I Temote 3:16 - KILOMBENO KIHYA KIA NFUMWETU YESU KIDISITU

¹⁶ Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.

I Temote 3:16 Referans Kwoze

Yoano 1:14

Biabia winyi Mwanda ubalulukile taudi bu muntu, abombela munkatshi mwetu, (twabandjila ntumbo ye, ntumbo yinyi bu ya mwan’eleka kwi nshye,) muule bu muntu na biabinyibinyi.

Bena Bahebelu 1:3

e biadi mbadibadi ya ntumbo ye, na nkyebukilo yi’anka hamune yi a na mwinyi, na kwikasha bintu bioso ku bishima bibakwilwe mu bukome bwe, habahwile e na mwinyi kutosha milwisho yetu, bashalele ku mboko yibalume ya mukata mukilekile a’mwa mwiilu;

Mako 16:19

Henyihaha Nfumwetu Yesu habahwile kwibalungula biabia, badi mutambwilwe mwiilu, bashale ku mboko yibalume y’Efile Mukulu.

Bena Loma 16:25

Bino, kwadi e a katshintshi kwinukankamika anka mulombene mukānduwibuwa wande, na ha kulungula kwa Yesu Kidisitu mwikele kufumbulwa kwā’kia kifībwe kibadi kifībwe kalā kasha bahanohansenga hadi mubangile.

Luka 24:4

Bitabibakitshine, habadi mashimb’abo ebakalakala ha uno’u’shi, batale’bi, bana balume babidi bemene habadi bafwale bilamba abihenyahenya;

Bena Kolose 1:23

Su anwiyididila mu lukumino lubangibwe na lushimatshishibwe, tanukakashibwa namu ku lutengyelo lwa mukāndu-wibuwa wanubahushīshe, na ubalungwilwe ku bihangibwe bioso bi mushi mweilu, nyi anka ha winyī’uo nakitshinwe tandji mufubi.

I Yoano 1:2

(mwanda muwa ubamwekyelwe, n’atwe tweumona, na kwakula bu kamonyi, na kwinulungula (awa) muwa wa ikala-ika, ubadi na Yaiya ubetufumbudilwe;)

I Petelo 3:22

e tabahwile kutwela mwiilu, mushale namu ku mboko yibalume y’Efile Mukulu; bamwikeilu na bamatalwa na babukome ababofwishwe kwadie.

I Petelo 1:12

Kwabadi’bo ubadi wibafumbwilwe’shi: tankwi’bo ba na bene, ooo, anka kwatudi’twe abafubile aya myanda ayinulungulwa kwi’bo abenulungwile mukāndu-wibuwa na Kikudi-E-Selelee batuminwe mwiilu: mu yinyi yino myanda bamwikeilu abakyebe mwilamina bashingule yanka.

Bena Kolose 2:2

ami’shi, mashimb’abo asengibwe, na kwiluñena hamune mu kifulo, mpaa na ku mono yoso ya lushingulwilo lukumbane lwa nangunangu, mpaa na ku kiukilo kikumbane kia kifībwe ki’Efile-Mukulu, na kia Yaiya na Kidisitu.

Bena Kolose 1:27

Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo.

Bena Kolose 1:6

ubafikile kwanudi anka mwaubafikīle kosokoso hanohansenga, na kuha bikuba abienda abifwimanga, anka mulombene mwanudi’nwe, mpaa na ha dinyi efuku dianubahushishe’o, na kushingula biya bu-muntu bw’Efile Mukulu mu biabinyibinyi.

Luka 22:43

Biabia mwikeilu a mwiilu bamwekyele kwadi, bamunyishishe.

Mateo 3:16

Na Yesu hababatshishwe, babukile henyihaha mu mema; talangai, eilu dibamubulukile, bamwene Kikudi-E-Selelee e Efile Mukulu ayiki bwikutshi, bamutentamine.

I Yoano 3:5

N’anwe anwiuku’shi, e basokwelwe kukatusha milwisho yetu; mwadie ta mwi kulwisha.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

I Temote 3:9

Balamate ku’kla kifībwe kia lukumino n’eshimba dia munda selelee.

Yoano 20:12

Biabia bamwene bamwikeilu babidi (ābafwalwe) bitoka bakwete kushāla, umune ku mutwe, mungi ku ngwa, habadi kitanda kia Yesu kilelwe.

