Bena Efisesa 5:2 - KILOMBENO KIHYA KIA NFUMWETU YESU KIDISITU

² nutambukil’anka mu kifulo, bu mwitufudile Kidisitu kifulo, e namu betwihanyine tadi bu mulambu na bu kitahilo kw’Efile Mukulu kwikala bu mahembwe e mwenyi.

Bena Efisesa 5:2 Referans Kwoze

Yoano 13:34

Mulangilo uhia nenuha’shi: Nwifulene kifulo anwe bana bene; bu’mi nekalanga nenu kifule nwifulene kifulo anwe bana bene.

Bena Ngalatea 2:20

Naihaībwa ha mutshi uhingishene hamune na Kidisitu, biosobi nafala, anka tanami na mwinyi ooo, nyi ñanka Kidisitu atala mwimi; na muwa wandji n’au binobino mu mbidi, nyi mwikele n’au ku lukuluhilo lwa Mwan’Efile Mukulu banfule kifulo, behanyine namu, e na mwinyi, ha mwanda wande.

Bena Kolose 3:14

Kunundu kwa bintu bioso (nwikale) na kifulo, akio nyi mwanyo wa kikumbesho ki’eshimba.

Ii Bena Kodinda 2:15

Mwand’atwe twi mahembwe ebuwa a Kidisitu kw’Efile Mukulu mwi’ba bahande, na mu’ba abalwila.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

I Bena Kodinda 16:14

Bioso bianukitshi bikitshibwe na kifulo.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

I Petelo 4:8

Anka kukila myanda yoso nwikale na kifulo kia kunyiñamana munkatshi mwa’nwe bana bene; mwanda kifulo akibwikila mituto na mituto ya milwisho.

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

I Yoano 3:16

Ha uno mwanda nyi hatushingula kifulo, mwand’e betutudile muwa we; watudi n’ao namu ngwa kutula miuwa yetu ha mwanda wa bakwetu.

Kibafumulwe 1:5

na kwi Yesu Kidisitu, kamonyi ka kishima, mwan’a mbedi musangukye ku bafwe, mutontshi a banfumu ba hanohansenga. Kwi yawa betufule kifulo, na kwitusula ku milwisho yetu mu mase e;

Bena Bahebelu 9:26

Su mbiabia ubadi n’ao ngwa kufwambuka misusa na misusa ku mbangilo ya hanohansenga, anka hano hanfudilo ha bihungilo, bamwekyelele anka mususa umunenka, mu kukasha milwisho ha kwilambula e na mwinyi bu kitahilo.

Bena Bahebelu 9:14

A biabia mase a Kidisitu e behen’e na mwinyi kushī kilema kw’Efile Mukulu ku Kikudi-E-Selelee a ikala-ika, tangakile kutoshaeshimba-dienu-diamunda kubikitshino bifwe, mu kufubila Efile Mukulu a muwa?

I Temote 2:6

E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane.

Bena Efisesa 4:15

anka hakukesamba biabinyibinyi (bi’Efile) mu kifulo, tukudil’anka mwadi e (mu) bintubioso, winyi e nyi mutwe nKidisitu.

I Yoano 3:23

Uno nyi mulangilo we’shi, bibuwai tukumine mwishina dia Mwan’e Yesu Kidisitu, na kutomeshena kifulo, mubetuhelele mulangilo.

I Temote 4:12

Tokuminanga muntu kusābula bunsongwalume bobe, ooo; anka wekale kihwandjikisho kia bakumine mu mīsambo na mu nyikashi, mu kifulo, mu lukuluhilo, (na) mu buselelee.

