I Temote 4:12 - KILOMBENO KIHYA KIA NFUMWETU YESU KIDISITU

¹² Tokuminanga muntu kusābula bunsongwalume bobe, ooo; anka wekale kihwandjikisho kia bakumine mu mīsambo na mu nyikashi, mu kifulo, mu lukuluhilo, (na) mu buselelee.

I Temote 4:12 Referans Kwoze

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

Ii Temote 2:22

Suka namu ngabiabi ya bunsongwalume; ank’olonde kululama, lukuluhilo, kifulo, na kufukama hamune n’aba abetanyina ha Nfumwetu n’eshimba di-selelee.

Ii Temote 2:15

Sakaketa kwilesh’obe na mwinyi’shi: Nyi mukuminwe kw’Efile Mukulu, mufubi shi na mwa kumukwatshisha būfu, olulamishe biya Mwanda wa biabinyibinyi,

I Petelo 5:3

Sunga mbu bakambi kumunana hanundu ha buhyanyi bw’Efile Mukulu, ooo, anka nwikale bihwandjikisho kwi lombe.

I Bena Kodinda 11:1

Nwikale bakungelekesha’mi, anka mwangelekyesha’mi Kidisitu.

I Bena Tesalonika 1:6

N’anwe nubafikile nwaluluka bu balondji bā’twe, na ba Nfumwetu, ha kuhwa kutambula Mwanda (w’Efile) mu malwa akata, na muloo wa Kikudi-E-Selelee.

Tetusa 2:15

Yino myanda webalungule’yo, na kulanga, na kusashila, webahulamishe’yo na matalwa oso. Takukakubenganga muntu, sunga ngumune, ooo.

Mateo 18:10

Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu.

Ii Temote 2:7

Nahgushena kinesamba, na Nfumwetu akuhe lushingulo mu myanda yoso.

Yakoba 3:13

A nanyi a munkatshi mwenu muhebwe kalolo na kiukilo? A leshe mu nyikashi ye yibuwa bikitshino bie mu kuhohela kwa binangu.

Yakoba 3:17

Anka binangu bitukye mwiilu kia kwibedi nyi nkutoka selelee, ku mongo nkui’ukama, kasendeleshi, abibofula ha kusendelwa, mbiule na lusa na bikuba bilumbulukye, bishī na mpaka, na bunsesa.

Bena Fidihai 4:8

Kunfudilo, (anwe) bakwetu abia bintu bioso mbia binyibinyi bioso binemekwe kinemo, bioso bilulame, bioso biselelee, bioso bilumbulukye, bioso bitumbishibwe bibuwa, su kwi buwa bukambe, su kwi ntumbo, nangushenai yino myanda.

I Bena Tesalonika 2:10

Anwe nwi tumonyi (twetu) n’Efile Mukulu namu (hamune,) mwatubaikadile’twe bana bene bu balamunwe-bakishila, na mwatubalulamine na kushī kutohekwa munkatshi mwa’nwe bakumine,

I Temote 1:14

Na bu-muntu bwa Nfumwetu bubakilakila bungi na lukuluhilo na kifulo bi mu Kidisitu Yesu.