Mateo 1:23

Talai, mukashi ki kamame akayimite efu, akatande mwana mulume, abakamūdike eshina dia bu Emanyuele, nyi nkuhatula’shi: Efile Mukulu E n’etu.

Kibafumulwe 7:9

Ku nyima kwa yino myanda namwene, kibumbu kikata kishyakiuku kubadikwa na muntu, kia ku mīlo yoso, na ku bifuko bioso, na ku bantu boso, na ku ndjimi yoso, bemane ku mpala kwa luhun’a nsulu na ku mpala kwa Mwan’a Mukoko, bafwadikwe na mitwelo yitoka, na malala a mabo mu maas’abo:

I Petelo 1:20

(e) mbinyibinyi badi mūkibwe kwibedi kwa ku mbangilo kwa hanohansenga, anka badi mwinwisokwele mu bihindji bia kunfudilo.

Bena Bahebelu 7:7

Takwi mpaka, muntu’hela bahebwa mwabi kwi mumukile bukata;

Bena Efisesa 6:19

na kwandjimi’shi, eyi dia kwakula adikampebwa biandjia kubūla mukanwa mwande na kwikankamika, ha mwanda wa kwiukisha kifībwe kia mukāndu wibuwa,

Bena Efisesa 1:9

Hakwitwiukishā’twe kifībwe kia mukyebel’eshimba die, mulombene eshimba die dibuwa bukalabale dibafunyine ntwadi e na mwinyi,

Bena Ngalatea 4:4

anka habakumbene kihindji, Efile Mukulu batumine Mwan’e, atandjibwa kwi mwana mukashi, mufikile mu mukanda-wa-bishila’shi,

I Bena Kodinda 15:47

Muntu a kwibedi nga hanohansenga, anka muntu akabidi, e nyi Nfumwetu a Mwiilu.

I Bena Kodinda 2:7

ank’atwisambā binangu bi’Efile Mukulu mu kifībwe, nyi (mbinangu) bibadi bifwame, bibasangwile Efile Mukulu kwibedi kwa hanohansenga tahabandjile kuhangibwa bwa kwitwīkasha bu ntumbo:

Bena Loma 10:18

Anka’ mi nākula’shi: A tambahushe su? Ee, abahushishe binyibinyi; Eyi diabo dibafumankene kosokoso hanohansenga, na myanda yabo kunfundilo kwa nsenga.

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

Bena Ngalatea 2:8

Mwanda e banyishishe Petelo mu butumībwa bwa kubasalwe, nyi anka e banyisha bwande bwa ku Badjentaila,

Bena Loma 9:5

Ñanka’bo benyi ba bashetu-kulu, na kwa badi, nyi kubafikile Kidisitu mulombene mbidi ye, na mwinyi e ku nundu kwinyi kwa boso, Efile-Mukulu a mwabi wa ikala-ika. Amena.

Bikitshino 10:34

Henyihaha Petelo babulwile mu kanwa bakwile’shi: Binyibinyi nashingula’shi, Efile Mukulu tanemekā bantu’shi, au ngiu, au tangiu, ooo;

Bena Loma 8:3

Akia kibakutshilwe mukandawa-milangilo katshintshi, mwanda wa lotolo lwa mbidi, Efile-Mukulu hakutuma Mwan’e na mwinyi mu kihwandjikisho kia mbidi ya milwisho, na ha mwanda wa milwisho, bahīshishe milwisho mu mbidi.

Bikitshino 14:27

Biabia habafikile, na habadi abekoñena hamune kikoñeno ki Efile, abahatulwile yoso yibakitshinen’abo Efile Mukulu, na mwabashitwidile kibelo kia lukumino kwi Badjentaila.

Yoano 16:28

Nantukile kwi Yaiya nafika hano-ha-senga; dimonyi nankatuka ha nsenga, nende kwi Yaiya.

Yoano 13:3

Yesu beukile’shi, Shye bamuhele bintu bioso mu mase E, n’E namu badi bafikile kw’Efile Mukulu, akaluka kw’Efile Mukulu namu.

Luka 24:51

Bitabibakitshine habadi ebēlela mwabi, balamunwinwe kwabadi, atwadibwa Mwiilu

Kibafumulwe 17:7

Na mwikeilu bākwile n’ami’shi: A kiobokanyine nkinyi? Nankulungula kifībwe kia mwana-mukashi, na kia nyama-e-bukyelo yabamutwale, e na mitwe musambobidi na nsengwa ekumi.

