Bena Efisesa 2:2 - KILOMBENO KIHYA KIA NFUMWETU YESU KIDISITU

² nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;

Bena Efisesa 2:2 Referans Kwoze

Bena Efisesa 6:12

Mwanda kwishindena kwetu tankwa ku mbidi na mase, ooo, anka nkwa ku bakata be moo, na kwi basha matalwa, na kwi batontshi ba mufito wa hanohansenga, na kwi bikudi bibi bia mwiilu.

I Yoano 5:19

Atwiuku’shi, twi ba kw’Efile Mukulu, na biahanohansenga bioso mbilale mwi’wa mubi.

Bena Efisesa 2:3

nyi mwatubādi bekele namu, atwe boso kwibedi mu nyikashi ya ngabiābi yetu, nubadi anulondo mwamukyebelā bia mbidi, na bia binangu; tubadi ku butandjilo namu bana ba nsungu, hamune na bangi.

Yoano 12:31

Binobino nkitshibilo kia hano-ha-nsenga: binobino mwinyi nfumu a hano-ha-nsenga akabingwa.

Bena Efisesa 5:6

Tanudimbibwanga na muntu e na myanda ya bisumanga; nyi mpa mwanda wa yino myanda bukyelo bw’Efile Mukulu abufikā ha bana ba bashī na kukokyela.

Yoano 8:44

Anwe nwi ba diobola shyenu, na bia meso-atone a shyenu bwibatē mashimba enu kukita. Kumbangilo e badi mutahanyi, tamwikele mu biabinyibinyi, mwanda te na binyibinyi munda mwe. Hakula mwanda wa madimi, ākula mwanda wena mwinyi: mwandae mwina madimi, n’enshyao.

Bena Efisesa 4:22

nukashe nyikashi ya muntu a kala, nyi nginyangye muyile lwabi lwa kudimbana;

I Bena Kodinda 6:11

Anka biabia nyi bibadi bamo ba munkatshi mwenu, anka (bino) nwibasudibwe, nwibalamunwe-selelee, nwibabingishwe mwishina dia Nfumwetu Yesu, na kwi Kikudi-E-Selelee e Efile Mukulu etu.

Ii Bena Kodinda 4:4

mwabadi efile-a-bahanohansenga bēle mufito ku binangu bia’ba bashī bakumine, tala etata dia mukāndu-wibuwa wa ntumbo ya Kidisitu, E nyi nkyebukilo y’Efile Mukulu, diakebamunyika.

I Yoano 5:4

Mwanda kintu kioso kitandwe n’Efile Mukulu akikambilā bia hanohansenga, na kino nyi kiobesho akiobeshā bia bahanohansenga, nyi ndukuluhilo.

I Yoano 3:10

Nyi amu sokolwa bana b’Efile Mukulu na bana ba kafilefile: ese muntu shyakita kululama ta nga kw’Efile Mukulu, sunga ngiawa shī na mukwabo kifulo.

I Petelo 1:14

bu bana bakokyele bashyabehwandjikisha bu mwanubadi bekyele mu bia ngabiabi yenu ya kwibedi mu kuhatamina kwenu.

Kibafumulwe 20:2

E bakwete kinyoka, nyi ngwinyi nyoka a kala, nyi n’Kafilefile, Satana, bamwanyine bihwa kinunu kimune:

I Yoano 4:4

Anwe nwi b’Efile Mukulu, bakinga batomibwe kifulo, nubebikambile, mwanda yawa e munda mwenu ’mukile e hanohansenga bukata.

I Petelo 4:3

Mwanda akia kihindji kia kala kibakumbana kia kukitshisha bibakyebanga eshimba dia Badientaila, hatubatambukile mu bia mudioholo w’eshimba dibi, bia ngabiabi, na kukishekisha kwa kutoma nfinyo, na kubwelakana, na kwa bidibwa bia kukolwa, na kulangwila kwa ntankishi ashidikwe kishila.

