Bena Fidihai 2:8 - KILOMBENO KIHYA KIA NFUMWETU YESU KIDISITU

⁸ Biabadi musananwe mu kihaso kia bu muntu, beheleshe e na mwinyi, bakokyele mpaa na ku lufu, n’alo lwinyi ndufu lwa ku mutshi wa nkulusu.

Bena Fidihai 2:8 Referans Kwoze

Yoano 10:18

Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

Bena Bahebelu 12:2

twikyebulei kwi Yesu, kimankinda na mukumbashi a lukumino, winyi e ha mwanda wa kusehela kubatudilwe ku mpala kwe, bañyinamene (ku) nkulusu, basabulwile būfu, tadi mushale ku mboko yibalume ya luhun’a nsulu lw’Efile Mukulu.

Bena Loma 5:19

Anka mubaikadile bukolwa bwa muntu’mune bubatemunwa be bungi bu balwishi, ñanka biabia na ha kukokyela kwa muntu’mune, be bungi abakatemunwa balulame.

I Petelo 2:24

e na mwinyi batwadile milwisho yetu mu mbidi ye ha mutshi’shi, mwanda’twe twi bafwe ku milwisho, twikale abatala mpaa na ku kululama; ku mikofu ye nyi kwa tubahandjīle.

I Petelo 3:18

Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi;

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

Mateo 26:39

Binyibiabia bayile ku mpala kihindji kihi, babandamine mpala ye hashi, tatekye’shi: A Yaiy’ande, su nkilombane, kihulu kino kinkile’mi, anka bishī bu mwankyebela, ooo, anka mokyebela’be.

Bikitshino 8:33

Mu kufukūlwa kwe kitshibilo kie kibakashibwa. Akalesha ku musuku we nanyi? Mwanda muwa we ubakatushwa hano ha nsenga.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Bena Ngalatea 3:13

Kidisitu betukudile ku muloa wa mukanda-wa-bishila, hakwitwialulwila tadi mwelwe muloa: Mwanda ubafundjibwe’shi: Edibwe muloa ese abambibwa ha mutshi;

Yoano 14:31

Anka nakitshi mwanda ubandaile Yaiya, mwanda ba-hano-ha-nsenga beukye’shi, Ami nyi na Yaiya kifulo. Ebwei, twendei.

Yoano 15:10

Su anulama milangilo yande, anukekala mu kifulo kiande; anka hamune’ini nalamine milangilo ya Yaiya, biabia nyi mwikale mu kifulo kiE.

Mateo 26:42

Bayile kihindji diakabidi, batekyele’shi: A Yaiya’nde, su kihulu kino takiuku kunkila’mi, anka su nyi nkitome kianka, nyi mwamukyebel’eshimba diobe bikitshibwe mwanka.

Mateo 17:2

N’E bālulukile kumpala kwabo; mpala ye yibahenyahenya bu nguba, na bilamba bie bibālulukile bitoka bu kanya.

Yoano 4:34

Yesu bebālulwile’shi: Bidibwa biande nyi mbino’shi: Nkite akikyeb’eshimba di’awa bantumine, na kuhudisha mufubo we.

Luka 9:29

Habadi atekye, mwikelo wa mpala ye yibālulukile, na bifwalwa bie bibatokyele na kuhenyahenya.

Bena Bahebelu 12:4

Tanwi babande kwikingila mpaa na ku mase, ha kulwa na milwisho.