Kibafumulwe 16:19 - KILOMBENO KIHYA KIA NFUMWETU YESU KIDISITU

¹⁹ Na kibalo kikata kibelamunwine hasatu, na bibalo bia Badjentaila bibahone: na Babelone mukata batentekyeshwe ku ntpala kw’Efile Mukulu kumuha kihulu kia nfinyo kia bukyelo bwa nsungu ye.

Kibafumulwe 16:19 Referans Kwoze

Kibafumulwe 18:5

Mwanda milwisho ye yibafikile mpaa na mwiilu, n’Efile Mukulu tahwile kunangushena yihename ye.

Kibafumulwe 18:10

Abakemana kula ha mwanda wa kutshina mitanyo ye’shi: Aa! Aa! kibalo kikata Babelone, kibalo ki bukoho! mwanda mu nsa umune kitshibilo kiobe kibafiki.

Kibafumulwe 17:18

Na mwana-mukashi obomwene nyi nkinyi kibalo kikata, akibikalā hanundu ha banfumu ba ha nsenga.

Kibafumulwe 18:21

Henyihaha mwikeilu e bukome batulwile ebwe bu dibadi adihēlwa dikata, bediele mu mema-a-kalunga’shi: Anka biabia na kifunko kikata, Babelone, kinyi kibalo kikata kianakahoneshibwe hashi, takianakamwekye’nyi, sunga mpahelahela.

Kibafumulwe 18:2

E belele musase n’eyi dikilekile bukata’shi: Babelone mukata bahono, bāluluka ta nkibombelelo kia biso, na bu nshibo ya lukano ya bikudi bioso bibubi, na bu kikutu kia tonyi toso twi butete na tushikībwe.

Kibafumulwe 17:5

na ha mpala he eshina difundwe’shi: KIFIBWE, BABELONE MUKATA, NYIN’A BASHA LUSANDJI BANA-BAKASHI, N’A BIAKUBENDWA BIA HANO HA NSENGA.

Kibafumulwe 11:8

na bitanda biabo bianakekale mu luhata lwa kinyi kibalo kikata, kiudikwe mu kiakikudi ta mbu Sodoma na Edjihitu, mwabehayile namu Nfumwabo.

Kibafumulwe 17:1

Kubafikile umune a bamwikeilu musambobidi badi na bihulu musambobidi, bākwile n’ami’shi: Fika kuno; nkuleshe kitshibilo kia mukashi sha lusandji ashala ha mema ebungi,