Bena Fidihai 3:9 - KILOMBENO KIHYA KIA NFUMWETU YESU KIDISITU

⁹ na kuhetshibwa mwadi e, kushī na kululama kw’eshimba kwande ku na mwinyi, kwa mu mukanda-wa-bishila, anka ako kwinyi nyi nkwa ku lukumino lwa Kidisitu, nyi kwinyi kululama kw’eshimba kwa kw’Efile-Mukulu ku lukumino.

Bena Fidihai 3:9 Referans Kwoze

Ii Bena Kodinda 5:21

Mwanda yawa shī badi mwiukye kulwisha, E bamwalulwile bu mulambu wa bubi ha mwanda w’etu, mwatudia kwalulu-kila balulame b’Efile Mukulu mwadi E.

I Bena Kodinda 1:30

Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi,

Bena Ngalatea 2:16

Anka hakwiukashi, muntu takabingishibwa ku bikitshino bia mukanda-wa-bisliila, ooo, anka ku lukumino lwa mu Yesu Kidisitu, bu mwatubakuminyine mu Kidisitu Yesu, mwatudia kubingishibwa ku lukumino lwa (mu) Kidistu, kushī ku bikitshino bia mukanda-wa-bishila, ooo; mwanda ku bikitshino bia mukanda-wa-bishila takwi muntu akabingishibwa, ooo.

Bena Loma 8:1

Binyibiabia hano’nyi ta kukī kuhīshwa kwa’aba be mu Kidisitu Yesu, abende mushī mulombene mbidi anka mulombene Kikudi-E-Selelee.

Bena Loma 1:17

Nyi anka’mo mubafumbukile kululama kw’Efile-Mukulu ku lukumino lwa ku lukumino, anka mwakibafundjilwe’shi; balulame abakamono muwa ha lukumino.

Tetusa 3:5

tampa bikitshino bia kululama biatubakitshine’twe, ooo, anka mulombene lusa lwe betuhashishe, ku kusulwa kwa kutandjibwa-kwa-kabidi, na ku kuhangulwa kwi Kikudi-E-Selelee;

Ii Temote 1:9

Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe.

Ii Bena Kodinda 5:17

Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya.

Bena Fidihai 3:6

ha mwanda wa kinsukunsuku nabingabinga kikoñeno ki’Efile; mwiyile kululama kw’eshimba kwi mu mukanda-wa-bishila, nadi shī mutohekwe.

Bena Loma 10:10

Anka kwishimba nyi akukumina muntu ku kululama, na ku kanwa namu nyi akwakwila ku kihandjilo.

Bena Loma 8:3

Akia kibakutshilwe mukandawa-milangilo katshintshi, mwanda wa lotolo lwa mbidi, Efile-Mukulu hakutuma Mwan’e na mwinyi mu kihwandjikisho kia mbidi ya milwisho, na ha mwanda wa milwisho, bahīshishe milwisho mu mbidi.

Mateo 9:13

Anka nuendei, nwambulei kishingulwilo kia uno. Nankyebe lusa, tankyebe kitahilo, mwanda nki mufikye kwitanyina balulame ba mashimba, ooo, anka, balwishi belangye mwishimba.

I Yoano 3:4

Ese muntu asolo mwanda ashula bishila: mwanda kulwisha nyi nkushula kwa bishila.

Ii Petelo 1:1

Shimona Petelo mpika na bu mutumibwa a Yesu Kidisitu, kwi baba abatambwile lukumino luneme, hamune n’atwe ha kululama kw’Efile Mukulu etu na Muhashietu Yesu Kidisitu;

Yakoba 3:2

Mwanda atukokola mu myanda yibungi. Su kwi muntu shyakokolā mu mwisambo, yawa nyi muntu mukumbane, euku namu kutonta mbidi (ye) yishima.

Bena Bahebelu 6:18

Eshi kwi (yino) myanda yibidi yikayikwe, mu’yo ngikambe, Efile Mukulu teuku kudimba, atwe tubasukile twekala bu batembela kinemo, twikale na kukankamana kukata mu kulamata ku lutengyelo lwitubikilwe ku meso.

Bena Loma 16:7

Naimuna Andalonikusa na Yunia ba kifuko kiande, bakwetu bakufungibwa n’ami hamune; abo ba ntumbo munkatshi mwa batumibwa, babambadidīle mu Kidisitu.

Bena Loma 5:21

eshi, mubamunyine kulwisha bu nfumu mu lufu, biabia buntu bwa bisumanga abukamuna ku kululama kwa muwa wa ikala-ika, kwi Yesu Kidisitu Nfumwetu.