Bena Efisesa 5:3 - KILOMBENO KIHYA KIA NFUMWETU YESU KIDISITU

³ Anka bukyebanekyebane, na kushūla koso kwa bishila, su malaka, tabikalanga abitemunwa munkatshi mwenu, ooo, nyi mulombene balamunwe-bakishila,

Bena Efisesa 5:3 Referans Kwoze

Bena Kolose 3:5

Biabia nwihei bia ku mbidi yenu bia hanohansenga; kukyebanakyebana, biko bi’eshimba, kifulo kia myanda yibūfu, kusuasua kwa yibubi, malaka namu, nyi anka lulangwilo lwa mankishi.

Bena Efisesa 5:5

Mwanda’nwe anwiuku yino’shi, sunga nga bukyebanekyebane, sunga sha biko mwishimba, sunga sha lwabi, sunga mulangwidi-a-mankishi tagbe na kia bakahyana mbufumu bwa Kidisitu n’Efile Mukulu, ooo.

I Bena Tesalonika 4:3

Mwanda uno’u nyi a ukyebe eshimba di’Efile Mukulu, tankulamunwa kwenu selelee’shi, nushile bukyebekyebe;

I Bena Kodinda 6:18

Sukai lukyebanokyebano. Mulwisho woso aukitshi muntu tawi ku mbidi, anka e akitshi lukyebanokyebano alwisha ku mbidi ye yi na mwinyi.

I Bena Tesalonika 4:7

Mwanda Efile Mukulu tamwitwitanyine ku bia kushulakwa-bishila, ooo, anka ku bia kulamunwa kwa kishila.

I Bena Kodinda 6:13

Bidibwa mbia mwifu, efu namu ndia bidibwa, anka Efile Mukulu nyi akedilwisha, n’abio namu. Anka mbidi tangia lukyebanokyebano, ooo, nyi ngia Nfumwetu, na Nfumwetu namu nga mbidi.

Bena Efisesa 5:12

Mwanda wa myanda ayikitshin’abo ku bufyefye ngia būfu, sunga kwiyitemune.

Mateo 15:19

Mwanda kwishimba akutuku binangu bibi, matombo, masandji, makyebanokyebano, bwifi, misambo ya madimi, bakānyi-ba-milomo.

Kibafumulwe 2:21

Namuhele kihindji kia kwilanga mwishimba ku lukyebanokyebano lwe anka e tamwilange.

I Bena Kodinda 10:8

Tatukitanga namu lukyebanokyebano hamune na bangi b’abo abakitshine’lo ooo, n’abo abnhōne mwifuku dimune’nka binunu maku mi abidi na binunu bisatu.

Kibafumulwe 22:15

Hasha he mbwa, na basha masende, na basha lukyebanokyebano, na bantomboshi, na balangwidi ba mankishi, na boso abasehela na kudimba madimi.

Kibafumulwe 21:8

Anka basha moo, na bashī bukumine, na be butete, na bantomboshi, na basha lukyebanokyebano, na basha masende, na balangwidi ba mankishi, na basha madimi boso, abakabungilwe mwishiba aditembe kālo na soufre; luno nyilufulwa kabidi.

Kibafumulwe 2:14

Anka nyi na myanda yibadidye kodi, mwanda kwakwa kodi we na bamo balamate ku lulambukisho lwa Balāma, winyi balambukishe Balaka kutula kia kukokosha ku mpala kwa Bena Isalele; na kudia bintu bitahilwe mankishi, nakukita lukyebanokyebano.

I Bena Kodinda 5:1

Ntumbu yibahalakana’shi: Kwi lukyebanokyebano munkatshi mwenu, na lwinyi lukyebanokyebano bushyabutemunwa sunga munkatshi mwa badjentaila’shi, umune ekale na mukashi a nshye.

Kibafumulwe 9:21

tambelangye namu ha mwanda wa buntomboshi bwa’bo sunga ngwa masende abo, sunga ngwa lukyebanokyebano lwabo, sunga ngwa bwifi bwabo, ooo.

Ii Petelo 2:3

Na ha mwanda wa lwiso abakenudila biakwinudila na bishima bia madimi; kuhīla kwabo kwa kala, kwīsha tankwīshe, na kulwishibwa kwabo takulala-tulo, ooo

Bena Bahebelu 12:16

Tala kwakekala sha lusandji, su sha kufutula bu Esau, winyi e ha mwanda wa kiseso kia mwita, bahēne buhyanyi bwe.

