Kibafumulwe 2:10 - KILOMBENO KIHYA KIA NFUMWETU YESU KIDISITU

¹⁰ Totshinangā’ya myanda (yamalwa) yiotokyebe kukala, sunga ngumune; talanga, kafilefile takyebe kwela bamo b’enu mu nshibo ya lukano nutompibwe; anukamono bishiotshi mafuku ekumi; wekale mushimate mpaa na ku lufu, n’ami nankakuha kilongo kia muwa.

Kibafumulwe 2:10 Referans Kwoze

Yakoba 1:12

Mwabi kwi (yawa) muntu anyiñamana mu kutompibwa, mwanda e hakushisha mwanka anakatambule kilongo kia bushindanyi kia muwa, kibalayile Nfumwetu kwi’ba abamufulā kifulo.

Mateo 10:22

Anukekala bashikibwe kwi bantu boso ha mwanda w’eshina diande, anka e akakankamana mpaa na kunfudilo akahashibwa.

I Petelo 5:4

Biabia ahakafumbulwa Mumunyi mukilekile bukata, nwanakatambule kilongo kia ntumbo kishyakikalwila.

Mako 13:13

Bantu boso namu abakenushikwa ha mwanda w’eshina diande, anka yawa akashimata hoo, mpaa na kunfudilo biabi’akahashibwa.

Bena Efisesa 6:12

Mwanda kwishindena kwetu tankwa ku mbidi na mase, ooo, anka nkwa ku bakata be moo, na kwi basha matalwa, na kwi batontshi ba mufito wa hanohansenga, na kwi bikudi bibi bia mwiilu.

Kibafumulwe 2:9

Neuku bikitshino biobe na bishiotshi na bulanda bobe, (anka we mpeta) na milomo yā’ba abetemuna’shi: Twi bena Yuda, biosobi ta n’abo, anka mba kikoñeno kia Satana.

Mateo 24:13

Anka yawa akanyingamana mpaa na kunfudilo e akahanda.

I Petelo 5:8

Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota:

I Bena Kodinda 9:25

Boso, anka atambula bwedi ngumu-Muntu ese kwete kunyisha (biabia) e na kwitonga mu bintu bioso. N’abo abeukitshi, abakitshi’shi: Tutambule kilongo akilwilā, ank’atwe atukitshi mwakutambwila kishiakilwilā.

Mateo 10:28

Tanutshinanga’bo abaiha mbidi, anka bashī abeuku kwihā kikudi; anka nukile kutshin’awa euku kulwisha kikudi, na mbidi bioso namu mu Ngehena.

Kibafumulwe 13:7

Kubamuhelwe namu kulwa ngoshi na bahatuiwe-bekishila na kwibakambila: na matalwa abamuhelwe hanundu ha bisaka bioso, na bantu, na ba ndjimi na mīlo.

Bena Efisesa 2:2

nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;

Yoano 13:2

Binyibiabia, habaditabadi biakudia, Satana bahwilekutwesha Yudasa Isakadiota a Shimono’shi, amusokole ku bangi.

Yoano 12:25

Awa e na kifulo na muwa we na mwinyi, au ukamushimina; ank’e ashikwa muwa we wa hano-hansenga, akekala nao, mpa na kwikalaika.

Luka 21:12

Anka kwibedi kwa yino myanda abakenukwata, abakenubinga, na kwinufisha ku bitumbwilo, na mu mashibo a nkano, anukafishwa ku mpala kwa banfumu, na kwi ba bimankinda ha mwanda w’eshina diande.

Mako 8:35

Mwanda ese akyebe kuhasha muwa we akeushimisha, ank’ese ashimisha muwa we, ha mwanda w’ande, na ha mwanda wa mukāndu wibuwa, nyi winyi akeuhasha.

Kibafumulwe 13:2

Na nyama-e-bukyelo anamwene mwifwane ngye, na niakasa e bu kimungu, ku kanwa kwe (kubadi) bu ku kanwa kwa ntambwe, ana kinyoka bamuhele bukome bwe, na luhun’a-nsulu lwe na matalwa akata.

Bikitshino 21:13

Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu.

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

Yoano 13:27

Habatambwile kihese Satana batwele munda mwe. Biabia Yesu bakwile’shi: Kiokyebe kukita, kitekio bukidi.

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 17:14

Bano banakalwe ngoshi na Mwan’a-Mukoko, na Mwan’a-Mukoko anakebakambile: mwanda e nyi Mwanana a bamwanana, na Nfumu a banfumu: n’abo be n’e mbetanyinwe, na basangudibwe, na bakishima.