Kibafumulwe 1:1 - KILOMBENO KIHYA KIA NFUMWETU YESU KIDISITU

¹ Kibafumbulwe kia Yesu Kidisitu, kibamuhele Efile Mukulu kulesha kwi bahika be myanda yitayikyebe kumweka; bekitumine, bekiukishe na mwikeilu e kwi mpik’e Yoano.

Kibafumulwe 1:1 Referans Kwoze

Kibafumulwe 22:16

Ami Yesu natumine mwikeilu ande kwinulungula bu kamonyi yino myanda mu bikoñeno bi’Efile. Ami nyi mushi na kekulu ka Dafidi, lwinyi luenyenyi lwa kunkyelo lwi selelee.

Kibafumulwe 22:6

N’e bandungwile’shi: Yino myanda ngia kishima na binyibinyi: na Yehowa Efile Mukulu a bikudi bia batemuki batumine mwikeilu mu kulesha bahika be myanda ayikyebe kukitshibwe ahayisha kihindji kihi.

Bena Ngalatea 1:12

Mwanda nki mwiutambule kwi muntu, sunga nkulambukishwa’o, anka nku kufumbulwa kwa Yesu Kidisitu.

Bena Efisesa 3:3

Bu mwabamfumbwidile, anukisha kinyi kifībwe; (kianafundjile kwibedi mu twanda twi binyibiabia.

Kibafumulwe 1:19

Ofunde bintu bibomono, na bintu bi kwanka (binobino) na bintu abilondo bino.

Kibafumulwe 1:9

Ami Yoano, mukwenu, mubungilwe n’enu mu bishiotshi, na mu bufumu na mu kukankamana kwa Yesu Kidisitu, nadi mu kila akitemuna bu Patamosa ha mwanda wa Mwanda w’Efile Mukulu na ha bulungudi bwa Yesu.

Yoano 3:32

Bia bamwene na bia bahushishe nyi’bi esamba bu kamonyi; Takwi muntu akumina bulungudi bwe.

Yoano 15:15

Tanyinutemuna dimo bu bahika, mwanda mpika teuku akikita nfumwe: anka nenutemuna bu bakuku; mwanda bintu bioso binahushishe kwi Yaiya nenwiukishabio.

Kibafumulwe 4:1

Talangai, kumongo kwa yino (myanda) namwene kibi akishitulwa mwiilu; n’eyi dia kwibedi dinahushishea (dibabi) bu mpungi dikwete kwisamba n’ami; dibakwile’shi: Kaminakuno, n’ami nankulesha myanda yi’anka na wa kufika kumongo.

Yoano 12:49

Mwanda nki na kianyisambila, anka Yaiya bantumine, nyibandayile’shi, nyimodionkalungula muno, nyi modionkesambila muno.

Yoano 8:26

Nyi na myanda yi bungi kwakula, na kwinutshibila, anka E bantumine nga binyibinyi: biabia nalungula kwi be-ha-nsenga binahushishe kwadi E.

Kibafumulwe 21:2

Ami Yoano namwene kibalo kihatulwe-ki-kishila kia Yelusalema muhya, akiiki mwiilu kw’Efile Mukulu, kilumbulwe bu mukashi ēnde mu kutwela mwilengyele mulund’e.

Bena Loma 16:25

Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

Yoano 17:8

Mwanda, nebahele myanda yibompele, n’abo abeyitambwile, abahu kushingula binyibinyi’ shi, natukile kodi, babakuminyine namu’shi, Obe bontumine.

Tetusa 1:1

Paulu, mpik’Efile Mukulu, mutumibwa a Yesu Kidisitu, mwiyile lukumino lwa basangulwe b’Efile Mukulu, na kwiukidila kwa biabinyibinyi mwiyile bwin’Efile Mukulu;

Kibafumulwe 5:7

Henyihaha bafikile bātshile mukanda kwiyasa dibalume di’awa badi mushale ha luhun’a nsulu.

Kibafumulwe 17:1

Kubafikile umune a bamwikeilu musambobidi badi na bihulu musambobidi, bākwile n’ami’shi: Fika kuno; nkuleshe kitshibilo kia mukashi sha lusandji ashala ha mema ebungi,

Kibafumulwe 19:9

E bandungwile’shi: Funda’shi: Basha mwabi mbaba abetanyinwa ku bidibwa bi’ebambo bia Mwan’a-Mukoko. Bandungwile namu’shi: Yino nyi myanda ya binyibinyi y’Efile Mukulu.

Kibafumulwe 19:10

Biabia nahone hashi ku ngwa ye kumulangwila. Bandungwile’shi: Ooo, tokitanga biabia. Ami nyi mufubi n’obe, n’a bakwenu bulungudi bwa Yesu; langwila Efile Mukulu; mwanda bulungudi bwa Yesu nyi muwa wa kutemuka kwa myanda.

Kibafumulwe 21:9

Henyihaha kubafikile umune a ku bamwikeilu musambobidi, badi na bihulu musambobidi, bi munemene na bihuha musambobidi bia nfudilo; bākwile n’ami’shi: Fwa kuno, nkuleshe mwana mukashi takyebe kutwela, nyi mpian’a Mwan’a-Mukoko.

Kibafumulwe 22:1

Binyibiabia bandesheshe mwela wa mema a muwa-autala wi soo, selelee bwitalatala, autuku mu luhun’a-nsulu lw’Efile Mukulu, na lwa Mwan’a-Mukoko.

Kibafumulwe 22:8

N’ami Yoano nyi winyi bahushishe na kumona yino myanda. Hanahushishe na kumona, nahone mu kulangwila ku mpala kwa ngwa ya mwikeilu bandesheshe yino myanda.

Kibafumulwe 22:9

Henyihaha bandungwile’shi: Ooo tokitanga biabia; ami nyi mufubi n’obe na bakwenu batemuki, n’aba abalama myanda ya uno mukanda w’Efile Mukulu; langwila Efile Mukulu.