Bena Kolose 1:21

Anwe kala nubadi batuhishene na kumushikwanyi mu binangu bienu ku bikitshino bi bubi, anka binobino e benulombasha,

Bena Ngalatea 1:4

winyi behene e na mwinyi ha mwanda wa milwisho yetu mwadia kwitumañunwīna ku ba hanohansenga bebubi, muyile eshimba di’Efile Mukulu Nshyetu:

Bena Loma 12:2

Ta nwikalanga kuhwandjikishwa na bahanohansenga; anka nwikale bālulukye ha kwisambula binangu bienu’shi, nutompe akikyeb’eshimba di’Efile-Mukulu, nyi kilumbulukye, kilubilwe, na bushima bwinyi.

Yakoba 4:4

Anwe bashudi ba kishila ki’ebambo tanwiuku’shi, bukūku na bia hanohansenga nyi nduhuna n’Efile Mukulu? biabia ese akekala bu kūku na bia hanohansenga e mushikwa n’Efile Mukulu.

I Bena Kodinda 5:10

Tankwamba’shi, bena kukyebana-kyebana ba hanohansenga, sunga mbasha malaka, sunga mbanyenanyi, sunga mbalangwidi ba mankishi; su mbiabia wanudi n’au ngwa kukatuka hano hansenga.

Bikitshino 5:3

Anka Petelo bakwile’ shi: A Ananaisa, a nkinji Satana bausha eshimba diobe kudimba Kikudi-E-Selelee, na kufia kingi kihindji kia mulo w’efuba?

Yoano 15:19

Su anwikalanga ba-hano-ha-nsenga, ba-hano-ha-nsenga abefulena ba na bene: anka ha mwanda’nwe tanwi ba-hano-ha-nsenga, anka’mi nenusangwile mu ba-ha-nsenga, binyibiabia ba-ha-nsenga abenushikwa.

Yoano 14:30

Bino takianyinulungula myanda yi bungi, ooo; mwanda sha matalwa a hano-ha-nsenga afiki, anka mwandji tamwikie, sunga kimune.

Ii Petelo 2:14

be na meso aule kukyebana, ashyaeuku kuleka bubi; abōngola bashī banyingye; be n’eshimba adiubila lwiso; nyi mbana bēdibwe muloa.

Yoano 16:11

Ha mwanda wa kutshiba kimu, mwanda nfumu a ha yino nsenga batshibilwe kimu.

Yoano 13:27

Habatambwile kihese Satana batwele munda mwe. Biabia Yesu bakwile’shi: Kiokyebe kukita, kitekio bukidi.

Yoano 13:2

Binyibiabia, habaditabadi biakudia, Satana bahwilekutwesha Yudasa Isakadiota a Shimono’shi, amusokole ku bangi.

Yoano 8:23

Binyibiabia, E bebalungwile’shi: Anwe nwi bamūshi; ami nyi a mwiilu: anwe nwi ba-hano-ha-nsenga; ami nki a hanoha-nsenga.

Yoano 7:7

Ba hano-ha-nsenga tabeuku kwikala nenu lukuna: anka be nami lukuna mwanda nebasokola’shi, fbikitshino bienu bibubi.

Mateo 13:38

Dinyi efuba nyi bahanohansenga; mbio yibuwa yi bana ba Bufumu, anka nkonongo nyi bana ba wawa mubi;

Kibafumulwe 13:8

Na boso babombele hanohansenga banakamulangwile, boso bashī na mashina’bo abafundjilwe mu mukanda wa muwa wa Mwan’a-Mukoko, mwihayibwe mpaa na ku mbangilo ya hanohansenga.

I Yoano 3:8

Yawa asolā mwanda nyia kafilefile; mwanda kafilefile alwishā mpaa na ku mbangilo. Nyi mpa uno mwanda habasokwelwe mwan’Efile mwabadia kulwishisha bikitshino bia kafilefile.

Yakoba 1:7

Mwanda yawa muntu tatentekyeshanga’shi: Nankatambula kintu kwi Nfumwetu, ooo.

Ii Temote 4:10

mwanda Demase, habatomo bia hanohansenga kifulo, bambomboka, bende ku Tesalonika. Kelesense (namu) nkwenda ku Ngalatea, Tetuse (namu) ku Ndalamatea.

