I Yoano 1:3 - KILOMBENO KIHYA KIA NFUMWETU YESU KIDISITU

³ kiakia kiatubamwene na kiatubahushishe atwinulungula’shi, anwe namu numone kilombeno n’etu: binyibinyi kilombeno kietu ki na Yaiya, na Mwan’e Yesu Kidisitu:

I Yoano 1:3 Referans Kwoze

I Bena Kodinda 1:9

Efile Mukulu e (na) kishima, kwadi nyi kwanubaitanyinwe ku kilombeno kia Mwan’E Yesu Kidistu Nfumwetu.

Yoano 17:3

Na uno nyi muwa-wa-ikala-ika, abo kukuuk’obe Efile Mukulu, ’mune’nka a binyibinyi; na Yesu Kidisitu a botumine.

Bikitshino 4:20

Mwanda tatwiuku kwakula yingi, anka yaya yiatubamwene na kwihusha.

Yoano 17:21

Eshi, boso bwabo abakekala būmune, anka modi mwikele Obe Yaiya mwandji, n’ami namu modi, eshi bekale namu mwatudi’twe, eshi, ba ha nsenga bakumine’shi obe bontumine.

Bena Fidihai 2:1

Binyibiabia su kwi kusengībwa mu Kidisitu, su nkusambībwa kwa kifulo, su nkwi kihwano kia Kikudi-E-Selelee, su nkanya ka munda, sundusana lusa,

Ii Bena Kodinda 13:14

Bu-muntu bwa Nfumwe tu Yesu Kidisitu, na kifulo ki’Efile Mukulu, na kihwano kia Kikudi-E-Selelee, bikale nenu boso. Amena.

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

I Yoano 1:1

Kiakia kibadi ku mbangilo, kiatubahushishe, kiatubamwene na meso etu, kiatubabandiile, twekikuma na maasa, ha Mwanda wa muwa;

Bena Bahebelu 3:14

Mwanda’twe tatudi bebungile na Kidisitu, su atulamata ku mbangilo ya kwiukidila kwetu hoo na ku nfudilo:

Bena Fidihai 3:10

Ami’shi, mwiūkye, na bukome bwa lusangukilo lwe, na kihwano kia kufwambuka kwe, hakuhwandjikishibwa ku lufu lwe.

I Petelo 5:1

Binyibiabia nalanga bakulu (ba bikoñeno bi’Efile) be munkatshi mwenu, ami mukulu n’abo, na bu kamonyi ka bia kufwambuka kwa Kidisitu, mubungilwe namu ku yinyi ntumbo yianakafumbulwe.

Bena Bahebelu 3:1

Binyibiabia bakwetu bahatulwe-bekishila, bebungile n’etu ba lwitanyino lwa mwiilu, hangidishai Mutumibwa, Tshiitemwakwidi mukata a lukumino lwetu, ta ng’Yesu;

Bena Kolose 1:13

betumañunwine ku matalwa a mufito, etutundulwila namu mbufumu bwa Mwana a kit’ulo kie.

Bikitshino 20:27

Mwand’ami nkīmwishikile kwinulungula binangu bioso bi’Efile Mukulu.

I Yoano 1:5

Na uno nyi mwanda watubahushishe kwadi, na kwinulungula’shi, Efile-Mukulu nyītata, na mwadie tamwi mufito, sunga mpahela.

Bena Bahebelu 2:12

Nankalungula eshina diobe kwi bande bakwetu, munkatshi mwa kikoñeno-ki-’Efile nankakuyimbila ya milangilo.

I Temote 6:2

N’abo be na banfumu bakumine, tabebasabulanga, mwanda’bo be bu bakwabo; anka bibuwa bakambe kwibafubila, mwanda’bo be kishima na bakuminyibwe kifulo, be bu abatambula ku mufubo (wabo) wibuwa. Yino myanda olambukishe na kulanga elango.

Bena Fidihai 1:7

Nyi mwinyi mwaudi undombene’mi kutentekyesha bino kwanudi’nwe boso, mwandā’mi nyi mu mashimb’enu; mwanda wa mu nkano yande na mu lulamwino na lukankamiko lwa mukāndu-wibuwa, anwe boso nwi mu lwābeno lwa bu-muntu hamunenka n’ami.

Bena Efisesa 3:6

Badjentaila bekale bahyanyi hamune, na ba ku yinyi mbidi yimune, na ku batambudi ba mulayilo we mu Kidisitu ku mukāndu-wibuwa.

I Bena Kodinda 1:30

Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi,

I Bena Tesalonika 1:10

na kutengyela (kufika) kwa Mwan’e mwiilu, winyi basangukile ku lufu, (nyi) Yesu betulamunwine ku bukyelo bwanakafikye.

I Bena Kodinda 15:1

Dimon’nyi bakwetu, nenukisha mikāndu-yi-buwa yinenulungwile, yingi namu yanubatambwile, na kwīmanyinyina mwanka.

Bena Loma 15:27

Pa uno’u mbatoshibwe, n’abo benyi bamahu abo. Mwanda su Mīlo yibehitshika mu bintu biabo bia bu-kikudi e selelee, biabia mbalombane n’a bo kwibalubwila bintu bia bu-mbidi.

Bikitshino 13:41

Anwe basha kubenda talai, nukanye, nushimangishwe: Mwanda nkwete kufuba mufubo mu mafuku enu wanushyanukakumina sunga mpahelahela, sunga muntu akenulungula wanka.

Bikitshino 13:32

N’atwe atwinulungula mikāndu-yibuwa mu mulayilo ubalayilwe kwi bashyetu-kulu.

Bikitshino 2:42

Abo abalamete biya mu lulambukisho lwa batumibwa, na mu kihwano, na mu kutshimuna kwa mampa, na mu nteko y’Efile Mukulu.

Yoano 17:25

A! Yaiya Mululame ba hano ha nsenga tababadi bakwiukye, anka’mi bakuukyile, n’abo namu babeuku’shi, Obe bontumine.

Yoano 17:11

Binobino tanyikala dimo hano-ha-nsenga, anka bano bakī ha nsenga, ami nfikye kodi. Yaiya E Selelee a Kishila, Ebalame mwishina diobe baba babompele’shi, bekale buumune, mwatudi bekele’twe.

Yoano 19:35

Yawa beuhetekyelwe nyi betemwine bu kamonyi, na kutemuka kwe nkwa binyibinyi. E namu euku’shi: Binākula nyi mbinyibinyi bianudia kukumina.

Ii Petelo 1:16

Mwanda’twe tatubalondanga miele yibakitshinwe na bulamalama hatubenuukishe bukome na hakufika kwa Nfumwetu Yesu Kidisitu, anka tubadi tumonyi twa bukata bwe bukalabale.