Ii Temote 4:1 - KILOMBENO KIHYA KIA NFUMWETU YESU KIDISITU

¹ Biabia nakukayikila n’eshimba dioso ku mpala kw’Efile Mukulu na kwa Nfumwetu Yesu Kidisitu, tadi akatshibi (myanda) y’abatalanaya bafwe hakufumbu kana bufumu bwe.

Ii Temote 4:1 Referans Kwoze

Bikitshino 10:42

E betukamikile kulungula w’Efile kwi bantu, na kwisamba bu tumonyi’shi, n’e basangwilwe kw’Efile Mukulu Nsushi a abatala na bafwe.

Ii Temote 4:8

biabiakubambikilwe kilongo kia kululama, kiankahebwa kwi Nfumwami nsushi mululame, ku dia di’efuku; tañanka kwandji’mi buhenka, ooo, anka kwi’bo boso abasehela kufumbuka kwe.

I Temote 5:21

Nakukayikila ku mpala kw’Efile Mukulu na Kidisitu Yesu, na kwa bamwikeilu, benyi abasangwilwe’shi, olame yino myanda kushī kwamba’shi: Au hau, au hau, kita bioso bishī bikilene.

Ii Temote 2:14

Webatentekyeshe yino myanda, na kwibalungula biya ku mpala kwa Nfumwetu’shi, tabelanga mpaka ku myanda yishyaikwashya, ayilamunusha abeyihusha.

Mateo 16:27

Mwanda Mwan’a Muntu akafiki mu ntumbo ya Shye na bamwikeilu be; henyihaha akaha bwedi kwi muntu oso mulombene bikitshino bie.

Tetusa 2:13

na kutala kwa lwinyi lutengyelo lwa mwabi, na lufumbuko lwa ntumbo lw’Efile Mukulu etu mukata, Muhashi etu Yesu Kidisitu.

I Petelo 5:4

Biabia ahakafumbulwa Mumunyi mukilekile bukata, nwanakatambule kilongo kia ntumbo kishyakikalwila.

I Yoano 2:28

Biabia binobino bana bakinga batomibwe kifulo, nwikadidile mwadie’shi, hakantweka twikale na kukankamana, na kushi kwikala na būfu ku mpala kwe ha kufika kwe.

I Petelo 4:5

abo abakalubwila yawa mwimene mwa kutshibila kimu kia’batala na kia bafwe.

I Petelo 1:7

eshi, kutompibwa kwa lukuluhilo lwenu nkukile bikilekile kilonda kia nsahabu akilwilā kinemo, sunga nkutompibwa na kālo, alukahetshibwa ku ntumbo na kinemo ha kufumbulwa kwa Yesu Kidisitu,

Ii Bena Tesalonika 2:8

Henyihaha, nyi hanakasokolwe (winyi) sha kulamunusha, e Nfumwetu anakamulwishe ku muwa wa kukanwa kwe, na kumwalula bu a bisumanga na kufumbulwa kwa kufika kwe.

Bena Loma 2:16

mwifuku di’Efile-Mukulu diakatshibila myanda yifibwe ya bantu kwi Kidisitu anka mulombene mukāndu-wibuwa wande.

Bikitshino 17:31

mwanda e tabasangwile efuku, ha dinyī’ dio, akatshibi myanda ya bahanohansenga na kululama, kwi (winyi) Muntu abasangwile; behele bantu boso kishisho bu biabamubushishe ku lufu.

Ii Petelo 1:11

Nyi anka biabia anukahebwa kitwēlo kikilekile bukata kia mu bufumu bwa ikala-ika bwa Nfumwetu Yesu Kidisitu.

Luka 23:42

Binyibiabia bākwile kwi Yesu’shi: A Nfumwami, ontentekyesha hokāfiki mbufumu bobe.

Luka 19:15

Bitabibakitshine habālukile, e bahu kutambula bufumu; biabia batumine kwitanyina baba bahika babahelwe mono kwadi’e, mwadia kwiukila mwabadi basungulwile.

Luka 19:12

Binyibiabia, bakwile’shi: Kubadi muntu mukata muneme bayile ku yingi nsenga yibadi kula, mu kuata bufumu bwe, na kwaluka.

Kibafumulwe 1:7

Talangai, ngiwafiki mu makumbi; meso oso akamumono, na benyi abamutahile; bisaka bioso bia hanohansenga abikadidi kitumu ha mwanda we. Ee, anka biabia Amena.

Ii Petelo 1:17

Mwanda bahahwile kutambula kw’Efile Mukulu Yaiya kinemo na ntumbo, hakubatukile eyi di bino kwadie, ku ntumbo yikilekile buwa’shi: Uno’u nyi Mwan’ande mutomibwe kifulo, andji mutokyele bibuwa mwishimba.

Bena Kolose 3:4

Ahakamweka Kidisitu e nyi muwa wetu, twambengye anwe namu anukamweka n’e mu ntumbo.

Ii Temote 1:10

Anka binobino bubamweka ha kufumbulwa kwa muhashi etu Kidisitu Yesu, bahwile kushimangisha lufu, afisha muwa hatoka, na ushyaunyanga ha mukāndu wibuwa.

Ii Temote 4:18

Na Nfumwetu akamañuna ku mifubo yoso yibi, akambombelesha mpaa na ku bufumu bwe bwa mwiilu; kwadi e kwikale ntumbo mpaa na ikala-ika. Amena.