I Temote 5:1 - KILOMBENO KIHYA KIA NFUMWETU YESU KIDISITU

¹ Tosashilanga mukulu (a bikoñeno bi’Efile), ooo, anka omusendele bu nshyobe; na bansongwalume namu (anka) bu bakwenu.

I Temote 5:1 Referans Kwoze

Tetusa 2:2

eshi, bana-balume bakulu bekale bampila, basha mudingo, basha lwitongo, mulombane mu lukumino, mu kifulo, na mu lwishinko.

I Petelo 5:1

Binyibiabia nalanga bakulu (ba bikoñeno bi’Efile) be munkatshi mwenu, ami mukulu n’abo, na bu kamonyi ka bia kufwambuka kwa Kidisitu, mubungilwe namu ku yinyi ntumbo yianakafumbulwe.

Bena Ngalatea 6:1

Bakwetu, su muntu basolo mwanda, anwe ba mu Kikudi-E-Selelee mwalushei winyi e biabia, n’eshimba dia kuhohela; na kwinangushena obe na mwinyi, tala obe namu okatompībwa.

Tetusa 2:6

Bansongwalume mpamune webalangye kwikala basha lwitongo.

Mateo 23:8

Anka’nwe tanukuminanga kwitaminwa bu Labi; mwanda umunenka nfumwenu nyi Kidisitu, n’anwe nwi bana ba muntu umune.

I Temote 5:17

Bakulu (ba bikoñeno bi’Efile) abalelana bibuwa batemunwe bu bahwandjikile kukishakisha kinemo, tokiokwamba kwi’bo abatuhwita mu Mwanda (w’Efile) na lulambukisho.

Bena Loma 13:7

Binyibiabia lambulai kwi’ba boso nyi mwakidi kiyile, mulambu wende ku bamulambu, efuto kwi sh’efuto, moo namu anka kwi’bo abatshinwa moo, kinemo kwi bakunemekwa kinemo.

Bikitshino 15:4

Habafikile ku Yelusalema, kikoñeno ki’Efile, na batumibwa, na bakulu abebakukile, n’abo bebalungula myanda yoso yibakitshine Efile Mukulu n’abo.

Bikitshino 14:23

Henyihaha habahwile kusangula bakulu mu bikoñeno bioso bi’Efile, na hābatekyele, na kushīla biakudia, abebafishishe kwi Nfumwetu abākuminyine.

Kibafumulwe 4:4

Na mpun’a nsulu makumi abidinayinanka (yibadi) yifunyi lwinyi luhun’a nsulu, na ha mpun’a nsulu (namwene) bakulu makumi abidi na bananka bashale hanka, bafwale bilamba bitoka; na ha mitwe yabo habadi bilongo bia bushindji bia kilonda kia nsahabu.

Iii Yoano 1:1

Mukulu kwi Ngaiusa mutomibwe kifulo andji mufule kifulo mu biabinyibinyi.

Ii Yoano 1:1

Mukulu kwindalamumba musangudibwa kw’Efile Mukulu, na bana be bafudibwe n’ami mu bia binyibinyi; tanank’ami buhenka, ooo, anka na boso namu beukye biabinyibinyi;

Yakoba 5:14

Su kwi mungi ’nyi munkatshi mwenu e na busungu, (biabia) aitanyine bakulu ba kikoñeno ki’Efile; abo namu bamutekyele na kumushinga mw’imu mwishina dia Nfumwetu.

Yakoba 3:17

Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa.

Bikitshino 20:17

Biabia ku Miletuse batumine ku Efisesa kwitamisha bakulu ba kikoñeno ki’Efile.

Bikitshino 15:6

Biabia batumibwa na bakulu abekoñene hamune mu kudia lukuku lwa uno mwanda.

I Temote 5:2

Bakashi bakulu namu (anka) bu banyin’obe, bansongwakashi namu (anka) bu bankashān’obe na buselelee bw’eshimba.