Bena Efisesa 4:12 - KILOMBENO KIHYA KIA NFUMWETU YESU KIDISITU

¹² ha mwanda wa kukumbasha kwa balamunwebakishila, ha mifubo ya bufubi bw’Efile, kwīela mwiilu kwa mbidi ya Kidisitu,

Bena Efisesa 4:12 Referans Kwoze

Bena Efisesa 4:16

Kwadi e mbidi yoso ngilungishenwe na kutombashenwa hamune. Nakwikumena ku kiakia akiheya binyingwa bioso, anka mwabifubila aki mwakihunda aki mwakio, akienda akitamishanga mbidi mpaa na kukushibwa kw’ayo mu kifulo.

I Bena Kodinda 12:27

Biabia nwi mbidi ya Kidisitu, nwi biakumbidi ye, muntu he, muntu he.

Bena Loma 15:14

Anka’mi winyi nyi musumīne hanudi anwe bakwetu, bianubaulu bumuntu, bianuushibwa na kiyukilo kioso, nwiukye na mwa kwilañena malango anwe bana bene.

I Bena Kodinda 14:26

A bino bi na minyi bakwetu? Hanwikoñena hamune, anwe boso, au na lono, au na lulambukisho, au namu na dingi edimi, mungi namu e na lufumbwilo. N’au mo ’nyi e na luhatulwilo. Bioso bino bikitshibwe ha mwanda wa kwitamisha.

Bena Loma 14:19

Binyibiabia tulondei bikufisha kufukama, n’abia kwītamisha atwe bana bene.

I Temote 1:12

Natumbula Kidisitu Yesu Nfumwetu bankitshishe bukome, mwanda e bantemwine bu a kishima, na kumula mu bulungudi bw’Efile;

I Bena Kodinda 14:12

Biabia anwe namu mpamune’nka, bianudi na kinsukunsuku kia kukyeba fbia-buntu bia Kikudi-E-Selelee, nukimbe’shi, nukambe kukila bia kutamisha kikoñeno ki’Efile.

Bena Bahebelu 13:17

Kokelai bimankinda bienu, na kwibabofwila; mwanda’bo abatengyelā ku mashimb’enu, bu baba abakyebe mwa kulubwila myanda; eshi, bebikite na muloo, kushī na katshima-munda, mwanda mu kenyi’ko tanukamwenā’mo, ooo.

Bena Bahebelu 6:1

Binyibiabia tulekyei aya myanda ya hambangilo ya Kidisitu, tuyididile ku bia bukulu, kushī kubanga kibangilo kia kwalulukil’eshimba ku myanda yifwe, na ya lukuluhilo kw’Efile Mukulu,

Ii Bena Kodinda 6:3

Tanukitanga kia kukokosha su mu kinyi su mu kinyi’shi, tala mifubo yetu y’Efile yatohekwa.

Ii Bena Kodinda 5:18

Bintu bioso mbi’Efile Mukulu, e betulombasha kwadi e na mwinyi, mu Yesu Kidisitu; betuhele’twe namu mufubo wa kilombeno.

Luka 22:32

Anka’mi tankutekyele’shi, lukuluhilo lobe talukakutshikwa: na hokāluluka kwishimba okankamike bakwenu.

Ii Temote 4:5

Ank’obe ohile mu bintu bioso, kankamana mu bishiotshi, fuba mufubo wa bu mulungudi e’Efile, okumbashe bulungudi bobe bw’Efile biya.

Bena Kolose 4:17

Nuakule kwi Akehusa’shi: Odimukye ku mufubo wobotambwile mu Nfumwetu, weukumbashe.

Bena Kolose 1:28

Nyi atulungwila, na kudimuna na kulambukisha muntu oso mu binangu bioso; biatudia kulubwila muntu ese mukumbane mu Kidisitu Yesu.

Bena Kolose 1:24

Binobino nasehelā mu bia kufwambuka biande ha mwande wenu, na kunkumbesha biandji mulobeshe bia malwa a Kidisitu mu mbidi yande ha mwanda wa mbidi ye, yinyī’o nyi kikoñeno ki ’Efile.

Bena Efisesa 1:23

Akio nyi mbidi ye, takidi kikumbeno kia winyi akumbashā bioso mu bioso.

