I Temote 4:1 - KILOMBENO KIHYA KIA NFUMWETU YESU KIDISITU

¹ Anka Kikudi-E-Selelee ākula na kushinkamisha’shi: Mu a mafuku a kunfudilo bamo abakalamunuka ku lukumino, abakanemena ku bikudi abibōngola, na ku ndambukisho ya mikishi;

I Temote 4:1 Referans Kwoze

Ii Petelo 2:1

Anka kubebwele namu batemuki ba madimi munkatshi mwa bantu, hamune’nka na munkatshi mwenu namu amukekala balambukishi ba madimi, abakafisha ku bufyefye myanda ya kwitolola ya kulwisha, mpaa na kutuna Nfumwetu bebaule, (biabia) abefishishishe kulwishibwa kwa kuhulumuka,

Yuda 1:18

(mwa) benulungudile’shi, mu kihindji kia kunfudilo akukekala basabudi abakatambukila mwiyile ngabiabi yabo yi na mwinyi ya bushī bwin’Efile.

Ii Petelo 3:3

Nwiukye uno kwibedi’shi, mu mafuku a kunfudilo akukafiki basehi bakwete kulonda ngiabiabi yabo yi na mwinyi’shi:

Yuda 1:4

Mwanda kwi bamo bantu abadi ababembela mwanudi ku bukunkula, aba nyi abasangwilwe kala ku kuno kuhīshwa, bantu bashī na bwin’Efile Mukulu mpaa na ku mudioholo w’eshimba dibi, na kutuna Mwana’etu umunenka, Nfumwetu Yesu Kidisitu.

Ii Bena Kodinda 11:3

Anka nyi na moo, kutshina’shi, su nku kinyi, su nku kinyi, mwababembēle Efa kwi nyoka, ha mwanda wa budimu bwe, biabia namu binangu bienu tala biakekala bilwishibwe ku kubofula kwi mu Kidisitu.

Ii Temote 3:13

Anka bantu babi na bansesa abakēnd’ābafwimanga na kufwima kwa ku bubi, na kōngoshena na kwiongola (bana bene).

I Yoano 4:6

Atwe twi b’Efile Mukulu; yawa euku Efile Mukulu etuhushishā; yawa shya kw’Efile Mukulu tetuhushishā, ooo. Nyi ha uno mwanda atushingula kikudi kia biabinyibinyi, na kikudi kia kuluba.

Yoano 16:13

Anka’hafiki Kikudi-E-Selelee kia binyibinyi, akenulombola mu bioso bia binyibinyi: mwanda E takakula bie na mwinyi, ooo; anka bioso biakahusha, nyi biakakula: akenulesha myanda ayikafiki.

I Yoano 2:18

A bana bakinga nyi nkihindji kia kunfudilo, na mwanubahushishe’shi: Mwituhishene na Kidisitu anakafikye, na hano namu kwi betuhishene na Kidisitu be bungi, nyi henyi hatwiuku’shi, kino nyi nkihindji kia kunfudilo.

Kibafumulwe 2:11

E n’ētwi, ahushe bibākula Kikudi-(E-Selelee) ku bikoñeno bi’Efile. Yawa akambila takakumbu ku lufu lwakabidi, ooo.

Ii Temote 4:4

abakashiki matwi abo ku biabinyibinyi, na kutadila ku miele.

Kibafumulwe 20:10

Na kafilefile, winyi bebōngwele, belelwe mwishiba dia kālo na soufre, mwi nyama-e-bukyelo na mutemuki a madimi; banakamweshibwe mitanyo kanya na bufuku, mpaa na kwikala-ika.

Kibafumulwe 3:6

Yawa e n’ētwi, ahushe abiakula Kikudi ku bikoñeno bi’Efile.

Kibafumulwe 2:29

Yawa e n’ētwi, ahushe abiakula Kikudi-E-Selelee ku bikoñeno bi’Efile.

I Petelo 1:20

(e) mbinyibinyi badi mūkibwe kwibedi kwa ku mbangilo kwa hanohansenga, anka badi mwinwisokwele mu bihindji bia kunfudilo.

Kibafumulwe 18:2

E belele musase n’eyi dikilekile bukata’shi: Babelone mukata bahono, bāluluka ta nkibombelelo kia biso, na bu nshibo ya lukano ya bikudi bioso bibubi, na bu kikutu kia tonyi toso twi butete na tushikībwe.

Bena Kolose 2:18

Tanukuminanga muntu, sunga ngumune kwinunyenga bwedi bwenu, ku kwihelesha kwa kuladila na lulangwilo lwa bamwikeilu, kwete kwihatshika mū ’ya myanda yiashī mumone, na kwitatula kwa bisumanga kwa ku nangunangu ya ku mbidi.

I Bena Kodinda 10:20

Ooo, anka nākula’shi, biabia bintu abitahā Badjentaila, abatahilā biso, ta nkwi Efile Mukulu ooo. N’ami tankyebe’shi nwikale na kihwano na biso, ayoyo.

Kibafumulwe 20:8

anakatuke kōngola mīlo ya bantu yi ku mahaka ananka a nsenga, Ngoga na Mangoga, kwi bakongola hamune kulwa ngoshi; bungi bwabo bwi bu misengeiya ya ku mema.

