Kibafumulwe 12:4 - KILOMBENO KIHYA KIA NFUMWETU YESU KIDISITU

⁴ Mukila we ubakakile kihindji kia kasatu kia nyenyenyi ya mwiilu, beyiele ha nsenga; biabia kinyoka bemene ku mpala kwa mwana-mukashi badi takyebe kutanda, mwanda wa kudia mwana ha kutandwa.

Kibafumulwe 12:4 Referans Kwoze

Kibafumulwe 12:9

Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Yoano 8:44

Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao.

Kibafumulwe 9:19

Mwanda bukome bwa nfalasa bwi mu kanwa mwa’yo, na mu mikila mwa’yo; mwanda mikila yayo (yibadi) bu manyoka e na mitwe, nyi n’ayo yiabasumana.

Kibafumulwe 9:10

Yibadi na minungi mu tubayi twayo, na matalwa ayo abadi kumwesha bantu malwa mieshi yitano.

Kibafumulwe 8:7

Mwikeilu a kwibedi bōmbele, biabia kubalondele mpeshi a kasangu, na kālo bisangakane na mase, bibedibwe hano hashi: biabia kihindji kia kasatu kia mitshi kibatatshishwe kālo, na lubishi loso lubatatshishwe namu.

I Petelo 5:8

Nuhilei, nutengyelei, mwanda mwituhishyanyi n’obe diabola, akindakana bu ntambwe kwete kukumba na kukimba adia kukokota:

Kibafumulwe 17:18

Na mwana-mukashi obomwene nyi nkinyi kibalo kikata, akibikalā hanundu ha banfumu ba ha nsenga.

Kibafumulwe 8:8

Henyihaha mwikeilu a kabidi bōmbele, na kubadi bu ngulu yikata ayitembe kālo yiedibwe mu mem’akalunga; biabia kihindji kia kasatu kibālulukile ta mase;

Kibafumulwe 8:9

na kihindji kia kasatu kia bihangwe bibadi na muwa mu mem’a-kalunga bibafwile; kia kasatu namu kia masua kibashimishibwe.

Kibafumulwe 8:10

Henyihaha mwikeilu a kasatu bōmbele, na luenyenyi lukata lubahonene mwiilu, lubadi alutembe bu kimunyi, lubahōne ha kihindji kia kasatu kia misulo ya mema, na ha masulo a mema;

Kibafumulwe 8:11

n’eshina dia luenyenyi nyi mbu Mutshi-wibūlo; kihindji kia kasatu kia mema kibālulukile būlo, bantu bebungi namu abafwile ku mema, mwanda abālulukile būlo.

Kibafumulwe 8:12

Henyihaha mwikeilu a kananka bōmbele, na kihindji kia kasatu kia nguba, na kia mweshi, na kia nyenyenyi bibakuhilwe, biabia kihindji kiabio kia kasatu kibafitshishwe bufuku’shi, kanya takamwekanga kihindji kia’ko kia kasatu, na bufuku mpamune.

Kibafumulwe 12:7

Kubadi ngoshi mwiilu, Mikaele na bamwikeilu be babaluanga ngoshi na kinyoka; kinyoka namu badi ku ngoshi na bamwikeilu be;

Kibafumulwe 13:2

Na nyama-e-bukyelo anamwene mwifwane ngye, na niakasa e bu kimungu, ku kanwa kwe (kubadi) bu ku kanwa kwa ntambwe, ana kinyoka bamuhele bukome bwe, na luhun’a-nsulu lwe na matalwa akata.

Kibafumulwe 13:4

Abalangwile kinyoka, ha mwanda bahele matalwa e kwi nyama-e-bukyelo; abalangwile nyama-e-bukyelo’shi: A nanyi mwifwane nyama-e-bukyelo? A nanyi euku kulwa n’e ngoshi?

Kibafumulwe 16:13

Namwene namu bikudi bi butete bisatu bifwane bīlwa abituku mu kanwa mwa kinyoka, na mwa nyama-e-bukyelo, na mwa mutemuki a madimi;

Kibafumulwe 20:2

E bakwete kinyoka, nyi ngwinyi nyoka a kala, nyi n’Kafilefile, Satana, bamwanyine bihwa kinunu kimune: