I Temote 1:15 - KILOMBENO KIHYA KIA NFUMWETU YESU KIDISITU

¹⁵ Uno mwanda ngwa kishima, na kuhwandjikila kukuminwa koso’shi, Kidisitu Yesu bafikile hanohansenga mu kuhasha balwishi; kwabadi nyi mukilekile (boso).

I Temote 1:15 Referans Kwoze

Mako 2:17

Yesu hakuhusha biabia tabamba’shi: Abo be musangyelo ta be na kia’bakyebela ñanga, ooo, anka’bo abakumbu kubofula kwa mbidi; nkimufwile kwitanyina balulame ba mashimba, anka balwishi belangei ’mashimba.

Luka 19:10

Mwanda mwan’a muntu bafiki kukimba na kuhasha abadi bashimine.

Yoano 12:47

Su muntu ahushā myanda yande, teyikumina, tankamutshibila: mwanda nkimufikye kutshibila ba-hanoha-nsenga, anka kuhasha ba-hano-ha-nsenga.

Yoano 1:12

Anka muhunda baba abamutambwile, nyi badi muhe matalwa a kwikala bu bana b’Efile Mukulu, nyi kwi baba abakumina mwishina die.

Luka 5:32

Ami nkimufwile kwita nyina balulame ba mashimba, anka balwishi belangye.

I Yoano 3:5

N’anwe anwiuku’shi, e basokwelwe kukatusha milwisho yetu; mwadie ta mwi kulwisha.

I Temote 1:13

biosobi ami kala nadi musabudi’Efile, na mubingibingi (abantu) na mukanyi; anka naleshwa lusa, ha mwanda nekikitshine nki mwiukye mu shīlukumino.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

I Bena Kodinda 15:9

Mwanda’mi nyi mukile buhela a ku batumibwa, nki muhwandjikile kutemunwa bu mutumibwa, mwanda nadi asābula kikoñeno ki’Efile.

Yoano 1:29

Biabia habubatokyele Yoano bamwene Yesu afiki kwadi, bambile’shi: Talangai Mwan’a mukoko ’Efile Mukulu, akashā milwisho ya bahanohansenga.

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

Mateo 1:21

Akatande mwana mulume, okamūdika bu Yesu, mwanda e akahasha bantu be ku milwisho yabo.

Bena Bahebelu 7:25

Binyibiabia euku kwibahasha mpaa na ha nfudilo abefubula kw’Efile Mukulu kwadi, mwanda e nyi atala ikala-ika mu kwibasengyela.

I Temote 4:9

Uno mwanda ngwa kishima, nguhwandjikile kukuminwa koso.

Bena Loma 5:6

Hatubadi ta twi na bukome, ha kihindji kinyi kilombene, Kidisitu bafwidile bashī n’Efile.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

I Temote 3:1

(Uno) nyi mwanda ngwa binyibinyi’shi, su muntu akyebe bufubi bwa mukulu-a-bikoñeno bi’Efile, akyebe mufubo wibuwa.

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Kibafumulwe 22:6

N’e bandungwile’shi: Yino myanda ngia kishima na binyibinyi: na Yehowa Efile Mukulu a bikudi bia batemuki batumine mwikeilu mu kulesha bahika be myanda ayikyebe kukitshibwe ahayisha kihindji kihi.

Kibafumulwe 5:9

Abo abadi abayimbi lono luhya’shi: Obe ’muhwandjikile kuata mukanda, na kulamuna biukilo biao; mwanda boyihayibwe, bwetukudile kw’Efile Mukulu ku mase obe, mu bisaka bioso, na mu ndjimi yoso, na mu bantu boso, na mu milo yoso;

Tetusa 3:8

(Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu.

Ii Temote 2:11

Uno mwanda ngwa binyibinyi’shi: Su tubafwile hamune n’e, twanakekale na muwa hamune n’e.

Bikitshino 3:26

Efile Mukulu hakwibosha mufubi e Yesu, bamutumine kwanudi kwibedi mu kwinuha mwabi wa kwinwalula’nwe boso ku bubi.

Yoano 3:36

E akumina mwi Mwana e na muwa wa ikala-ika; yawa shīmukumine Mwana takamono muwa; anka nsungu y’Efile Mukulu yi n’e hadi.

Kibafumulwe 21:5

Yawa ashalā ha luhun’a-nsulu bambile’shi: Talangai, bia mpangula bintu bioso ta mbihya. Bambile’shi: Funda, mwanda yino myanda yi kishima na ya binyibinyi.

I Yoano 5:11

Na buno mbulungudi bw’Efile Mukulu’shi, betuhele muwa wa ikala-ika, na uno muwa wi mu Mwan’e.

I Temote 1:19

Olamate lukuluhilo n’eshimba dia munda dibuwa: dīnyi’dio, bamo hakuhwa kwidifutala, ha mwanda wa lukumino bahu kukita kushimishwa, hamune bu masua abaitshikila ’mema;

Mateo 18:10

Dimukai, tanubendanga umune a bano bana, mwanda nenulungula’shi: Mwiilu bamwikeilu babo ababandjile mafuku oso mpala ya Shami e mwiilu.

Bikitshino 11:18

Hābahushishe yino myanda, abauminyine nyaa, tabatumbishe Efile Mukulu’shi: Biosobi Efile Mukulu muhe Badjentaila namu kwilanga kwa mashimba ku muwa.

Bikitshino 11:1

Batumibwa na bakwabo mu lukumino abadi mu Yudea abahushishe’shi: Badjentaila namu tabahwile kutambula mwanda w’Efile.

Luka 15:2

Biabia Bafadiseo na bafundji ba mikanda abaununwine’shi: Uno muntu atambula balwishi, adi n’abo.

Bena Loma 11:14

Ami’shi su neuku su nkinyi su nkinyi kia kukwatshisha ba kumbidi kwande mukao eshi, mpashe bamo.

I Temote 6:13

Nakakayika ku mpala kw’Efile Mukulu abangisha bintu bioso, na Kidisitu Yesu, winyi batemwine kukumina kwibuwa ku mpala kwa Ponteuse Pilato;

Mateo 18:11

Mwanda Mwan’a Muntu bafwile mu kuhasha kibadi kishimine.