Bena Efisesa 2:10 - KILOMBENO KIHYA KIA NFUMWETU YESU KIDISITU

¹⁰ Mwanda’twe twi bifubwanga, bihangibwe mu Kidisitu Yesu ku bikitshino bilumbulukye bibalumbulwile Efile Mukulu kwibedi’shi, tutambukile mwanka.

Bena Efisesa 2:10 Referans Kwoze

Bena Fidihai 2:13

Mwanda nyi Efile Mukulu anyishā munda mwenu bianudia kukyeba’o na kukita abikyebe eshimba die dibuwa.

Bena Kolose 1:10

na kutambuka muhwandjikile Nfumwetu mpaa na kusehela koso kw’eshimba, bianudia kuha bikuba bia mu mifubo yoso yilumbulukye, na kwenda akukulanga mpaa na ku kushingula koso kw’Efile Mukulu;

Bena Bahebelu 13:21

enukumbashe mu myanda yoso yibuwa ya kukita amukyebela eshimba die, na kukita mwanudi’nwe akia kia kusangulusha meso e, mu Yesu Kidisitu; kwadi e, nyi kwa kwikala ntumbo ya ikala-ika. Amena.

Ii Bena Kodinda 5:17

Binyibiabia su (muntu) e mu Kidisitu, su nanyi su nanyi, e nkihangwe kihya; bintu bia kala bibakididile; talai, bintu bioso bibāluluka tabidi bihya.

Ii Bena Kodinda 9:8

Efile Mukulu namu euku kufwimisha bu-muntu boso kwikala mafuku oso balombanyinyine boso, mu bintu bioso, kwanudī’shi, anwe, ha nufwime ku mifubo yoso yibuwa,

Bena Efisesa 4:24

nufwale namu winyi muntu muhya muhangibwe mwikēle Efile Mukulu mu kuluama kw’eshimba na buhatulwe-bwi-kishila bwa binyibinyi.

Bena Fidihai 1:6

Nyi musumine ha uno mwanda, ami’shi, yawa babangile mufubo wibuwa mwanudi akeukumbasha mpaa na kwifuku dia Yesu Kidisitu.

Ii Temote 3:17

muntu Efile Mukulu ekale mukumbane, mulumbuludile ku mifubo yoso yilumbulukye.

Bena Efisesa 4:1

Henyihaha ami musungi wa Nfumwetu, nenusendela’mi’shi, nutambukye bihwandjikile lwinyi lwitamino lwanubetanyinwe n’alo;

Ii Temote 2:21

Twambengye su nanyi su nanyi akētosha selelee ku bino, akekala bu kintu kineme, mulamunwe-selelee na mulombene kukitshibwa kwi Nfumu, mulumbulwe ku mifubo yoso yilumbulukye.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Bena Efisesa 1:4

Anka mubetusangwidile mwadi e kwibedi kwa kibangilo kia hanohansenga, mwatudia kwikela balamunwe-bakishila na kushi matohe ku mpala kwe mu kifulo.

I Temote 6:18

bakite bibuwa, bekale bampeta mu bikitshino bilumbulukye, bemēne mu kwabila na mu kukwashia (bakwabo).

Tetusa 3:14

na (bantu) betu namu bāmbule mwa kwikela na bikitshino bilumbulukye mwa kumwena bioso biabadi n’abio lukalo, tala bakekala bu ba bisumanga.

Bena Bahebelu 10:24

Twitentekeshenei ku muntu ku muntu kwibembena ku kifulo na bikitshino bilumbulukye.

Tetusa 3:8

(Uno) Mwanda ngwa binyibinyi, na yino myanda (namu) nankyebe’shi, okankamane na’yo bikata’shi, baba abakuminyine mw’Efile Mukulu, beshinkye kukishakisha mu bikitshino bilumbulukye. Yino myanda ngilumbulukye, na bia kumwena kwi bantu.

Bena Kolose 3:10

nubahu namu kufwala (muntu) muhya, winyi musangudibwe muhya mu kiukilo kikumbane mwiyile kihwandjikisho ki’awa bamuhangile:

Tetusa 2:7

Mu bintu bioso weleshe bu kiliwandjikisho kia bikitshino bilumbulukye; mu lulambukisho (mwikale) mushī mufundakane, wedingye;

I Bena Kodinda 3:9

Mwanda atwe twi bafubi hamune n’Efile Mukulu; anwe nwifuba dibundwe di’Efile Mukulu, (nwi) kibakibwe ki’Efile Mukulu.

