Kibafumulwe 13:15 - KILOMBENO KIHYA KIA NFUMWETU YESU KIDISITU

¹⁵ Badi na bukome bwa kuha kinyi kihwandjikisho kia nyama-e-bukyelo muwa’shi, kihwandjikisho kia nyama-e-bukyelo kiakule, na kwikasha’shi, boso bashyabalangwila kihwandjikisho kia nyama-e-bukyelo behayibwe.

Kibafumulwe 13:15 Referans Kwoze

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Kibafumulwe 19:20

Biabia nyamae-bukyelo bakwatshilwe, na winyi mutemuki amadimi bakitshine bitundwilo ku mpala kwe, nyi bibōngwele n’abio baba abatambwile kitundwilo kia nyama-e-bukyelo, n’aba abalangudile kihwandjikisho kie. Bano babidi abedibwe abatala mwishiba dia kālo aditembe na soufre.

Kibafumulwe 16:2

Mwikeilu a kwibedi bayile, bahongolwele kihulu kie ha nsenga; biabia kubafikile elonda ditote bi moo ha bantu babadi na kitundwilo kia nyama-e-bukyelo, na he’ba abalangwila kihwandjikisho kie.

Kibafumulwe 18:20

Sehelai ha mwanda w’akio obe eilu, n’anwe bahatulwe-bekishila, n’anwe batumibwa, na batemuki; mwanda Efile Mukulu tahwile kwinuobwēla hakidi.

Kibafumulwe 17:6

Namwene namu winyi mwana mukashi mukolwe na mase a bahatulwe bekishila, na mase a tumonyi twa Yesu: hanamumwene nakanyine na kukanya kwi moo.

Kibafumulwe 14:11

na mwishi wa malwa’bo wanakakamine mpaa na kwikala-ika; tabe na kikisho kanya na bufuku, abo abalangwila nyama-e-bukyelo na kihwandjikisho kie, n’aba banakatambule kitundwilo ki’eshina die.

Kibafumulwe 14:9

Mungi mwikeilu namu a kasatu bebalondele, ākula n’eyi dikata’shi: Su muntu alangwila nyama-e-bukyelo na kihwandjikisho kie, atambula namu kitundwilo ha mpala he, su h’eyasa die,

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 18:24

Munkatshi mwe mubasanenwe mase a batemuki, n’a bahatulwe-bekishila, n’a boso abehayibwe hano ha nsenga.

Kibafumulwe 17:17

Mwanda Efile Mukulu beutule mu mashimba’bo kukumbasha amukyebel’eshimba die, na kulombashena, na kuha bufumu bwabo kwi nyama-e-bukyelo mpaa n’ahakakumbana myanda yoso y’Efile Mukulu.

Kibafumulwe 17:14

Bano banakalwe ngoshi na Mwan’a-Mukoko, na Mwan’a-Mukoko anakebakambile: mwanda e nyi Mwanana a bamwanana, na Nfumu a banfumu: n’abo be n’e mbetanyinwe, na basangudibwe, na bakishima.

Kibafumulwe 16:5

N’ami nahushishe mwikeilu e hanundu ha mema akula’shi: A Yehowa, obe we mululame, we kwanka binobino, bodiko kala, mwanda botshibile biabia;

Yakoba 2:26

Mwanda anka mwikele mbidi yishī na kikudi ngifwe mpamunenka na lukuluhilo lushī na bikitshino ndufwe namu.

Kibafumulwe 13:1

Baimene ha misengeya ya mem’a-kalunga. Namwene nyama-e-bukyelo atunduka mu mema, badi na mitwe musambodidi na nsengwa ekumi, nahansengwa ye bilongo ekumi, na ha mitwe he mashina a kukaa Efile Mukulu.

Kibafumulwe 13:12

Badi afubu na matalwa oso a nyama-e-bukyelo a kwibedi ku mpala kwe. Akokyeshā nsenga n’ababombele mwanka kulangwila winyi nyama-e-bukyelo a kwibedi badi n’elonda dia lufu diume.