I Temote 6:1 - KILOMBENO KIHYA KIA NFUMWETU YESU KIDISITU

¹ Bahika boso bamunwe bahwandjikishē banfum’abo’bo bana bene balombene kioso kinemo’shi, eshina di’Efile Mukulu, na lulambukisho (lwe) tabikayibwanga.

I Temote 6:1 Referans Kwoze

Tetusa 2:5

bampila, bakamame be soo, balwēshe ku mashibo kwabo, balumbulukye, basha kukokyela kwi balunda babo bana bene eshi, tala, Mwanda w’Efile Mukulu wakakayibwa.

Bena Loma 2:24

Mwanda eshina di’Efile-Mukulu dibakaibwa bimoo munkatshi mwa mīlo ha mwanda wenu, anka mwakibafundjilwe.

I Petelo 3:16

nwikale n’eshimba dia munda dibuwa’shi, mu yinyi’yo yiabenusongyela, ’shi, (mbakitshi ba bibubi), aba abenukunkila nyikashi yenu yibuwa mu Kidisitu, abakwatshishwe būfu.

I Petelo 2:12

nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa.

Bena Ngalatea 5:1

Binyibiabia twimane bakankamane mu buluñantu bwatwibahosolwe kwi Kidisitu; tatwanyibwanga dimonyi ku kikūmbo kia buhika.

Bikitshino 15:10

Binyibiabia a kianutompela Efile Mukulu nkinyi? Anukyebe kutula kikumbo ha mashingo a balondji, kibakutshilwe bashyetu-kulu sunga n’atwe kwikitwala?

Bikitshino 10:22

Abamwalulwile’shi: Konelusa, winyi mulami a basalai lukama, muntu mululame, na kutshin’Efile Mukulu, sha ntumbo yibuwa munkatshi mwa mwilo woso wa Bena Yuda, badimwinwe n’Efile Mukulu, kwi mwikeilu muhatulweakishila’shi, akutumine bakukufisha ku nshibo ye, na kukwilwakana biokākula.

Bikitshino 10:7

Winyi mwikeilu ha badi bakula na Konelusa, habakatukile, baitanyine bafubi babidi ba mu nshibo ye, na musalai mululame a ku baba abadi abamufubila mafuku oso;

Luka 17:1

Henyihaha, balungwile bana be ba bukishi’shi: Tabikakutwa kufika biakukokola anka mpombo (kwi yawa) akebifisha.

Mateo 11:30

Mwanda kibumbo kiande nkilombane, na kita kiande nkihela.

I Temote 5:14

Nyi kiankyebel’ami’shi: Bakashiba-bafwe bakulu be binyibiabia bebakilwe, batande bana, balwēshe ku mashibo abo, tabahananga bia kusābulusha kwi mushikwanyi, ooo.

I Bena Kodinda 10:32

Tanukitanga kia kukokosha su nkwi Bena Yuda, su nkwi Bangidiki, sunga ku kikoñeno ki ’Efile.

Mateo 11:9

Anka nubayile mu kutala kinyi? Mutemuki su? E, n’ami nenulungula’shi, mukile mutemuki.