Bikitshino 19:35

Henyihaha Mufundji-a-bimu bia kibalo, habauminyishe kibumbu, bambile’shi: Anwe bena Efesesa, a muntu kinyi shī euku’shi, kibalo kia Bena Efesesa ki mulami a ntempelo ya Daiana efilemukashi mukata, na a akia kibahone ku Yupita?

Luka 22:31

Binyibiabia Nfumwetu bakwile’shi: Shimona! Shimona! tala Satana bakamikile kukukwata mwadia kukuhehwila bu ngano.

Luka 16:8

Biabia nfumu’e bēleshe yawa mendaku mwiilu mwanda wa nangunangu ye; mwanda bana ba kino kihungilo, mu kihungilo kiabo mbakile bana b’etata na nangunangu.

Mateo 11:19

Mwan’a Muntu bafikile, badianga, batomanga, n’abo’shi: Tala! muntu e na mudioholo, na mutomi a malofu, kūku a basangishi-ba-milambu, na basodi ba myanda. Anka binangu bibabingishwa kwi bana babo.

Kibafumulwe 16:17

A musambobidi bahongolwele kihulu kie ha luwa kubatukile mu ntempelo eyi dikata ku luhun’a nsulu’shi: Takuhwanga;

Kibafumulwe 13:14

Aongolā’ba babombele ha nsenga, ha mwanda wa bilengyeleshi bibamuhelwe kukita ku meso kwa nyama-e-bukyelo; ākula kwi’ba babombele ha nsenga’shi: Nafushe kihwandjikisho kia nyamae-bukyelo, winyi badi mutahibwe na luhete-lwa-ngoshi, anka bamwene muwa.

Kibafumulwe 12:9

Henyihaha kinyoka kikata basumbwilwe hashi, yawa nyoka a kala, batemwinwe bu Kafilefile, na bu Satana, winyi mōngodi a bahanohansenga boso; basumbwilwe hashi ha nsenga, bamwikeilu be namu abasumbwilwe n’e.

Mateo 13:22

E namu batambwile mbio munkatshi mwa milobo, nyi e bahushishe Mwanda, anka binyengo bia hanohansenga, na kōngolwa kwa mono, akwinyengyela Mwanda, n’e akutshikwa kuha bikuba.

Mako 4:19

Anka binango bia myanda bia hanohansenga, na kudimbwa kwa mono, na kwabila kwa bingi bintu abitwela mwanka, abifinena mu uno mwanda, nyi haubakutshilwe kuha bikuba.

Bena Efisesa 1:21

kula kwa nundu kwa bumankinda boso, na matalwa na ntshitshiba, na butontshi, na mashina oso akutemunwa temunwa, kushī anka ha yino nsenga, ooo, ñanka nantu na mu yinyi yanakafikye;

Bena Efisesa 2:11

Binyibiabia nangushenaī, kalakala anwe nubadi Badjentaila mu mbidi, abatemunwanga bu bashī basalwe kwi baba abatemunwanga bu basalwe ba ku mbidi kukitshibwe ku maasa’shi:

Bena Efisesa 2:13

Anka binobino mu Kidisitu Yesu, anwe nubadi kulakula kwibedi, nwibafishibwe hehi, ku mase a Kidisitu.

Bena Efisesa 4:17

Henyihaha nyi nguno wanyisamba na kulungula bu kamonyi mwi Nfumwetu’shi, bino-bino tanutambukanga bwa mutambukila Badjentaila mu binangu biabo bia bisumanga,

Bena Efisesa 5:8

Mwanda’nwe kalakala nubadi mufito, ankā binobino nwitata mwi Nfumwetu: tambukai bu bana b’etata:

Yakoba 1:27

Bwin’Efile bwi selelee na bushī kushūlwa kishila ku mpala kw’Efile Mukulu Yaiya nyi mbuno: Kutembela bana-ba-nshiye na bakashi-ba-bafwe mu bishiotshi biabo na kwilama e na mwinyi kushī n’ebashi dia bubi dia hanohansenga.