Kibafumulwe 19:10 - KILOMBENO KIHYA KIA NFUMWETU YESU KIDISITU

¹⁰ Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda.

Kibafumulwe 19:10 Referans Kwoze

Yoano 5:39

Kimbai mu bifundjibwe, mwanda mwanka mwa nutentekesha’shi: twi na muwa waikala-ika: abio nyi abintemuna.

Bena Bahebelu 1:14

Abo boso tambikudi bia mulubo, babatuminwe kufubilā’ba abakekala bampianyi ba kihandjilo su?

Kibafumulwe 4:10

(biabia) bakulu makumi abidi na bananka abahone hashi ku mpala kwa yawa badi mushale ha luhun’a nsulu, na kumulangwil’e na muwa wa ikala-ika, na kwela bilongo bia bushindji bwabo ku mpala kwa luhun’a nsulu’shi:

Kibafumulwe 12:17

Biabia kinyoka badi na nsungu na mwana-mukashi, bayile kulwa ngoshi na bashale ku lubio lwe, benyi abalama milangilo y’Et’ile Mukulu, n’abalamata ku bulungudi bwa Yesu Kidisitu.

Kibafumulwe 12:11

N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo.

I Yoano 5:10

Yawa akumina ha Mwan’Efile Mukulu e na mwiukishi munda mwe; yawa shyakumina Efile Mukulu bamwikasha bu sha madimi; mwanda tamukumine bulungudi bw’Efile Mukulu’shi, bubahene Efile ha mwanda wa Mwan’e.

Bena Bahebelu 12:25

Talai tanulelanga yawa akulā, mwanda su baba abatune yawa bakwile ha nsenga, tambahande, kukilakila biabia n’atwe namu mpamune, su atufutala yawa etudimuna a kwiilu.

Mateo 4:10

Binyibiabia Yesu bamulungwile’shi: Katuka Satana, mwanda ubafundjibwe’shi: Okalangwila Yehowa, Efile Mukulu obe, anka E okafubila.

Kibafumulwe 14:7

Bākwile n’eyi dikata’shi: Tshinai Efile Mukulu, numutumbishe, mwanda kutshiba kwe kwa kimu kubafiki, nulangwilei yawa bahangile eilu na nsenga, na mem’a kalunga, na masulo a mema.

Kibafumulwe 15:4

A Yehowa, a nanyi shyakakutshinyi na kutumbisha eshina diobe? mwand’ank’obe nyi muhatulwe-e-kishila; mwanda mīlo yoso yanakafike kulangwila ku mpala kobe; mwanda bikitshino biobe bilulame bibafumbwilwe.

Bikitshino 10:43

Batemuki boso abamwisambilanga anka e bu tumonyi’shi, ese akakumina mwadi e, akatambula kulekyelwa kwa milwisho mwishina die.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Bena Fidihai 3:3

Mwanda’twe twi ba kisale abalangwilā Efile Mukulu mu Kikudi (E-Selelee,) na kwilungwila mu Kidisitu Yesu, tatukuluhiiā mu bia mbidi.

Luka 24:44

Binyibiabia bebalungwile’ shi: Yino nyi yinyi myanda yanenulungwile hanadi nki nenu’shi, myanda yoso wayidi n’ao ngwa kukumbashwa yibadi yifundwe mu mukanda-wa-Mosesa na mu batemuki, na (mu) ñono ya Milangwilo, ha mwanda wande.

Luka 1:19

Mwikeilu hakwalula bamulungwile’shi: Ami nyi Ngabudiele, naimana ku mpala kw’Efile Mukulu; natumibwa kwisamba n’obe, na kukulesha uno mukānduwibuwa.

Mako 5:22

Henyihaha tala, kubafwīle umune a batontshi ba mu kitumbwilo, eshina die mbu Yailusu; e, habamumwene bēle ku ngwa y’E.

Bikitshino 13:27

Mwanda’bo ababombela ku Yelusalema, na batontshi babo, mwanda’bo tambamwiuke, sunga mayi a batemuki abadibwa ku Sabado ku Sabado yoso, abeikumbasha ha mwanda wa kumuhisha.

I Yoano 5:21

Bana bakinga batomibwe kifulo, nwilamei ku mankishi.

I Bena Tesalonika 5:15

Talānga muntu su nanyi su nanyi akālula bubi ku bubi; anka nulonde’kia kibuwa bukyelebukyele kwi’nwe banabene na kwi bantuboso.

Bena Efisesa 5:15

Biabia tambukai na lwishinko kushī hamune bu balotakane, ooo, anka bu basha binangu;

Ii Bena Kodinda 8:7

Anka mwanufwimina mu bintu bioso, mu lukuluhilo, na mu kwakula, na mu kiukilo, na mu kusasakata, na mu kifulo kienu kwatudi, nufwimei mu buno bu-muntu namu.

Mako 7:25

Mwanda kubadi mwana mukashi, mwan’e badi na kikudi ki butete bamuhushishe, bafikile, bahonene ku ngwa y’e.

Bena Efisesa 5:33

Sunga mbiabia, ese muntu namu ekale na mpian’e kifulo, hamune’bo ba na mwinyi, muntu na mpian’e muntu na mpian’e; mpiana namu anemekye mulund’e.

Kibafumulwe 1:1

Kibafumbulwe kia Yesu Kidisitu, kibamuhele Efile Mukulu kulesha kwi bahika be myanda yitayikyebe kumweka; bekitumine, bekiukishe na mwikeilu e kwi mpik’e Yoano.

Kibafumulwe 19:9

E bandungwile’shi: Funda’shi: Basha mwabi mbaba abetanyinwa ku bidibwa bi’ebambo bia Mwan’a-Mukoko. Bandungwile namu’shi: Yino nyi myanda ya binyibinyi y’Efile Mukulu.