Ii Bena Kodinda 12:21

Tala namu hankafiki dimonyi, Efile Mukulu ande akankwatshisha būfu munkatshi mwenu, n’ami nankekala na lukalo lwa bebungi abasolele myanda kwibedi; bashī belangye munda ku kushūla-kwa-bishila na lukyebanokye’bano, na mudioholo w’eshimba dibi wabakitshine.

Tetusa 2:3

Banabakashi bakulu mpamunenka (bekale) abashidi mu bikitshino mulombene kuhatulwa-kwi-kishila, bashī bansankakanyi, bashī behane ku nfinyo yibungi, balambukishi ba myanda yilumbulukye;

Ii Temote 3:2

Mwanda bantu banakekale na kifulo kwi’bo bana bene, basehedi ba mono, bakwitatula, bakwinemeka, basha kasābu, bashyabakokyela bebatande, bashī na lutumbu, bashī balamunwe-bekishila,

Bikitshino 15:20

Anka twibafundjile’shi: belame ku milambo ya butete yilambulwe mankishi, na ku bukyebekyebe, na ku bintu bifinyibwe nkono, na mase.

Ii Petelo 2:14

be na meso aule kukyebana, ashyaeuku kuleka bubi; abōngola bashī banyingye; be n’eshimba adiubila lwiso; nyi mbana bēdibwe muloa.

Ii Petelo 2:10

anka tokiokwambā’ba abatambukila mwiyile bia ku mbidi mu lwabi lwa biko, na kusabula butontshi. Abo mbasha mbengabenga, abalondo muhunda mashimb’abo, bashyabasusu kwakula bi bubi ku bakata.

I Petelo 5:2

Lamai lombe lw’Efile Mukulu lwi munkatshi mwenu, nuate bukulu bwa kilelo, bushī bwa kufinyikwa, ooo, anka bwa musanku, bushī mwanda wa kukimba mono yifutulukye, anka bw’eshimba dimene.

Tetusa 1:11

mukanwa mwabo anka kumumibwa, abafutakasha mashibo ashima, abalambukisha myanda yishī yilombane ha mwanda wa lwiso lwa mono yibubi.

Tetusa 1:7

Mwanda mukulu (a bikoñeno bi’Efile) wadi n’ao tangwa kutohekwa, (ekale) bu mendaku w’Efile; shi na nkomanga y’eshimba, shī na kansuminyi, shī mwihane ku nfinyo, sunga nga kukuhishena, shī mwihane ku lwiso lwa mono yibubi;

I Temote 3:3

Shī munemene ku nfinyo, shī sha lukiso, anka sha kasendeleshi, shī sha mpaka, shī na buheta kifulo.

I Temote 2:10

anka na bikitshino bibuwa (bekal’anka bu bana bakashi balombene bu abatemunwa bu b’Efile Mukulu).

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

Bena Loma 16:2

mwanudia kutambula mu Nfumwetu, mwa kulombena balamunwe-bakishila nwikal’anumukwashia mu mifubo yoso, su nkinyi su nkinyi kyenukyebela kumukwashia; mwanda e na mwinyi e muledi a be bungi, n’āmi winyi namu.

Bena Loma 6:13

Sunga nkuhana biambidi yenu ku milwisho bu bia ngoshi bishī yilulame; anka nwihane anwe bana bene kw’Ifile, hamune bu abatala babukye ku lufu, na biambidi yenu bu biangoshi bilulame kw’ifile.

Bena Loma 1:29

dia kuula ndā na yishīyilulame yoso, na lukyebanokyebano, na bubi, na lwīso, na kifita; diule ndā na kiutu, na buntahanyi, na mpaka, na bulamalama, na butshi, na kwisongishena,

Bikitshino 20:33

Nkimulakile nfala nga ya nfēdha ya muntu, sunga ya nsahabu, sunga mbifwalwa.

Luka 16:14

Biabia Bafadiseo namu abadi na mono kifulo, ha bahushishe yino myanda, abamufukula.

I Temote 6:10

Mwanda kifulo kia mono nyi mushi wa bubi boso; ayoyinyi, bamo ha kwiyiabila, abōngolwa ku lukumino, abahu kwitaha na kwinyenga kwibungi.

Luka 12:15

Biabia e bebālulwile’shi: Dimukai, nwilame ku malaka: mwanda muwa wa muntu tawi mu bungi bwa bintu biadi n’abio, ooo.