I Bena Tesalonika 4:9

Anka ha mwanda wa kifulo kia kwi bakwenu, nki na lukalo lwa kwinufundjila’nyi kianka; mwanda’nwe bana bene nwibahwe kulambuki shwa n’Efile Mukulu kwitomeshena kifulo;

Bena Efisesa 4:2

n’eshimba dia kwihelesha na kuhohela, na kahuñanyi k’eshimba, (na) kwilekeshena anwe bana bene mu kifulo;

Bena Efisesa 3:17

ami’shi, Kidisitu abombele mu mashimb’enu ha lukuluhilo’shi, anwe hakwikala bashimatshishwe bu mishi, na kukankamikwa hashi mu kifulo,

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Kibafumulwe 5:9

Abo abadi abayimbi lono luhya’shi: Obe ’muhwandjikile kuata mukanda, na kulamuna biukilo biao; mwanda boyihayibwe, bwetukudile kw’Efile Mukulu ku mase obe, mu bisaka bioso, na mu ndjimi yoso, na mu bantu boso, na mu milo yoso;

Bena Bahebelu 9:23

Ubadi n’ao ngwa bihwandjikisho bia bintu bia mwillu bitoshibwe na bino; anka bintu bia mwiilu abio bi na mwinyi mbitoshibwe na bitahilo bikile bino buwa.

Bena Efisesa 3:19

na kwiuka kinyi kifulo kia Kidisitu akikidi kiukilo mwanudia kuushibwa na kukumbana koso kw’Efile Mukulu.

Bena Loma 8:3

Akia kibakutshilwe mukandawa-milangilo katshintshi, mwanda wa lotolo lwa mbidi, Efile-Mukulu hakutuma Mwan’e na mwinyi mu kihwandjikisho kia mbidi ya milwisho, na ha mwanda wa milwisho, bahīshishe milwisho mu mbidi.

Bena Efisesa 5:25

Balume (namu,) nutome bakashi benu kifulo, anka mutomene namu Kidisitu kikoñeno ki’Efile kifulo, behēne kwakidi e na mwinyi’shi,

I Bena Kodinda 5:7

Binyibiabia katushai kinyi kitatusho kikulu’shi, nwikale mutanda uhya, mwanda nwi bu bashī batatushwe. Mwanda paque ’ētu betutahilwe, nyi Kidisitu.

Bena Loma 4:25

Winyi bahanyinwe ha kusola kwetu kwa myanda, dimo’nyi basangwilwe (ku lufu) ha mwanda wa kubingishwa kwetu.

Yoano 6:51

Ami nyi binyi biashi bia niuwa, bibal’ikile mwiilu: su muntu adi bino biashi, akekala na muwa wa ikala-ika: na binyi biashi biankebaha, nyi mbidi yande, biankahanyina ku muwa wa ba-hano-ha-nsenga.

Bena Loma 8:37

Ayoyo, sunga mpakotokoto henyi; mu bia biosobioso tubakidi babinkome anka mwadi e bekele n’etu kifulo.

Bena Loma 15:16

Eshi, nyikale mufubi a Kidisitu Yesu ku Mīlo, kufubila mukāndu-wibuwa w’Efile-Mkulu’shi; milambu ya Mīlo yikale yikuminwe, ha kulamunwa kikishila ku Kikudi-E-Selele.

Ii Bena Kodinda 2:14

Biabia Efile Mukulu atumbulwe, etukunkushā na bushindanyi mu Kidisitu mafuku oso, na kumwekesha kwatudi mahembwe ebuwa a kiukilo kie kosokoso.

Bena Efisesa 1:4

Anka mubetusangwidile mwadi e kwibedi kwa kibangilo kia hanohansenga, mwatudia kwikela balamunwe-bakishila na kushi matohe ku mpala kwe mu kifulo.

Bena Efisesa 5:15

Biabia tambukai na lwishinko kushī hamune bu balotakane, ooo, anka bu basha binangu;

Bena Fidihai 4:18

Anka’mi nemukumbashe bioso mpaa na kufwima; nemwikute binatambwile kwi Ehafolodetusa bintu bibafikile kwanudi, bī’shiko bi mahembwe alumbulukye, bla kukuhula mashimba bikuminyibwa (bimoo,) biakusehesh’eshimba di’Efile Mukulu.

Bena Bahebelu 8:3

Mwanda batshiite-ba-kwidi-bakata boso mbasangwilwe kulambula milambu na bitahilo; biabia uno namu wadi na’o ngwa kwikala na bia kulambula.