Kibafumulwe 19:20

Biabia nyamae-bukyelo bakwatshilwe, na winyi mutemuki amadimi bakitshine bitundwilo ku mpala kwe, nyi bibōngwele n’abio baba abatambwile kitundwilo kia nyama-e-bukyelo, n’aba abalangudile kihwandjikisho kie. Bano babidi abedibwe abatala mwishiba dia kālo aditembe na soufre.

Kibafumulwe 18:23

n’etata dia kimunyi tadianakamunyikye dimonyi modi; n’eyi dia mubambi-a-mukashi sunga ndia mukashi-mubambibwe tadianakahushibwe dimonyi modi sunga mpahelahela; mwanda bansunga bobe babadi bantu bakata ba hanohansenga; mwanda mīlo yoso yibōngwelwe na masende obe.

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 9:20

Bangi bantu abashele bashi behayibwe na bino bihuha, tambelangye ha mwanda wa mifubo ya ku maasa’bo’shi: Tatulangwilanga mikishi, na mankishi a kilonda kia nsahabu, n’a nfeda, n’a munyinga, n’a mabwe, n’a mitshi; ashyaeuku kumona, sunga nkuhusha, sunga nkutambuka;

Kibafumulwe 3:22

Yawa e n’ētwi ahushe biakulā Kikudi (E-Selelee) kwi bikoñeno bi’Efile.

Kibafumulwe 3:13

Yawa e n’ētwi, ahushe abiakula Kikudi ku bikoñeno bi’Efile.

Kibafumulwe 2:17

E n’ētwi, ahushe abiakula Kikudi (E-Selelee) ku bikoñeno bi’Efile. Kwi yawa akambila nankamuha manna afwame a kudia, nankamuha’nyi kabwe katoka, na ha kabweeshina dihya difundwe hanka, dishyadiukwa na muntu, sunga ngumune, anka yawa ekatambula.

Kibafumulwe 2:7

Yawa e n’ētwi, ahushe bibākula Kikudi-(E-Selelee) ku bikoñeno bi’Efile. Kwi yawa akambila nankamuha kudia ku mutshi wa muwa, wi munkatshi mwa Paladisa ’Efile Mukulu.

I Bena Kodinda 12:11

anka Kikudi kimune afubisha yoso yino; abilā kwi ese (muntu) mwakyebele e na mwinyi.

Bikitshino 28:25

Habakutshilwe kulombana munkatshi mwabo, abakatukile, anka Paulu bebalungwile mwanda umune’shi: Kikudi-E-Selelee bākwile biya mu mutemuki Esaiye kwi bashyetu-kulu’shi:

Bikitshino 17:18

Henyihaha bangi basha-binangu ba ku ba Ehikulea, na ba ku ba Stoika, ababwele n’e, bamo’shi: A uno mbalakanyi akyebe kwakula kinyi? Bangi’ shi, e hamune bu mulungudi a b’efile benyi, mwanda bebalungwile mwanda wa Yesu, na lusangukilo lwa ku lufu.

Bikitshino 13:2

Habadi abafubila Nfumwetu mufubo wa mīsambo, na kushīla biakudia, Kikudi-E-Selelee bakwile’shi: Ndamunwinei Banabasa na Saulu ku mufubo unebetaminyine kufuba.

Kibafumulwe 16:14

mwanda abio nyi mbikudi bia biso, abifubu bitundwilo, abiende kwi banfumu ba bahanohansenga boso, ha mwanda wa kwibabungila hamune kwifita di’efuku dikata di’Efile Mukulu Shabukomeboso.

Mateo 18:7

Mpombo kwi bahanohansenga, ha mwanda wa biakukokosha! Mwanda biakukokosha tabikakutwa kufika; anka mpombo kwi yawa akebifwisha.

Luka 17:1

Henyihaha, balungwile bana be ba bukishi’shi: Tabikakutwa kufika biakukokola anka mpombo (kwi yawa) akebifisha.

Bikitshino 20:23

Anka Kikudi-E-Selelee mu bioso bibalo andungula’shi: Nkano na bia malwa abikutengyela.

Bikitshino 21:11

Habafikile kwatudi, bātshile kikoba kia Paulu, beanyine e na mwinyi ku mikolo na ku maasa e, bākwile’shi: Nyi mubesambila Kikudi-E-Selelee’shi: Anka biabia Bena Yuda be ku Yelusalema, abakānya muntu sha kino kikoba bu bino, bakamufishe mu maasa a Badjentaila.

I Bena Kodinda 2:10

Anka Efile Mukulu betufumbwila’ (yo) mu Kikudi e e Selelee; mwanda Kikudi-E-Selelee akokōlā myanda yoso, ee, yinyi myanda yibukoho y’Efile Mukulu.

I Bena Kodinda 11:19

Mwanda mwaudi uyile’shi, bia kwilamuña abikekala munkatshi mwenu’shi, bakutumbishwa bafumbulwe munkatshi mwenu.

Yakoba 3:15

Bino binangu tambiyikye mwiilu, ooo; nyi mbia hano hashi, bia bu mbidi, na bia mikishi.