Kibafumulwe 17:5

na ha mpala he eshina difundwe’shi: KIFIBWE, BABELONE MUKATA, NYIN’A BASHA LUSANDJI BANA-BAKASHI, N’A BIAKUBENDWA BIA HANO HA NSENGA.

Bena Bahebelu 8:1

Biabia kihatulwilo kiatubākwile (kino nyi) kikumbesho; Atwe twi na tshiite-mwakwidi-mukata e biabia, tahwile kushala ku mboko yibalume ya luhun’a-nsulu lwa winyi mukilekile kinemo e mwiilu;

Ii Bena Tesalonika 2:7

Mwanda kifibwe kia kulamunuka kikiakifubu na bino; anka e akulekyesha binobino e kwanka, mpaa na hakakatushwa.

Ii Bena Tesalonika 1:10

ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku.

Bikitshino 1:19

Uno ubeukile kwi boso abadi babombele mu Yelusalema; nyi kiabetanyine diadia efuba mu dinyi edimi diabo bu Akeledama, kuhatula nyi nkwambashi, Efuba dia mase.

Yoano 17:5

Binobino, Obe Yaiya ontumbishe’mi, hamune n’obe na mwinyi na ntumbo yatubadi nayo n’obe kwibedi kwa nsenga tayayikele hanka:

Yoano 15:26

Anka ahakafiki Musambi ankenutumina kwi Yaiya, nyi Kikudi-E-Selelee kia binyibinyi, atuku kwi Yaiya, E akanakwila.

Yoano 6:62

Su anukamona Mwan’a Muntu akamina mubadi kwibedi, a na minyi?

Luka 2:32

Etata dia kumunyika Badjentaila, na ntumbo ya bantu bobe ba Isalele.

Mako 16:5

Baba, ha kwete kutwela ’muta habamwene nsongwalume ’mushale ku mboko yibalume, mufwalwe na kilamba kila kitoka soo; babamwen’anka moo.

Mako 1:13

Mu mahia a kabāka bēkele mwanka mafuku makumi ananka atompibwa na Satana; badi mwikale na nyama yi bukyelo, na bamwikeilu babamunyishanga.

Mateo 28:2

Biabia talangai, kubadi kusanasana kwa nsenga, mwanda mwikeilu a Yehowa bayikile mwiilu, bafikile, balalesh’ebwe dibadi ku kibelo, bashalele hanka.

Mateo 13:11

E bebālulwile’shi: Mwanda kwanudi ubahebwa kushingula yifībwe ya bufumu bw’Efile-Mukulu, anka kwibo kushī bahebwe.

Mateo 4:11

Henyihaha diabola bamulekyele, bamwikeilu abafikile mu kumukwashia.

I Petelo 3:18

Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi;

Bena Loma 10:12

Mwanda takwi ha belamunwina, aba habo, aba habo, sunga ngumune ba Bena Yuda na Bena Ngidiki, ooo; mwanda Nfumu abo ngumunenka, Nfumu a boso, na mwinyi sha buheta bwa kuha boso abamutekye.

Bena Loma 3:4

A leka! leka! ta mbiabia, Ee, Efile-Mukulu ekale na binyibinyi, anka muntu ese sha madimi; anka mwakibafundjilwe’shi; biodia nkebingisha mu myanda yobe, na kukomesha hofiki mu kimu.

Bena Loma 16:26

Anka bino kibafumbulwa ku Bifundwe bia batemuki, anka mulombene mulangilo w’Efile-Mukulu a ikala-ika, kibeukibwa ku Mīlo yoso, ha mwanda wa kikokyesho kia lukumino;

Ii Bena Kodinda 1:19

Mwanda Mwan’Efile Mukulu, Yesu Kidisitu, balungwilwe munkatshi mwenu kwatudi, n’ami uno, na Selefanusa na Temote, taubadi’shi, ee, sunga’shi, ooo, anka mwadi e ñanka’shi, ee.

I Petelo 1:21

Nyi kwadi e nyi kwanukuminyinā Efile Mukulu, winyi bamusangwīle ku lufu, amuha ntumbo’shi, lukuluhilo na lutengyelo lwenu lwikale mw’Efile Mukulu.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

Luka 20:44

Binyibiabia Dafidi amutemuna bu Nfumu; a biabia e Mwan’e bi kunyi?