Ii Bena Kodinda 12:19

Dimonyi anutentekyesha’shi, atwibalananyā atwe bana bene kwanudi? Atwakula ku mpala kw’Efile Mukulu mu Kidisitu; anka atukitshi bintu bioso mwakwinuelesha mwiilu anwe bakuminyibwe.

Ii Bena Kodinda 7:1

Binyibiabia anwe bakuminyibwe hatudi na yino milayilo, twitoshei atwe bana bene ku biabutete bioso bia ku mbidi, na bia ku kikudi tukumbashidilei kuhatulwa-kwa-kishila mu kutshina kw’Efile Mukulu moo.

Ii Bena Kodinda 4:1

Binyibiabia mwanda twi mu uno mufubo, mwatubafwilwa lusa, tatwi ndekelo ooo.

Ii Bena Kodinda 3:8

A mufubo wa Kikudi-E-Selelee taukekala wi na ntumbo yikilekile su?

I Bena Kodinda 14:14

Mwanda su natekye mu ding’edimi, nyi nkikudi kiande akitekye, anka nangunangu yande ngia bisumanga.

Bena Loma 15:29

Neuku’shi, hakufika kwakwa kwanudi, nankafiki mu kuushibwa kwa mwabi wa mukāndu-wibuwa wa Kidisitu.

Bena Loma 15:2

Atwe boso, twikal’atwitoshena, au kwishimba dia mukwabo, au kwishimba dia mukwabo, na myanda yibuwa mwa kwikushīsha.

Bena Loma 12:7

Su mifubo tutwelelele anka ku mifubo yetu; sunga kulambukisha namu, anka ku bulambukishi bwe.

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

Bikitshino 20:24

Anka takwi kintu kimune kia bino bintu akinsanyisha’mi munda, sunga namu nkuhwandjikisha muwa wande bu kintu kineme kwimi, mwandjia kuhudisha luendo lwande lwa muwa, na kusehela na mufubo wanatambwile kwi Nfumwetu Yesu, nyi nkulungula mukāndu-wibuwa wa bumuntu bw’Efile Mukulu.

Bikitshino 11:23

E habafikile kwanka na habamwene bumuntu bw’Efile Mukulu basehelele; bebalangile boso’shi, balamate kwi Nfumwetu na kufuna mu mashimb’abo.

Bikitshino 9:31

Henyihaha bikoñeno bi’Efile moso mu Yudea na mu Ngadilea na mu Samadia, bibahohelele biya; babadi bakankamane; na ha kutambuka mu moo wa Nfumwetu na mu lusengyelo lwa Kikudi-E-Selelee, abafwimine na kufwima.

Bikitshino 1:25

Āte kihindji kia buno bulungudi bw’Efile na butumibwa, bwinyi bubahonene Yudasa ku busodi, biadia kwenda ku yee mbalo.

Bikitshino 1:17

Mwanda e badi mubadikwe n’etu, badi mutambule namu kihindji kia uno mufubo.

Ii Temote 4:11

Anka Luka nyi andji n’e; wate Mako ofikyen’e, mwanda nyi andjia kumwena mwadi mu bulungudi bw’Efile.

Bena Efisesa 4:29

Tanukuminanga mīsambo yinyangye kutuka mu kanwa mwenu, ooo, anka yaya yilumbulukye ya kwinwielesha mwiilu’shi, yihane bu-muntu kwi bahushi.

Bena Efisesa 4:4

Kwi mbidi yimunenka, na Kikudi-E-Selelee umune nyi anka mwanubetanyinwe mu lukululiilo lumune lwa lwitamino lwenu;

Ii Bena Kodinda 13:9

Mwanda atusehela hatwi batūba, n’anwe bukome; uno namu watutekyela, nyi ngwanka wa kukumbashwa kwenu.

I Bena Kodinda 12:7

Anka kifumbukilo kia Kikudi-E-Selelee nkihebwe kwi ese (muntu) mwadia kumwena mwanka.

Bena Loma 12:5

Mpamunenka, mwatudi bekele n’atwe benyi, mwa twibafwimine muno, twi mbidi yimunenka mu Kidisitu, n’atwe boso biatudi biakumbidi, au ku mukwabo, au ku mukwabo, atwe bana bene.

Ii Bena Kodinda 13:11

Kunfudilo bakwetu, nenuladikai, nwikale bakumbane, nusengibwe bibuwa, nwikale n’eshimba dimune, nubombele mu kufukama; biabia Efile Mukulu a kifulo na kufukama akekala n’enu.