I Petelo 2:12

nyikashi yenu yikale yilombashene munkatshi mwa Badjentaila’shi, sunga abenwakulā bu bakitshi ba bibubi, (biabla) ha mwanda wa bikitshino bienu bibuwa biabamono, abakatumbish’Efile Mukulu mwifuku dia (kutengyela kwa) kuhosodibwa.

Tetusa 3:1

Webatentekyeshanga kukokyela babikale, na basha matalwa; bakokyele na kutula mashimba ku mifubo yoso yilumbulukye;

I Yoano 2:6

Yawa akula’shi: Nyi mubombele mwadi, e na mwinyi namu wadi n’ao ngwa kukit’amukitshin’e.

Mateo 5:16

Etata dienu dikale kumunyika biabia ku mpala kwa bantu’shi, bamone bikitshino bienu bibuwa, batumbishe namu Shyenu E Mwiilu.

Yoano 3:21

Anka yawa akitshi biabinyibinyi eshesha’nka kwitata’shi, bikinotshi bie bimwekyelele’shi, mbikitshibwe mw’Efile Mukulu.

Ii Bena Tesalonika 2:17

enusengyela ’mashimb’enu, na kwinukamisha mu mayi oso, na mu mifubo yoso bibuwa.

Bena Loma 8:29

Mwanda bantu bababangile kwiuka kwibedi, e namu bebasangwile kwibedi mwa kwibalombasha bu kihwandjikisho kia Mwan’e, biadi akwikala bu mwan’a mbedi munkatshi mwa bakwabo be bungi.

Bikitshino 9:31

Henyihaha bikoñeno bi’Efile moso mu Yudea na mu Ngadilea na mu Samadia, bibahohelele biya; babadi bakankamane; na ha kutambuka mu moo wa Nfumwetu na mu lusengyelo lwa Kikudi-E-Selelee, abafwimine na kufwima.

Ii Bena Kodinda 5:5

Winyi betuhangile ha mwanda wa kino kintu nyi Efile Mukulu, e winyi namu betuhele kiē nyi Kikudi-E-Selelee.

I Temote 5:25

Anka hamune namu bikitshino bibuwa abifumbulwa kwibedi; na yaya yishī biabia tayiuku kufibwa.

I Temote 2:10

anka na bikitshino bibuwa (bekal’anka bu bana bakashi balombene bu abatemunwa bu b’Efile Mukulu).

I Temote 5:10

mutumbishibwe ku bikitshino bilumbulukye; muhwe kukusha bana, na kulela benyi, na kutumpa ngwa ya balumunwe-bakishila, na kukwashia basha bishiotshi na kusasakata mu mifubo yoso yilumbulukye.

I Yoano 1:7

anka su atutambuka mwitata, mwadi mwikele mwitata, twi na kilombeno muntu na mukwabo, na mase a Yesu Mwan’e aetutosha ku milwisho yoso.

Bikitshino 9:36

Binyibiabia mu Yoha mubadi mulondji eshina die bu Tabita, kuhatula kwa’dio nyi Dokasa. Uno mwana mukashi badi mukambe na bikitshino bibuwa na kuhana kwa buntu.

Bena Ngalatea 6:15

Mwanda mu Kidisitu Yesu sunga kisale, sunga nkukutwa kisale tabikitshi kintu, ñanka kihangibwa kihya.

Bena Loma 8:1

Binyibiabia hano’nyi ta kukī kuhīshwa kwa’aba be mu Kidisitu Yesu, abende mushī mulombene mbidi anka mulombene Kikudi-E-Selelee.

Bena Efisesa 2:2

nyi mwanubatambukilanga kwibedi, bu amuyilā bahanohansenga, muyile mutontshi sha matalwa a luwa, kinyi kikudi akifubā mu bana bashībakokyele;

Bena Efisesa 1:1

Paulu mutuinibwa a Yesu Kidisitu mwamukyebel’eshimba di’Efile Mukulu, kwi balamunwe-bakishila be mu Efisesa, na kwi bashimate mu Kidisitu Yesu:

Bena Efisesa 2:6

betubushishe hamune na kwitushadika hamune n’e amwa mwiilu mu Kidisitu Yesu’shi:

Bena Efisesa 2:13

Anka binobino mu Kidisitu Yesu, anwe nubadi kulakula kwibedi, nwibafishibwe hehi, ku mase a Kidisitu.

Bena Efisesa 2:15

bashimangishe mu mbidi ye kilamunusheno, nyi mukanda-wa-bishila wa milangilo, ahangūle babidi bekale bu muntu umune muhya, mwadi e na mwinyi ebalombashe anka hamune.