I Temote 3:7 - KILOMBENO KIHYA KIA NFUMWETU YESU KIDISITU

⁷ Dimonyi, wadi n’au ngwa kwikala na kutumbishibwa kwibuwa kwi’ba be hasha tala ahona mu (mwanda wa) kutohekwe kwa matohe, na mu miteo wa kafilefile.

I Temote 3:7 Referans Kwoze

Ii Bena Kodinda 8:21

kwikala namu na lwishinko ku bintu bilumbulukye, kushi anka ku meso kwa Nfumwetu, ooo, anka na ku meso kwa bantu namu.

Ii Temote 2:26

biabia’shi, bahosokye abo bana bene ku muteo wa kafilefile, abadi bakwatshibwe musungi kwadi e ku kia kikyeb’eshimba die.

Bena Kolose 4:5

Tambukai mu binangu kwabadi’bo be hasha, bia kumona mw’a kwikēla mu bihwa.

I Temote 6:9

Anka’ba batee mashimba’shi: Twikale bampeta, (biabia) abahono mu kutompibwa na muteu, na mu ngabi ayimweshana, ayishimisha bantu mu kulwishibwa na kushimangishwa.

I Bena Tesalonika 4:12

eshi, nutambukile bihwandjikile kwi’ba be hasha’shi, bia nushyakulobesha kintu.

Ii Bena Kodinda 6:3

Tanukitanga kia kukokosha su mu kinyi su mu kinyi’shi, tala mifubo yetu y’Efile yatohekwa.

I Bena Kodinda 10:32

Tanukitanga kia kukokosha su nkwi Bena Yuda, su nkwi Bangidiki, sunga ku kikoñeno ki ’Efile.

Bikitshino 6:3

Biabia, anwe bakwetu kimbai munkatshi mwenu bana balume musambobidi, basha ntumbo yinemekwe, baushwe na Kikudi-E-Selelee na binangu, batudia kutula ha luno lukalo.

Tetusa 2:8

mīsambo (yikale) yilombane yishyakuhoneshwa’shi, yawa e ku luhese lwa kutuhishena n’enu akwatshishwe būfu, hakukutwa kintu kibi, sunga nkimune kia kwinwisambila.

Tetusa 2:5

bampila, bakamame be soo, balwēshe ku mashibo kwabo, balumbulukye, basha kukokyela kwi balunda babo bana bene eshi, tala, Mwanda w’Efile Mukulu wakakayibwa.

I Bena Tesalonika 5:22

Shalai ku bihaso bioso abihwandjikisha bu bubi.

I Temote 5:14

Nyi kiankyebel’ami’shi: Bakashiba-bafwe bakulu be binyibiabia bebakilwe, batande bana, balwēshe ku mashibo abo, tabahananga bia kusābulusha kwi mushikwanyi, ooo.

I Bena Kodinda 5:12

A kwi benyi ba hasha, nyi biandjia kwibatshibila (kimu) su? Anwe tanutshibilā baba be munkatshi mwenu su?

Bikitshino 22:12

Biabia umune, Ananaisa, muntu mululame muyile mukanda-wa-bishila, badi na mukāndu-wibuwa munkatshi mwa Bena Yuda boso babadi babombele mwanka.

Bikitshino 10:22

Abamwalulwile’shi: Konelusa, winyi mulami a basalai lukama, muntu mululame, na kutshin’Efile Mukulu, sha ntumbo yibuwa munkatshi mwa mwilo woso wa Bena Yuda, badimwinwe n’Efile Mukulu, kwi mwikeilu muhatulweakishila’shi, akutumine bakukufisha ku nshibo ye, na kukwilwakana biokākula.

Mako 4:11

E bebalungwile’shi, Kwanudi nubahebwa kushingula bifibwe bia bufumu bw’Efile Mukulu, anka kwi’ba be hasha, bintu bioso abikitshibwa mu nkindji’shi.

Iii Yoano 1:12

Demeteluse e na mukāndu-wibuwa kwi bantu boso, na ku biabinyibinyi bi na mwinyi; n’atwe namu atwakula bu kamonyi; n’obe weuku’shi, bu-kamonyi bwetu mbwa binyibinyi.

I Temote 3:6

Shī mukumine a binobino, ooo, tala ha mwitatula akahona mu kuhoneshibwa kwa Kafilefile.