Kibafumulwe 12:11 - KILOMBENO KIHYA KIA NFUMWETU YESU KIDISITU

¹¹ N’abo abamukambile na mase a Mwan’a-Mukoko, na ha mwanda wa bulungudi bwabo bw’Efile; abo tababadi na miuwa yabo kifulo, mpaa na ku lufu, ooo.

Kibafumulwe 12:11 Referans Kwoze

Yoano 16:33

Nenulungwile bino bintu ami’shi, nwikale na kufukama mwandji mi. Hano-ha-nsenga anukamono bishiotshi bia malwa: anka nyishei mashimba enu; Ami nahu kuobesha ba-hanoha-nsenga.

I Yoano 5:5

A nanyi aobesha bia bahanohansenga, anka yawa akumina’shi, Yesu nyi Mwan’Efile Mukulu?

I Bena Kodinda 15:57

Anka Efile Mukulu atumbishibwe, n’e etuheya ngobesha mu Nfumwetu Yesu Kidisitu.

Kibafumulwe 2:26

Yawa akambila, alama bikitshino biande mpaa na ku nfudilo, kwadi nankamuha matalwa hanundu ha mīlo.

Bena Loma 16:20

Bino Efile-Mukulu a kufukama akatshokola Satana mushi mwa ngwa yenu ahayisha kihindji kihela. Buntu bwa Nfumwetu Yesu Kidisitu bwikale nenu.

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

I Yoano 4:4

Anwe nwi b’Efile Mukulu, bakinga batomibwe kifulo, nubebikambile, mwanda yawa e munda mwenu ’mukile e hanohansenga bukata.

Kibafumulwe 3:5

Yawa akambila, nyi winyi anakafwadikwe mu bifwalwa bitoka; ami namu tanakashimishe eshina die mu mukanda wa muwa, ooo, nanankatemune eshina die ku mpala kwa Yaiya na kwa bamwikeilu be.

Kibafumulwe 3:21

Kwi yawa akambilā nankakumina’shi, ashale n’ami ha luhun’a nsulu lwande, anka mwankambile namu, nyi mushale namu na Shami ha luhun’a nsulu lwe.

Kibafumulwe 3:12

Yawa akambilā nanankamutulu bu kibayi mu ntempelo y’Efile Mukulu ande, e takatuku mwanka dimo; ami namu nankafundu hadi eshina di’Efile Mukulu ande, n’eshina dia kibalo ki’Efile Mukulu ande, akio nyi Yelusalema muhya, akiyiki mwiilu kw’Efile Mukulu ande, n’eshina diande dihya namu.

Kibafumulwe 2:7

Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu.

Kibafumulwe 20:4

Namwene namu mpun’a nsulu n’aba bashale hanka, mbahebwe kitshibilo. (Namwene’nyi) bikudi bi’aba abatshibilwe mitwe ha mwanda wa bulungudi bwa Yesu, na ha mwanda wa Mwanda w’Efile Mukulu nyi mbaba bashī badi abalangwila nyama-e-bukyelo, sunga nkihwandjikisho kie, sunga nkutambula kitundwilo kie ha mahala’bo, sunga ha maasa’bo; abekele na muwa na kubikala na Kidisitu bihwa kinunu kimune.

Luka 14:26

Su kwi muntu, su nanyi su nanyi afiki kwandjimi’shi, mufutale nshye na nyin’e, na mpiana’e, na bana b’e na bakwabo balume, na bakwabo bakashi, ee, na muwa we na mwinyi namu, e teuhu kwikala mwan’ande abukishi.

Kibafumulwe 11:7

Habahwile bulungudi bwabo, nyama-e-bukyelo atuka ku luhongo lushī na nfudilo akalu ngoshi n’abo, akebakambila, ebehe,

Kibafumulwe 1:2

E batemukile bu kamonyi ka Mwanda w’Efile Mukulu, na ka bulungudi bwa Yesu Kidisitu, na ka bintu bioso bibamwene.

Bikitshino 21:13

Henyihaha Paulu bālulwile’shi: A nkinyi kianudidi na kunsasush’eshimba diande? Mwanda nki mwimēne kwanyibwa ank’ako, anka namu kumona’nyi lufu ku Yelusalema ha mwanda w’eshina dia Nfumwetu Yesu.

Kibafumulwe 19:10

Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda.

Kibafumulwe 6:9

Habalamwine kiukilo kia katano, namwene mushi mwa kitala (kia bitahilo) bikudi bia’ba abehayibwe ha mwanda wa Mwanda w’Efile Mukulu, na ha mwanda wa bulungudi bwabadi na’bu.

Kibafumulwe 2:17

E n’ētwi, ahushe abiakula Kikudi (E-Selelee) ku bikoñeno bi’Efile. Kwi yawa akambila nankamuha manna afwame a kudia, nankamuha’nyi kabwe katoka, na ha kabweeshina dihya difundwe hanka, dishyadiukwa na muntu, sunga ngumune, anka yawa ekatambula.

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Kibafumulwe 12:17

Biabia kinyoka badi na nsungu na mwana-mukashi, bayile kulwa ngoshi na bashale ku lubio lwe, benyi abalama milangilo y’Et’ile Mukulu, n’abalamata ku bulungudi bwa Yesu Kidisitu.