Kibafumulwe 12:9 - KILOMBENO KIHYA KIA NFUMWETU YESU KIDISITU

⁹ Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Kibafumulwe 12:9 Referans Kwoze

Luka 10:18

N’e bebalungwile’shi: Namwene Satana ahono kwiilu bu luhete lwa mpeshi.

Yoano 12:31

Binobino nkitshibilo kia hano-ha-nsenga: binobino mwinyi nfumu a hano-ha-nsenga akabingwa.

Kibafumulwe 20:10

Na kafilefile, winyi bebōngwele, belelwe mwishiba dia kālo na soufre, mwi nyama-e-bukyelo na mutemuki a madimi; banakamweshibwe mitanyo kanya na bufuku, mpaa na kwikala-ika.

I Yoano 5:19

Atwiuku’shi, twi ba kw’Efile Mukulu, na biahanohansenga bioso mbilale mwi’wa mubi.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

Kibafumulwe 12:7

Kubadi ngoshi mwiilu, Mikaele na bamwikeilu be babaluanga ngoshi na kinyoka; kinyoka namu badi ku ngoshi na bamwikeilu be;

Yoano 8:44

Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao.

Kibafumulwe 20:8

anakatuke kōngola mīlo ya bantu yi ku mahaka ananka a nsenga, Ngoga na Mangoga, kwi bakongola hamune kulwa ngoshi; bungi bwabo bwi bu misengeiya ya ku mema.

Kibafumulwe 12:3

Na kingi kitundwilo kibamwekyele mwiilu; talangai, kinyoka kikata kimonga hyū, kibadi na mitwe musambobidi na nsengwa ekumi; bilongo musambobidi namu bibadi ha mitwe y’e.

Kibafumulwe 9:1

Binyibiabia mwikeilu a katano bōmbele, n’ami namwene luenyenyi alwīki mwiilu kuhona hano ha nsenga. Kubamuhelwe lufungulo lwa luhongo lushī na nfudilo.

Kibafumulwe 2:24

Anka kwi’nwe, bakwabo ba mu Tyatire kwi baba boso bashī na luno lulambukisho, bashyabeuku myanda yifwame ya Satana bu biabākula, namba’mi’shi: Tankenutenteka kingi kita,

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

I Petelo 5:8

Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota:

Ii Bena Kodinda 11:14

Haha hashī mwanda wa kukanya, ooo, mwanda Satana na mwinyi bealulwile tadi bu mwikeilu e etata.

Ii Bena Kodinda 2:11

Tala Satana akamwena mwa kwituhonesha, mwanda tatwibahatamine ku budimu bwe.

Bena Loma 16:18

Mwand’abo be biabia ta mbafubile Nfumwetu Yesu Kidisitu, ooo, anka ya mafu abo; na kwi mīsambo yabo ya kushīñanya yibuwa bwimoo, na ya ntumbo, yabadimbi mashimba a balotakane.

Bikitshino 26:18

okyebabule meso, na kwibafutalasha ku mufito, batadile kwitata, na ku matalwa a Satana namu, batadile kw’Efile Mukulu mwabadia kutambwila kulekyelwa kwa milwisho, na buhyianyi munkatshi mwabo balamunwe-selelee ku lukuluhilo lwi mwandji’mi.

Luka 22:31

Binyibiabia Nfumwetu bakwile’shi: Shimona! Shimona! tala Satana bakamikile kukukwata mwadia kukuhehwila bu ngano.

Ii Bena Kodinda 11:3

Anka nyi na moo, kutshina’shi, su nku kinyi, su nku kinyi, mwababembēle Efa kwi nyoka, ha mwanda wa budimu bwe, biabia namu binangu bienu tala biakekala bilwishibwe ku kubofula kwi mu Kidisitu.

Luka 22:3

Henyihaha Satana batwēle mu Yudasa, eshina die diakabidi dibadi bu Isakadiota biabadi mwikale a ku b’ekumi na babidi.

Luka 8:12

Ayo yi ku bukunkula bw’eshinda mbaba abahusha; henyihaha diabolo afika, āta mwanda wi ’mashimba’bo tala bakakumina, na kuhashibwa.

Mateo 25:41

Henyihaha akalungula be ku mboko yibakashi’shi: Katukai kwandji’mi, anwe bēlwe muloa, mpaa na mu kālo ka ikala-ika, kabalumbulwilwe diabola na bamwikeilu be;

Mateo 4:10

Binyibiabia Yesu bamulungwile’shi: Katuka Satana, mwanda ubafundjibwe’shi: Okalangwila Yehowa, Efile Mukulu obe, anka E okafubila.

Mateo 4:8

Dimonyi diabola bamukamishe ha ngulu mula eyee, bamulesheshe mafumu oso a hanohansenga na ntumbo yao;

Mateo 4:5

Biabia: diabola bamukamishe ku kibalokihatulwe-kishila, bamushadikile ku masaka wa ntempelo.

Mateo 4:1

Henyihaha Yesu badi akunkwishwe na Kikudi-E-Selelee mu kabāka, mu kutompibwa na dyabola.

Kibafumulwe 19:20

Biabia nyamae-bukyelo bakwatshilwe, na winyi mutemuki amadimi bakitshine bitundwilo ku mpala kwe, nyi bibōngwele n’abio baba abatambwile kitundwilo kia nyama-e-bukyelo, n’aba abalangudile kihwandjikisho kie. Bano babidi abedibwe abatala mwishiba dia kālo aditembe na soufre.

Kibafumulwe 16:14

mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso.

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 9:20

Bangi bantu abashele bashi behayibwe na bino bihuha, tambelangye ha mwanda wa mifubo ya ku maasa’bo’shi: Tatulangwilanga mikishi, na mankishi a kilonda kia nsahabu, n’a nfeda, n’a munyinga, n’a mabwe, n’a mitshi; ashyaeuku kumona, sunga nkuhusha, sunga nkutambuka;

Kibafumulwe 3:9

Talanga biampana ba ku kikoñeno kia Satana, abākula’shi: Twi bena Yuda, anka ta be biabia, abadimbi madimi, talanga, nankebafisha kulangwila ku ngwa yobe, na kwibeukisha biandji mukufule kifulo.

Kibafumulwe 2:9

Neuku bikitshino biobe na bishiotshi na bulanda bobe, (anka we mpeta) na milomo yā’ba abetemuna’shi: Twi bena Yuda, biosobi ta n’abo, anka mba kikoñeno kia Satana.

Yuda 1:9

Anka Mikaele mwikeilu mukile bukata, habadi alwila na kafilefile, belele mpaka ha mwanda wa mbidi ya Mosesa, tamukume kufisha kwadi kimu kia kukaa, ooo, anka bakwile’shi: Yehowa akusashile.

Bena Bahebelu 2:14

Haha henyi biabia bana biabebungila ku mwita na mase, e na mwinyi namu mwibungile n’abo hamune’shi, ha mwanda wa lufu biadia kulwisha yawa sha matalwa a lufu, e winyi nyi nkafilefile;

Ii Temote 3:13

Anka bantu babi na bansesa abakēnd’ābafwimanga na kufwima kwa ku bubi, na kōngoshena na kwiongola (bana bene).

I Temote 2:14

Adama tamongolwe, ooo, anka mwana-mukashi habōngwelwe bahonene mu kusola kwa mwanda.

Ii Bena Tesalonika 2:3

Tanukuminanga muntu kwinongola na kintu; mwanda diadi’efuku tadikafiki anka su akukekala kulamunuka kwibedi, na (winyi) mulamunushi-e-bubi akafumbulwa, winyi mwan’a kulwisha,

Bena Efisesa 4:14

eshi, tatwikalanga bu bakinga bakī batoka abasunkumishwa, na kuhahulwa na mpahi yoso ya lulambukisho, ku ndjindji ya bantu, na ku bulamalama bukilekile kwabadi bemene kudimbananga, ooo,

Ii Bena Kodinda 12:7

Na ha mwanda wa kutshina’shi, tala nakekala mukishekishe kunemekwa ku bungi bwa bifumbulwe, kunadi muhebwe mulobo mu mbidi, taudi mukiendji wa Satana wa ku ’mwesha malwa; tala nankekala mwinemekye bikilekile.

Bena Loma 16:20

Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu.

Bikitshino 5:3

Anka Petelo bakwile’ shi: A Ananaisa, a nkinji Satana bausha eshimba diobe kudimba Kikudi-E-Selelee, na kufia kingi kihindji kia mulo w’efuba?

Yoano 16:11

Ha mwanda wa kutshiba kimu, mwanda nfumu a ha yino nsenga batshibilwe kimu.

Yoano 14:30

Bino takianyinulungula myanda yi bungi, ooo; mwanda sha matalwa a hano-ha-nsenga afiki, anka mwandji tamwikie, sunga kimune.

Luka 13:16

A uno mwana mukashi biadi mwikale mwan’Abalahama mwanyibwe kwi Satana, bihwa ekumi na mwanda: tambilombane kumuhosola h’efuku dia Sabado su?

Mateo 24:24

Mwanda baKidisitu ba madimi abakēbō, na batemuki ba madimi, abakalesha bitundwilo bikata na biakukanya; na kōngola sunga basangudibwe su mbiabia takukutwa kukitshibwa.

Mateo 13:39

Winyi a mushikwa beiminyine nyi Satana; kūmbula nyi kunfudilo kwa hanohansenga; abakūmbula nyi bamwikeilu.

Kibafumulwe 18:2

E belele musase n’eyi dikilekile bukata’shi: Babelone mukata bahono, bāluluka ta nkibombelelo kia biso, na bu nshibo ya lukano ya bikudi bioso bibubi, na bu kikutu kia tonyi toso twi butete na tushikībwe.

Kibafumulwe 18:23

n’etata dia kimunyi tadianakamunyikye dimonyi modi; n’eyi dia mubambi-a-mukashi sunga ndia mukashi-mubambibwe tadianakahushibwe dimonyi modi sunga mpahelahela; mwanda bansunga bobe babadi bantu bakata ba hanohansenga; mwanda mīlo yoso yibōngwelwe na masende obe.

Kibafumulwe 12:8

anka’bo tambebakambile, ooo, na mbalo yabo tangisananwe dimonyi mwiilu.

Kibafumulwe 12:12

Binyibiabia sehelai anwe mailu, n’anwe babombele mwanka. Mpombo kwi babombedi ba ha nsenga na ba ha mem’akalunga! mwanda kafilefile bayiki kwanudi, e na nsungu yikata, mwanda euku’shi: kihindji kiande nkihela.