Kibafumulwe 1:5 - KILOMBENO KIHYA KIA NFUMWETU YESU KIDISITU

⁵ na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

Kibafumulwe 1:5 Referans Kwoze

Bena Bahebelu 9:14

A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa?

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

Kibafumulwe 17:14

Bano banakalwe ngoshi na Mwan’a-Mukoko, na Mwan’a-Mukoko anakebakambile: mwanda e nyi Mwanana a bamwanana, na Nfumu a banfumu: n’abo be n’e mbetanyinwe, na basangudibwe, na bakishima.

Bena Kolose 1:18

E namu nyi mutwe wa mbidi, ta nkikoñeno ki’Efile: e winyi nyi nkibangilo, nyi mubedi’nyi a (lusangukilo) lwa bafwe’shi; mu bintu bioso ekale na kukididila’mo bikata.

I Petelo 1:19

anka na mase aneme a Kidisitu, hamune bu a mwan’a mukoko shī na kilema, e anka hulwī;

Bikitshino 26:23

eshi, Kidisitu badi na wa kufwambuka, ekale namu bu a kwibedi kwa kusanguka ku bafwe, na kulesha etata kwi bantu na kwi Badjentaila.

Kibafumulwe 19:16

Ha mutwelo we na h’etankanta he badi n’eshina difundwe’shi: NFUMU A BANFUMU, NA MWANANA A BAMWANANA.

I Yoano 4:10

Nyi muno mwikele kifulo, kushī kwamba’shi, tubadi n’Efile Mukulu kifulo, ooo, ank’e betufūle kifulo, batumine Mwan’e (kwikala bu kilombeno kia milwisho yetu.)

Yoano 18:37

Binyibiabia Pilato bamulungwile’shi: A biosobi we nfumu su? Yesu bamwalulwile’shi: Wokula wa binyibinyi nyi nfumu. Natandjilwe ha uno mwanda, nafikile hano-hansenga namu ha uno mwanda, eshi, nkakule bu kamonyi ka bia binyibinyi. Ese a bia binyibinyi ahushā Eyi diande.

Kibafumulwe 3:14

Kwi mwikeilu a ku kikoñeno kia mu Laodiecèe ofunde’shi: Yawa Amena, sha kishima, kamonyi ka binyibinyi, mbangilo ya bihangibwe bi’Efile Mukulu akula’shi:

Kibafumulwe 7:14

N’ami namwalulwile’shi: A Mwanana, obe weuku. E bandungwile’shi: Bano nyi mbenyi abatukile ku kishiotshi kikata, abasula mitwelo yabo, abaitosha selelee mu mase a Mwan’a Mukoko.

Mateo 28:18

Henyihaha Yesu bafikile, bakwile n’abo’ shi: Katshintshi koso kampebwe mwiilu na ha nsenga.

I Temote 6:15

Akukaleshwa ha kihwa kiako, ank’e buhenka bwe muhebwe mwabi, sha matalwa, Nfumu a banfumu, Mwanana a bamwanana,

Bena Efisesa 2:4

Anka Efile Mukulu e na buheta mu lusa, ha mwanda wa kifulo kie kikata ki moo, kiabetufūle n’akio,

Bena Efisesa 5:2

nutambukil’anka mu kifulo, bu mwitufudile Kidisitu kifulo, e namu betwihanyine tadi bu mulambu na bu kitahilo kw’Efile Mukulu kwikala bu mahembwe e mwenyi.

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

Bena Ngalatea 2:20

Naihaībwa ha mutshi uhingishene hamune na Kidisitu, biosobi nafala, anka tanami na mwinyi ooo, nyi ñanka Kidisitu atala mwimi; na muwa wandji n’au binobino mu mbidi, nyi mwikele n’au ku lukuluhilo lwa Mwan’Efile Mukulu banfule kifulo, behanyine namu, e na mwinyi, ha mwanda wande.

Kibafumulwe 11:15

Henyihaha mwikeilu a musambobidi bōmbele; kubadi mayi akata alondo mwiilu’shi: Bufumu bwa hanohansenga ta mbwa Nfumwetu na bwa Kidisitu e; e namu akabikala mpaa na kwikala-ika.

I Temote 6:13

Nakakayika ku mpala kw’Efile Mukulu abangisha bintu bioso, na Kidisitu Yesu, winyi batemwine kukumina kwibuwa ku mpala kwa Ponteuse Pilato;

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

Yoano 15:9

Bu Yaiya banfule’mi kifulo, anka hamune nenufule’nwe kifulo, nwikale mu kifulo kiande.

Yoano 13:1

Biabia habadi Bidibwa bia Kukila kwa Yeowa takwafikile, Yesu beukile’shi: kihindji kie kibafiki kwandji a kukatuka hano-ha-nsenga, kwenda kwi Yaiya, E badi na kifulo na bantu b’E ba hano-ha-nsenga, E nabo kifulo mpa na kunfudilo.

Bena Loma 8:37

Ayoyo, sunga mpakotokoto henyi; mu bia biosobioso tubakidi babinkome anka mwadi e bekele n’etu kifulo.

Yoano 13:34

Mulangilo uhia nenuha’shi: Nwifulene kifulo anwe bana bene; bu’mi nekalanga nenu kifule nwifulene kifulo anwe bana bene.

Yoano 3:32

Bia bamwene na bia bahushishe nyi’bi esamba bu kamonyi; Takwi muntu akumina bulungudi bwe.

Yoano 3:11

Binyibinyi binyibinyi nakulungula’mi’shi: Kiatwibeukye ftank’akio kiatwakula, na kutemuna’kia tudi bamone; anwe tanwibakumine mitemo yetu, ooo.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

Yoano 3:16

Mwanda Efile Mukulu bakishekishe kifulo na be ha nsenga’shi, E bahe Mwan’E umunenka eleka’shi, ese akumina mwadi E, takalwika, ooo, anka akatambule muwa wa ikalaika.

Bena Loma 3:25

Winyi batudibwe kwifile-Mukulu bu mulambu wa kubwikila bubi (ba bantu,) wa mu tukumino mu mase e, mwaleshesha kululama kwe ha mwanda wa kulekyelwa kwa milwisho yibakitshinwe kala, mu kuhuñanya kw’Efīle-Mukulu;

Bena Bahebelu 10:29

Anwe anutentekyesha na minyi kukilakila kwa malwa akalombana kwi muntu bāshine Mwan’Efile Mukulu mushi mwa ngwa ye, bahwandjikishanga namu mase a kilombeno abamulamunwine-selelee bu a bisumanga, na ku kaa Kikudi kia bu-muntu.

Kibafumulwe 2:13

Neuku (bikitshino biobe) na kodi mubombele, nyi kwi luhun’a nsulu lwa Satana: olamate kwishina diande, kushī kutuna lukumino lwande, sunga mu ā mafuku a Antepase kamonyi kande ka kishima, bayihailwe munkatshi mwenu, mubombele Satana.

Kibafumulwe 11:3

Nankaha (bukome kwi) tumonyi twande tubidi, n’abo banakatemukye myanda ha mafuku kinunu na nkama yibidi na makumi asamombo bafwalwe makutu.

Kibafumulwe 19:11

Namwene mwiilu mushitukye; talangaii (kubadi) nfalasa toka; na yawa badi mutentame hanka aitaminwa bu, A Kishima, n’a Binyibinyi; atshibi kimu na kulwa ngoshi mu kululama.