Bena Efisesa 4:1 - KILOMBENO KIHYA KIA NFUMWETU YESU KIDISITU

¹ Henyihaha ami musungi wa Nfumwetu, nenusendela’mi’shi, nutambukye bihwandjikile lwinyi lwitamino lwanubetanyinwe n’alo;

Bena Efisesa 4:1 Referans Kwoze

Bena Kolose 1:10

na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;

Bena Fidihai 1:27

Anka mwikelo weno wikale ulombane mu mukāndu wibuwa wa Kidisitu’shi, sunga nankafika kwinumona, sunga nkwikala shī kwanka nenu, nankahusha bia nyikashi yenu’shi, nwibanyiñamane n’eshimba dimune, na kikudi kimune, na kwinyishena hamune ha mwanda wa lukumino lwa mukāndu-wibuwa w’Efile Mukulu;

I Bena Tesalonika 2:12

eshi, nutambukile muhwandjikile kw’Efile Mukulu, benwitanyine ku bufumu bwe na ntumbo.

Ii Petelo 1:3

Bu bukome bwa bwifile bwe bubetuhele bintu bioso (binemene) ku muwa na ku bwin’Efile Mukulu, ha kiukidilo kia yawa betwitanyine ku ntumbo na buwa bukalabale,

Ii Temote 1:9

Betuhashishe, na kwitwitanyina na lwitamino luhatulwe-lwikishila; tampa mwanda wa bikitshino bietu, ooo, anka ha kut’una kw’e na mwinyi na bu-muntu, bubetuhelwe mu Kidisitu Yesu kwibedi hanohansenga tahahangilwe.

I Bena Kodinda 4:16

Binyibiabia nenusendela’shi, nwikale banyifwane.

Ii Bena Tesalonika 1:11

Nyi ha mwanda watwinutekyela mafuku oso’shi: Efile Mukulu etu enutemune bu balombashwe ba (luno) lwitanyino, na kukumbasha bioso abikyeb’eshimba dia buwa (bwe,) na mifubo ya lukumino na bukome’shi,

Bena Efisesa 4:17

Henyihaha nyi nguno wanyisamba na kulungula bu kamonyi mwi Nfumwetu’shi, bino-bino tanutambukanga bwa mutambukila Badjentaila mu binangu biabo bia bisumanga,

Bena Loma 12:1

Binyibiabia anwe bakwetu nenusendela ha lusa lw’Efile-Mukulu’shi, nulubule mbidi yenu bu mulambu autala, uhatulukye, autosh’eshimba di’Efile-Mukulu, wawa nyi mwanda awiuku mashimb’enu kukita.

Bena Kolose 2:6

Binyibiabia anka mwanubatambwidile Kidisitu Yesu Nfumwetu, tambukilai mwadi e,

I Petelo 3:9

Na kushī kwalula bibubi ku bibubi, ooo, sunga mulomo ku ungi mulomo; anka nwalushei mwabi; mwanda kwi yinyī’yo nyi kwanubaitanyinwe’shi, nuhyane mwabi.

Ii Bena Kodinda 6:1

Henyihaha atwe abafubā n’E hamune, tubenusendela’shi, tanutambulanga bu-muntu bw’Efile Mukulu bisumanga, ooo.

Ii Yoano 1:5

Binobino obe, Ndalamumba, nakusendela kushī bu mukufundjile mulangilo uhya, ooo, anka watubadi n’ao ku mbangilo’shi, twifulene kifulo.

I Petelo 5:10

Anka winyi Efile Mukulu sha bu-muntu boso, winyi e betwitanyine ku ntumbo ye ya ikala-ika kwi Kidisitu Yesu, hanukahu kufwambuka kihindji, enulombashe biya, na kwinukankamisha, na kwinunyisha, na kwinushadisha.

I Petelo 2:11

Anwe batomibwe kifulo nenusendela bianudi bu benyi na bu balukilo, nushila ku bia ngabiabi bia ku mbidi, abilwiyā ngoshi na kikudi;

Bena Bahebelu 13:21

enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena.

Bena Fidihai 3:14

Netakulā ku kitundwilo kia bwedi bwa lwitamino lwa’mwa mwiilu mw’Efile Mukulu mu Kidisitu Yesu.

Bena Efisesa 5:2

nutambukil’anka mu kifulo, bu mwitufudile Kidisitu kifulo, e namu betwihanyine tadi bu mulambu na bu kitahilo kw’Efile Mukulu kwikala bu mahembwe e mwenyi.

Bena Efisesa 4:4

Kwi mbidi yimunenka, na Kikudi-E-Selelee umune nyi anka mwanubetanyinwe mu lukululiilo lumune lwa lwitamino lwenu;

Bena Efisesa 3:1

Nyi mpa uno mwanda ami Paulu musungi wa Yesu Kidisitu kwi’nwe Badjentaila.

Bena Ngalatea 4:12

Bakwetu, nenusendela’nwe nwikalebū’mi; mwanda’mi nyi bianudi; tanwibankitshine mwanda, sunga mpahela.

Bena Bahebelu 3:1

Binyibiabia bakwetu bahatulwe-bekishila, bebungile n’etu ba lwitanyino lwa mwiilu, hangidishai Mutumibwa, Tshiitemwakwidi mukata a lukumino lwetu, ta ng’Yesu;

Ii Bena Kodinda 10:1

Biabia, ami Paulu na mwinyi, nenusendela ku kuhohela na kasendeleshi ka Kidisitu, biandji munkatshi mwenu nyi mwiheleshe, anka hakwikala shī kwanka nyi n’eshimba kwanudi:

Tetusa 2:10

kushī kwiiba, anka kulesha kushimata kulumbulukye koso’shi, balumbulushe lulambukisho lw’Efile Mukulu Muhashi etu mu bintu bioso.

Bena Kolose 4:12

Ehafalasa a kwa kwenu, e nyi mpika a Kidisitu e nwimuna, mafuku oso atuhwita bimoo kwinutekyela’shi, nwimane bakumbane mu bia bikyebe’shimba di’Efile Mukulu.

Ii Bena Kodinda 5:20

Biabia binobino twi bakwidi ba ha mwanda wa Kidisitu, anki bi hamune Efile Mukulu enusendela n’etu, (biabia) atwe atwinusendela bu bampyanyi ba Kidisitu’shi: Lombanai n’Efile Mukulu.

Bikitshino 9:31

Henyihaha bikoñeno bi’Efile moso mu Yudea na mu Ngadilea na mu Samadia, bibahohelele biya; babadi bakankamane; na ha kutambuka mu moo wa Nfumwetu na mu lusengyelo lwa Kikudi-E-Selelee, abafwimine na kufwima.

Bena Loma 11:29

Mwanda bia buntu bi’Efile-Mukulu tabialuluka, na kwitamina namu anka hamune.

Bena Efisesa 2:10

Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.