Kibafumulwe 20:4 - KILOMBENO KIHYA KIA NFUMWETU YESU KIDISITU

⁴ Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Kibafumulwe 20:4 Referans Kwoze

Mateo 19:28

Yesu bebalungwile’shi: Binyibinyi nenulungula’shi: Anwe abandondo baba mwifuku dia kuhangilwadimo, ahakashala Mwan’a Muntu ha luhun’a nsulu lwe lwa ntumbo, anwe namu anukashala ha mpun’a nsulu ekumi na yibidi, anukatshibila myanda ya bisamba ekumi na bibidi bia bena Isalele.

Kibafumulwe 6:9

Habalamwine kiukilo kia katano, namwene mushi mwa kitala (kia bitahilo) bikudi bia’ba abehayibwe ha mwanda wa Mwanda w’Efile Mukulu, na ha mwanda wa bulungudi bwabadi na’bu.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Ii Temote 2:12

Su atukankamēna (mwanka) na lwishinko, biabia twanakabikale namu hamune n’e, (anka) su atumutunu, e namu anaketutune.

Kibafumulwe 20:6

Sha mwabi na muhatulwe-e-kishila nyi ngiawa mwibungile mu lusangukilo lwa kwibedi; ha bano, lufu lwa kabidi talwi na matalwa, anka’bo banakekale batshiite-bakwidi b’Efile Mukulu na ba Kidisitu, banakabikale n’e bihwa kinunu kimune.

Luka 22:30

eshi, nudie, nutome ku mesa ande mu bufumu bwande, na kushala ha mpunānsulu, kutshiba myanda ya bisaka bīkumi na bibidi bia Bena Isalela.

Kibafumulwe 22:5

Takukela bufuku dimonyi, ooo, ta be na lukalo lwa kimunyi, sunga etata dia nguba; mwanda Yehowa Efile Mukulu anakebahe etata, n’abo banakabikale mpaa na kwikala-ika.

Kibafumulwe 12:11

N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Bena Loma 8:17

Su twi bana be, biabia twi bampianyi b’Efile-Mukulu na bu bampianyi balombashwe na Kidisitu; su mbinyi atufwambuka n’e’shi, mwatudia kutumbishibwa ntumbo hamune n’e.

Kibafumulwe 15:2

Namwene namu bwishiba di mbadibadi dia kelobe disangakane na kālo, n’abo abakambile nyama-e-bukyelo, na kihwandjikisho kie, na kitundwilo kie, na kibadiko ki’eshina die, bēmane h’eshiba di mbadibadi dia kelobe, abadi na nsese y’Efile Mukulu.

Kibafumulwe 14:11

na mwishi wa malwa’bo wanakakamine mpaa na kwikala-ika; tabe na kikisho kanya na bufuku, abo abalangwila nyama-e-bukyelo na kihwandjikisho kie, n’aba banakatambule kitundwilo ki’eshina die.

Kibafumulwe 11:7

Habahwile bulungudi bwabo, nyama-e-bukyelo atuka ku luhongo lushī na nfudilo akalu ngoshi n’abo, akebakambila, ebehe,

Yoano 14:19

Anka kahindji kahela, ba-ha-nsenga, taba’mono kabidi, anka’nwe anu’mono; mwanda’mi nyi na muwa, anwe namu anukekala nao.

Kibafumulwe 17:8

Winyi nyama-e-bukyelo obomwene badi kala, binobino te kwanka, takyebe kwabuka luhongo lushī na nfudilo ēnde mu kulwididila. N’abo ababombela ha nsenga banakakanye, (mbaba) bashī na mashina’bo afundwe mu mukanda wa muwa wa ku mbangilo ya hanohansenga; habanakamone nyama-e-bukyelo, mwadi mwikele kwanka, te kwanka binobino, n’akafiki.

Kibafumulwe 11:15

Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika.

Kibafumulwe 11:11

Hakukila enyi mafuku asatu na kihindji, luwa lwa muwa w’Efile Mukulu ubatwele munda mwabo, abemene ha ngwa yabo; na moo ukata ubakwete baba abebamwene.

Kibafumulwe 11:3

Nankaha (bukome kwi) tumonyi twande tubidi, n’abo banakatemukye myanda ha mafuku kinunu na nkama yibidi na makumi asamombo bafwalwe makutu.

Bena Loma 11:15

Mwanda wa kusumbulwa kwabo su kubalombasha bahanohansenga, aha kulubulwa kwabo na minyi, tatakudia kutala mu lufu su?

Luka 1:17

N’e akēnde ku mpala kwe n’eshimba bu dia Elaidja na bukome bwe; mwanda wa kwalulusha mashimba a bashabo kwi bana babo; na bashi na kukokyela ku binangu bia balulame; na mu kulumbulwilwa Efile Mukulu bantu be na mashimb’abo ahwe kulumbulwa.

Mako 9:11

Abamwihwishe’shi: A Bafundji-ba-Mikanda a nkinyi kiabamba’shi: Elaidja akabadila kufika?

Mako 6:27

Kahindji n’āka batumine mushidika badi nsentedi, bamukamikile’shi: Fwa na mutwe we, n’e bayile, bakamutshibile mutwe we mu nshibo ya lukano.

Mako 6:16

Anka habahushishe Heloda nkumu ye, bambile’shi: Ngwinyi Yoano anatshibile mutwe, nyi basanguka ku lufu.

Mateo 24:10

Biabia be bungi abakakokolwa, abakehulukishena muntu na mukwabo, muntu na mukwabo, na kwishikwena.

Luka 14:14

Biabia obe okekala na mwabi, mwanda’bo tabe na bia kukwalwisha: mwanda okalwishwa ha kusanguka kwa balulameba mashimba.

Kibafumulwe 1:2

E batemukile bu kamonyi ka Mwanda w’Efile Mukulu, na ka bulungudi bwa Yesu Kidisitu, na ka bintu bioso bibamwene.

Kibafumulwe 2:26

Yawa akambila, alama bikitshino biande mpaa na ku nfudilo, kwadi nankamuha matalwa hanundu ha mīlo.

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Kibafumulwe 7:3

Tanumweshanga nsenga malwa, sunga mema-a-kalunga, sunga mitshi, mpaa na hatuhu kutula kitundwilo ha mpalahabafubi b’Efile Mukulu.