanukalangwila Yaiya, sunga mu uno ngulu, sunga mu beukye; Yelusalema.

Kibafumulwe 15:3

N’abo abayimbi lono lwa Mosesa mufubi e Efile Mukulu, na lono lwa Mwan’a-Mukoko’shi: Bikitshino biobe mbikata na biakukanya, obe Yehowa Efile Mukulu Shabukomeboso; nyikashi yobe ngilulame na ya binyibinyi (obe) Nfumu a milo yoso.

Kibafumulwe 11:17

Atukutumbula obe Yehowa Efile. Mukulu, winyi Shabukomeboso; we kwanka binobino, bodi kwanka kala, mwanda bōtshile (kodi ’be na mwinyi) bukome bobe, obikala.

Kibafumulwe 4:8

Na nyama ya muwa yinanka yibadi na mbaba yisamombo, (yibadi) yiule meso (ebungi) kwifunya na munda; n’ayo tayikishā kanya na bufuku, ayo’shi: Muhatulwe-Ekishila (nyi) Yehowa Efile Mukulu Shabukome-boso, e badi kala, e kwanka binobino, n’e anakafikye.

Bena Kolose 1:19

Mwanda ubatosheshe Yaiya mwishimba’shi biushibwe bioso bikale mwadi e;

Yoano 10:30

Ami na Yaiya twi umune.

Kibafumulwe 19:15

Mu kanwa mwe amutuku luhete lwa ngoshi lwi māshi’shi, akuhile n’alo mīlo ya bantu; anakebamune n’elanga dia kilonda; āshine ha kyengyelo kia bukyelo na nsungu y’Efile Mukulu Shabukomeboso.

Kibafumulwe 16:14

mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso.

Mateo 24:2

Yesu bebehwishe’shi: Tanumono bino bintu bioso? binyibinyi nenulungula’shi: Takukashala hano ebwe dimune ditentekwe ha dikwabo adikakutwa kwalamunwa hashi.

Kibafumulwe 7:15

Binyibiabia nyi biabadi ku mpala kwa luhun’a nsulu lw’Efile Mukulu; abamufubila kanya na bufuku mu kibombelelo kie ki munda; na yawa ashala ha luhun’a nsulu akabombela munkatshi mwabo.

Kibafumulwe 7:17

Mwanda Mwan’a Mukoko e munkatshi mwa luhun’a nsulu anakebamune, anakebakunkushe namu ku masulo a mema a muwa: n’Efile Mukulu anakebakumune mpolo yoso ku meso kwabo.

Kibafumulwe 14:4

Bano nyi mbaba tambalwishwe na bana-bakashi, mwanda’bo ntumame. Bano nyi mbaba abalondo Mwan’a-Mukoko kosokwēnde. Bano abakūlwe munkatshi mwa bantu; (nyi) mbikuba bia kwibedi bia kw’Efile Mukulu na kwi Mwan’a-Mukoko.

Yoano 13:32

Su Efile Mukulu batumbishwa mwadi E, Efile Mukulu akamutumbisha mwadi E na mwinyi, aka mutumbisha binobino.