I Temote 1:16 - KILOMBENO KIHYA KIA NFUMWETU YESU KIDISITU

¹⁶ Anka ha uno mwanda nyi wanatambwila lusa’shi, Yesu Kidisitu aleshe kahuñanyi mwandji’mi kwikala bu kihwandjikisho kwi’ba abakakumina mwadi e mpaa na ku muwa wa ikala-ika.

I Temote 1:16 Referans Kwoze

I Temote 1:13

biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino.

Bena Efisesa 2:7

Mu bihindji bianakafikye akaleshe buheta bukilekile bwa bu-muntu bwe mu kalolo ke’ kwatudi’twe mu Kidisitu Yesu.

Luka 7:47

Nyi ha mwanda uno nankulungula’shi: Milwisho ye yi bungi yibamulekyelwa; mwanda badi na kifulo kikata: anka kwi yawa mulekyelwe bihela (e namu) e na kifulo kihela.

Ii Petelo 3:15

Nuhwandjikishe kahuñanyi ka Nfumwetu nkihandjilo; bu bibenufundjile namu Paulu mukwetu mukuminyibwe mulombene binangu bibamuhelwe;

Ii Petelo 3:9

Nfumwetu te na kwiisha ha mwanda wa mulayilo we, hamune bamo (bantu) abahwandjikisha kuisha, ooo; anka e na kuhuñanyi kwanudi, takyebe sunga ngumune kushimina, anka’shi, boso bafikye ku kwilanga kw’eshimba.

I Petelo 3:20

abio kalā bibadi bishī na kukokyela, habadi kahuñanyi k’Efile Mukulu akēsha mu maluku a Noa, habalumbulwanga bwato, bwinyi bubahandjile bahela, (kuhatula’shi nyi mbantu mwanda), abatwelwe bakumbane mu mema.

Yoano 20:31

Anka bino bibafundjibwa bianudia kukumina’shi, Yesu nyi Kidisitu Mwan’Efile-Mukulu: na ha mwanda wa kukumina, bianudia kwikala na muwa mwishina die.

Yoano 3:36

E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

Bena Loma 6:23

Mwanda efuto dia milwisho ndufu; anka buntu bwa bisumanga bw’Efile-Mukulu ’muwa wa ikala-ika, mu Kidisitu Yesu Nfumwetu.

Bikitshino 13:39

Na kwadi e, boso abakumina, ababingishwa ku myanda yoso, yianushyanwiuku kubingishwa ku mukanda-wa-bishila wa Mosesa.

Yoano 6:54

Ese adi mbidi yande, atomo mase ande, e na muwa wa ikala-ika: n’ami nankamubusha kwifuku dia nkonko.

Yoano 6:40

Bino nyi abikyebe eshimba dia bantumine’shi; muntu ese atala Mwana, amukumina, akekala na muwa wa ikala-ika; n’ami nankamubusha kwifuku dia nkonko.

Bena Bahebelu 7:25

Binyibiabia euku kwibahasha mpaa na ha nfudilo abefubula kw’Efile Mukulu kwadi, mwanda e nyi atala ikala-ika mu kwibasengyela.

Ii Bena Tesalonika 1:10

ahakafiki kutumbishibwa mu bahatulwe-bakishila, na kwikala bakanyibwe mwi’bo abakumina hā’di ’efuku (mwanda bulungudi bwetu kwanudi bubakuminyibwe) mu diadi’efuku.

Bena Efisesa 1:12

twikale ba kutumbisha ntumbo ye, atwe ababadidile kukuluhila mu Kidisitu.

Bena Efisesa 1:6

mpaa na kutumbisha kwa ntumbo ya bumuntu bwe, mwabetukuminyinyine mu batomibwe kifulo,

Ii Bena Kodinda 4:1

Binyibiabia mwanda twi mu uno mufubo, mwatubafwilwa lusa, tatwi ndekelo ooo.

Bena Loma 15:4

Mwanda bintu bioso bibafundjilwe kwibedi, bibadi bifundjilwe ha mwanda wa kwambula kwetu’shi, atwe mu mufwaka, na kisēngyelo bia Bifundwe, tukekale na lutengyelo.

Yoano 6:37

Boso babampele Yaiya abakafiki kwandji, n’e afiki kwandji ta nkamubingi, ayoyo.

Yoano 5:24

Binyibinyi, binyibinyi, nenwambashi: yawa ahusha mwanda wande akumina hadi E bantumine, e na muwa wa ikala-ika: takafiki ku kimu, ooo, anka tabakatukile ku lufu, bakilakila ku muwa.

Luka 23:43

Biabia Yesu bamwalulwile’shi: Binyibinyi nakulungula’shi: Lelo’yo uno okekala n’ami mu mpaladisa.

Luka 15:10

Nenulungula’shi: Anka biabia, kwi kusehela ku mpala kwa bamwikeilu b’Efile Mukulu ahelanga mulwishi umune mwishimba.

I Bena Kodinda 7:25

Ha mwanda wa bakashi tumame, nki na kishila kwi Nfumwetu; anka natusha kitshibilo kiande, bu yawa mufwilwe lusa kwi Nfumwetu’shi, ngikale a kishima.