I Petelo 1:8 - KILOMBENO KIHYA KIA NFUMWETU YESU KIDISITU

⁸ winyi e anwibatome kifulo, sunga tanwibamumone, mwadi e nyi mwanukuminā, sunga tanumumono, anusehela na muloo ushyawakudibwa, wikute na ntumbo;

I Petelo 1:8 Referans Kwoze

Yoano 20:29

Yesu bamwambile’shi: Tomase, bokumina mwanda wa bibomono’mi; mwabi kwi’ba bashī bamone, anka abakumina.

Ii Bena Kodinda 5:7

Mwanda atutambukā na lukuluhilo, kushī kumona na meso.)

Bena Loma 15:13

Binobino Efile-Mukulu a lutengyelo enuushe na tuseho toso, na kufukama kwa mu lukumino’shi; nukumbane mu lutengyelo mu katshintshi ka Kikudi-E-Selele.

Bena Bahebelu 11:1

Biabia lukuluhilo nyi nkwiukidilo kwa bintu abitengyelwa, nyi lushingulwilo lwa’ya myanda yishyamwekyele.

Yoano 16:22

N’anwe namu binobino nwi na kwinyongola, anka nankenumono dimo, n’eshimba dienu adikasehela, na muntu takenunyengye muloo wenu.

Ii Bena Kodinda 4:18

Hatushyatutala ku bintu biabimonwa; mwanda bintu abimonwa mbia binobino, anka bintu bishyabimonwa mbia ikala-ika.

I Petelo 1:6

Nyi mwanusehela bikata, (sunga) binobino kihindji kikoto hangi nwi na mashimba e bushito mwanda wa bia kutompibwa bi bihaso na bihaso,

Bena Bahebelu 11:27

Ha lukuluhilo nyi habakatukile mu Ndjihitu kushī kutshina bukyelo bwa nfumu bwinyi, mwanda bañyinamene bia kumona winyi shyamwekā.

I Petelo 2:7

Biabia kwanudi’nwe bakukumina e ’muneme; anka kwi’bo bashībakumine, dinyi ebwe dibafūtulwilwe na bebaki, adio dinyi dibakitshinwe tamutwe w’ehaka;

Bena Fidihai 4:4

Sehelai mwi Nfumwetu mafuku oso, dimonyi n’akula’shi: Sehelai.

I Petelo 5:4

Biabia ahakafumbulwa Mumunyi mukilekile bukata, nwanakatambule kilongo kia ntumbo kishyakikalwila.

Bena Efisesa 6:24

Bu-muntu bwikale n’abo boso be na Nfumwetu Yesu Kidisitu kifulo kia kishima. Amena.

Bena Fidihai 1:25

Na hakusumina mu uno’shi, neuku nankekala, na kushadidila n’anwe boso ha mwanda wa kwinutambusha na muloo wa lukumino.

Bena Loma 14:17

Mwanda bunfumu bw’Efile-Mukulu ta bwi mu biakudia na mu biakutoma, ooo, anka mu kululama, na kufukama, na tuseho mu Kikudi-E-Selelee.

Yoano 14:24

Yawa te nami kifulo tākitshi myanda yande; na mwanda wanuhusha tangwande, ooo, anka ngwa Yaiya bantumine.

Yoano 8:42

Yesu bebalungwile’shi: Su Efile Mukulu nyi Shyenu, nubadi akwikala nami kifulo: mwanda nafikile kw’Efile Mukulu, nyi kwanka; nkimwifikile, anka E bantumine.

Bena Fidihai 3:3

Mwanda’twe twi ba kisale abalangwilā Efile Mukulu mu Kikudi (E-Selelee,) na kwilungwila mu Kidisitu Yesu, tatukuluhiiā mu bia mbidi.

Bena Ngalatea 5:22

Ankabikuba bia Kikudi-E-Selelee nyi nkifulo, muloo, kufukama, kahuñanyi k’eshimba, kasendeleshi, buwa, lukuluhilo,

Bena Ngalatea 5:6

Mwanda mu Kidisitu Yesu sunga kisale takī mwesha kintu, sunga takwi kisale, ooo, anka lukuluhilo alukitshisha ha mwanda wa kifulo.

Ii Bena Kodinda 12:4

Mubātshilwe mwiilu, mpaa na mu Mpaladisa, bahushishe mīsambo yishyayisambwā, yishidilwe kishila muntu kwiyisamba.

Ii Bena Kodinda 9:15

Efile Mukulu atumbulwe ha mwanda wa buntu bwe bukutwe na mwa kwibwakwila.

Ii Bena Kodinda 1:22

N’e winyi namu betuhele kiyukilo kia kīe nyi Kikudi-E-Selelee mu mashimb’etu.

Bikitshino 16:34

Na habebafishishe mu nshibo ye, bebatudile bidibwa, tasehēla, na boso ba mu nshibo ye biabakuminyine Efile Mukulu.

Yoano 14:21

Awa e na milangilo yande kwete kwiyilama, ngyawa e nami kifulo, awa e nami kifulo, Yaiya akamufulu, nami nankamufulu namu, nankasokokela kwadi.

Yoano 14:15

Su nwi nami kifule nukite milangilo yande.

Mateo 10:37

Muntu e na shye su nyin’e kifulo kikambe kiadi n’akio kwandji’mi, tamuhwandjikile’mi; na muntu e na kifulo na mwan’e mulume, sunga mwan’e mukashi kukila kiadi nakio kwandji tamuhwandjikile’mi.

I Bena Kodinda 16:22

Su nanyi su nanyi shī na kifulo na Nfumwetu Yesu Kidisitu, edībwe muloa; Nfumwetu ngiwafiki.

Bena Efisesa 3:19

na kwiuka kinyi kifulo kia Kidisitu akikidi kiukilo mwanudia kuushibwa na kukumbana koso kw’Efile Mukulu.