Kibafumulwe 2:9 - KILOMBENO KIHYA KIA NFUMWETU YESU KIDISITU

⁹ Neuku bikitshino biobe na bishiotshi na bulanda bobe, (anka we mpeta) na milomo yā’ba abetemuna’shi: Twi bena Yuda, biosobi ta n’abo, anka mba kikoñeno kia Satana.

Kibafumulwe 2:9 Referans Kwoze

Kibafumulwe 3:9

Talanga biampana ba ku kikoñeno kia Satana, abākula’shi: Twi bena Yuda, anka ta be biabia, abadimbi madimi, talanga, nankebafisha kulangwila ku ngwa yobe, na kwibeukisha biandji mukufule kifulo.

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

Bena Loma 9:6

Ta mpamun’enka kwamba’shi mwanda w’Efile-Mukulu aukwata mikankalo, ooo. Mwanda abo boso tambena Isalele ba’nka mu Isalele, ayoyo.

Ii Bena Kodinda 6:10

bu abenyengā mwishimba, biosobi twi na kusehela bukyelebukyele; bu balanda, biosobi atuhetesha bebungi buheta, bu bashī na kintu, biosobi twi basha bintu bioso.

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Luka 4:18

Kikudi a-Yehowa e handji’mi, mwanda banshingile (mwimu) mu kulungula mukāndu-wibuwa kwi balanda; bantumine kusangulusha mashimba abenyengye; kulungula kuhosolwa kwa misungi, na kubūlwa kwa meso kwi bampofu, kuhosola bafwambukye.

Kibafumulwe 2:2

Neuku bikitshino biobe, na mifubo yiokita, na lwishinko lobe lwa mufwaka, na moshyouku kukumina aba be bubi, na mu botompele baba abetemuna’shi: twi batumibwe, biosobi ta be biabia, anka bwebatundwile bu basha madimi,

Luka 6:20

Henyihaha babushishe meso e ha bana-be-ba-bukishi’shi: Mwabi wikale kwi’nwe balanda, mwanda bufumubw’Efile Mukulu mbwenu.

Bena Loma 12:12

Sehelai mu kutengyela; nwishinkei mu kusabulwa; na mufwaka, kankamanai mu luteko.

Bena Loma 5:3

Ta ñanka’ko ooo, anka’twilungwilā mu kusābulwa kwetu kwinyi, hakwiuka’shi, abia biakusābulwa abikitshishā kwishinka.

I Temote 1:13

biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino.

I Bena Tesalonika 3:4

Mwanda binyibinyi hatubadi n’enu, tubenulungwile kwibedi’shi, tatudi hehi na kumona bishiotshi, anka mwabibamwekyele, anwiuku.

Ii Bena Kodinda 8:2

mu kutompibwa kukata kwa malwa, bungi bwa kusehela kwabo na bulanda bwabo bukata bubafwimi ku buheta bwa bu-muntu bwabo.

Bena Loma 8:35

Nketulamuna na kifulo kia Kidisitu nanyi? A nkusabula su, a nkatshima munda, a nkubingwabingwa su, a munanga’nyi, su muswa, su mukanwa mwa lufu, su nduhete lwa kutahana?

Kibafumulwe 7:14

N’ami namwalulwile’shi: A Mwanana, obe weuku. E bandungwile’shi: Bano nyi mbenyi abatukile ku kishiotshi kikata, abasula mitwelo yabo, abaitosha selelee mu mase a Mwan’a Mukoko.

Luka 22:65

Na yingi myanda yibungi yiabamwambile yibadi anka yiakūmuka.

Luka 12:21

Anka biabia yawa ēbikila bie bineme, shī na buheta namu kw’Efile Mukulu e anka biabia.

Bena Loma 2:17

Talanga, obe atemunwa bu mwina Yuda, otē eshimba ku mukanda-wa-milangilo, welungwile mw’Efile-Mukulu,

Bikitshino 26:11

Nadi ebamwesha malwa misusa na misusa mu bitumbwilo bioso, nadi ebafinyika kukā Efile Mukulu mulomo, na hanakwatshile bukyelo bukalabale kwabadi, nebingenene n’abo mpaa na ku bingi bibalo.

Bikitshino 14:22

Bakwete kukankamisha mashimba a balondji b’Efile, na kwibalanga’shi: Nunyingamanei mu lukumino, mwanda nkihwandjikile ’twe kumona misāibulo yibungi ha kutwela mu bufumu bw’Efile Mukulu.

Yoano 16:33

Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga.

Mateo 4:10

Binyibiabia Yesu bamulungwile’shi: Katuka Satana, mwanda ubafundjibwe’shi: Okalangwila Yehowa, Efile Mukulu obe, anka E okafubila.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

Kibafumulwe 2:24

Anka kwi’nwe, bakwabo ba mu Tyatire kwi baba boso bashī na luno lulambukisho, bashyabeuku myanda yifwame ya Satana bu biabākula, namba’mi’shi: Tankenutenteka kingi kita,