Kibafumulwe 20:12 - KILOMBENO KIHYA KIA NFUMWETU YESU KIDISITU

¹² Biabia namwene bafwe, bahela na bakata bemane ku mpala kw’Efile Mukulu; na mikanda yibabulwilwe; na ungi mukanda ubabulwilwe, nyi mukanda wa muwa; na bafwe abatshibilwe kimu ku yaya myanda yifundjibwe mu mikanda, mulombene bikitshino biabo.

Kibafumulwe 20:12 Referans Kwoze

Ii Bena Kodinda 5:10

Mwanda’twe boso wa tudi n’au ngwa kukafumbulwa ku mpala kwa kimu kia Kidisitu’shi, ese muntu akatambule bintu bibakitshinwe mu mbidi, mwiyile mubakitshinyinu, sunga mbibuwa sunga mbibubi.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Kibafumulwe 22:12

Talangai, nafiki lubilo; na bwedi bwande bwi n’ami kulubwila kwi muntu ese muhunda mufubo we, muntu na w’e, muntu na w’e.

Kibafumulwe 2:23

Nankeha bana be na lufu, na bikoñeno bi’Efile bioso abikeuku’shi, ami nyi e akokōla mu nfyo na mashimba: nankaha kwi muntu ese enu mwiyile bikitshino bienu.

Kibafumulwe 11:18

Mīlo yibadi na nsungu, nsungu yobe namu yibafikile, na kihindjikia kutshibila (myanda ya) bafwe; na kihindji kia kuha bwedi kwi bahika bobe batemuki, na kwi bahatulwe-bekishila, na kwi’ba abatshinyi eshina diobe, bahela na bakata; na kulwisha’ba abalwisha nsenga.

Kibafumulwe 3:5

Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be.

Kibafumulwe 20:13

Memaa-kalunga abalubwile bafwe (babadi) mwanka, lufu na kalunganyembo namu bibalubwile bafwe (babadi) mwanka; n’abo boso abatshibilwe kimu mulombene bikitshino biabo, muntu na bie, muntu na bie.

Kibafumulwe 21:27

Tamukatwele kia kushula, sunga mpahelahela, sunga yawa akitshi ya butete, sunga madimi, ooo; anka’ba bafundjibwe mu mukanda wa muwa wa Mwan’a-Mukoko.

Bikitshino 24:15

Nyi na Efile Mukulu lukuluhilo lwabakumine kw’abo bana bene’shi: Akukekala lusangukilo lwa bafwe balulame, na lwa bashi balulami.

Kibafumulwe 20:11

Namwene namu luhuna lutoka lukata, na yawa mushale hanka, ku mpala kwe nyi kubasukile nsenga n’eilu, tankumonwe mbalo yabio, ooo.

Kibafumulwe 19:5

Henyihaha eyi dibatukile mu luhun’a nsulu’shi: Tumbishai Efile Mukulu etu anwe bahika be boso, n’anwe abamutshinyi, bahela na bakata.

Bena Fidihai 4:3

Nakusendel’obe namu mukwetu a mu kikumbo kimune’shi, okwashie aba bana bakashi abafubile n’ami mu mukāndu-wibuwa, na Kelementa namu, na bakwabo bafubi n’ami, be na mashina’bo mu mukanda wa muwa.

Luka 10:20

Sunga mbiabia, tanuse helanga ha uno mwanda’shi, bikudi bibi bibenukokyela; anka nusehele ha mwanda mashin’enu ngafundwe mwiilu.

Kibafumulwe 13:8

Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.

Bena Loma 2:6

E akaha muntu ese, muntu na kie, muntu na kie anka mulombene bikitshino biabo.

Kibafumulwe 17:8

Winyi nyama-e-bukyelo obomwene badi kala, binobino te kwanka, takyebe kwabuka luhongo lushī na nfudilo ēnde mu kulwididila. N’abo ababombela ha nsenga banakakanye, (mbaba) bashī na mashina’bo afundwe mu mukanda wa muwa wa ku mbangilo ya hanohansenga; habanakamone nyama-e-bukyelo, mwadi mwikele kwanka, te kwanka binobino, n’akafiki.

I Bena Kodinda 4:5

Binyibiabia tanutshibanga (kimu) sunga nkihela kwibedi kwa kihindji kia Nfumwetu takiafikile, e akafisha kwitata myanda yifwame ya mufito wi fututu, na kufumbula’nyi yifībwe ya mashimba; henyihaha muntu he muntu he akekala na ntumbo ye kw’Efile Mukulu.

Mateo 11:22

Anka nenulungula’shi: Ahakafiki adi’efuku dia kimu, bushito bwa malwa enu abukakidi āmalwa a Tshile na Shidona.

Kibafumulwe 20:15

Na muntu oso shī musananwe (eshina die) difundjibwe mu mukanda wa muwa, ēlwa mwishiba dia kālo.