Bena Efisesa 1:7 - KILOMBENO KIHYA KIA NFUMWETU YESU KIDISITU

⁷ Mwadi e twi na kikūdilo ha mase e, nyi lulekyelo lwa milwisho mulombene buheta bwa bu-muntu bwe;

Bena Efisesa 1:7 Referans Kwoze

I Petelo 2:24

e na mwinyi batwadile milwisho yetu mu mbidi ye ha mutshi’shi, mwanda’twe twi bafwe ku milwisho, twikale abatala mpaa na ku kululama; ku mikofu ye nyi kwa tubahandjīle.

Bena Loma 3:24

ha kubingishibwa kushī nsambu, ku buntu bwe bwa mu kikudilo kia mu Kidisitu Yesu.

Bena Kolose 1:14

Mwadi e nyi mwatubamwena kikudilo, ta nkulekyelwa kwa milwisho,

Bena Bahebelu 9:22

Mwiyile mukandawa-bishila hehi bintu bioso abitoshwa ku mase; na hashī kusololoka kwa mase takwi kulekyelwa kwa myanda.

Mateo 26:28

Mwanda ano nyi mase ande a kilombeno kihya, āsumbukila bebungi, mwanda wa kulekyelwa kwa milwisho.

Kibafumulwe 5:9

Abo abadi abayimbi lono luhya’shi: Obe ’muhwandjikile kuata mukanda, na kulamuna biukilo biao; mwanda boyihayibwe, bwetukudile kw’Efile Mukulu ku mase obe, mu bisaka bioso, na mu ndjimi yoso, na mu bantu boso, na mu milo yoso;

I Yoano 2:12

Nenufundjila bana bande batomibwe kifulo, mwanda milwisho (yenu) yibenulekyelwa ha mwanda w’eshina die.

Bena Fidihai 4:19

Anka Efile Mukulu ande akenuha bioso bia nwi n’abio lukalo, mulombene buheta bwe bwa ntumbo mu Kidisitu Yesu.

Bena Efisesa 2:7

Mu bihindji bianakafikye akaleshe buheta bukilekile bwa bu-muntu bwe mu kalolo ke’ kwatudi’twe mu Kidisitu Yesu.

I Bena Kodinda 1:30

Anka kwadi e nyi kwanudi mu Kidisitu Yesu, betwialulwidile bu binangu, na kululama kwi’shimba, na kulamunwa-kwi-selelee, na kikudilo’shi,

Bena Efisesa 3:16

ami’shi, enuhe, muyile buheta bwa ntumbo ye, kwikala banyishibwe na ntshitshiba mu muntu e munda kwi Kikudi (E-Selelee) e;

Ii Bena Kodinda 8:9

Mwanda anwiuku bumuntu bwa Nfumwetu Yesu Kidisitu’shi, sunga badi mpeta, bealulwile bu mulanda ha mwanda wenu’shi, anwe mu bulanda bwe nwikale bampeta.

Bena Loma 2:4

Su ofutala nāmu buheta bwa bumuntu bwe, na kuhuāanya kwe, na kutula kw’eshimba die, na kushī kwiuka’shi, bumuntu bw’Efile-Mukulubwi mwanda wa kukukunkusha ku lwilango lw’eshimba su?

I Yoano 2:2

Anka’nyi su (muntu) alishwa, twi na Musangi a kwi Yaiya, nyi Yesu Kidisitu mululame; e nyi kilombeno kia milwisho yetu; ta ñanka kia yetu buhenka ooo, anka nkia bahanohansenga boso.

Tetusa 2:14

Betwihanyine e na mwinyi mwadia kwitukūdila ku bubi boso, na kutosha (atwe) bantu tatudi b’e kwadi e na mwinyi, ba kinsukunsuku kia bikitshino bilumbulukye.

Bikitshino 2:38

Binyibiabia Petelo bebālulwile’shi: Elangei ’māshimba, nubatshishibwe boso bwenu mwishina dia Yesu Kidisitu, mwanda wa kulekyelwa kwa milwisho, biabia anukatambula buntu bwa Kikudi-E-Selelee.

Mateo 20:28

Mwanda Mwan’a Muntu tamufwile kufubilwa ooo; anka kwibafubila, na kuhana muwa w’e bu nkūlo ya be bungi.

I Yoano 4:10

Nyi muno mwikele kifulo, kushī kwamba’shi, tubadi n’Efile Mukulu kifulo, ooo, ank’e betufūle kifulo, batumine Mwan’e (kwikala bu kilombeno kia milwisho yetu.)

Bikitshino 20:28

Biabia dimukai anwe bana bene, na lombe losonamu, hanundu halo Kikudi-E-Selelee benutudile bu balami’shi: Nudishe kikoñeno ki’Efile kibaūle na mase e.

I Petelo 3:18

Mwanda Kidisitu bafwambukile mususa umunenka ha mwanda wa milwisho, e mululame ha mwanda wa bashībalulame’shi, biadia kwitukunkusha kw’Efile Mukulu, baihailwe ku mbidi, anka basangwilwe na muwa kwi Kikudi;

Bena Efisesa 3:8

Kwandji’mi mukilekile buhela a mu balamunwebakishila boso, nyi kubahebwa buno bu-muntu’shi, alungule munkatshi mwa Badjentaila bulieta bwa Kidisitu bushyabumono mwa kulondolwela.

Bikitshino 10:43

Batemuki boso abamwisambilanga anka e bu tumonyi’shi, ese akakumina mwadi e, akatambula kulekyelwa kwa milwisho mwishina die.

Yoano 20:23

Kwi ese su nanyi su nanyi anulekyela milwisho, ayibebalekyelwa, na kwi ese, su nanyi su nanyi nushīa lekyela, milwisho nyo yishlayilekyelwa.

Mako 14:24

Biabia bebalungwile’shi: Ano nyi mase ande a mu kilombeno kihia, akasumbukila be bungi.

Tetusa 3:6

betuhongolwedile bibungi mu Yesu Kidisitu Muhashi etu’shi,

I Temote 2:6

E behanyin’e na mwinyi ta nkikulo kia boso, kia kulungulwa ha bihindji bia’bio bi na mwinyi bilombane.

Bena Kolose 2:13

Anwe namu bianwibekule mu milwisho na kushīkusalwa kwa mbidi (yenu,) e benusangwile hamune n’ē, bahwile (namu) kwinulekyela kusola kwa myanda koso.

Bena Kolose 2:2

ami’shi, mashimb’abo asengibwe, na kwiluñena hamune mu kifulo, mpaa na ku mono yoso ya lushingulwilo lukumbane lwa nangunangu, mpaa na ku kiukilo kikumbane kia kifībwe ki’Efile-Mukulu, na kia Yaiya na Kidisitu.

Bena Kolose 1:27

Kwabadi’bo nkubatokyel’eshimba di’Efile Mukulu kwiukisha’kio ki buheta bwa ntumbo bwa kino kifībwe munkatshi mwa Badjentaila, nyi Kidisitu mwi’nwe, lwinyi lutengyelo lwa ntumbo.

Bena Efisesa 2:4

Anka Efile Mukulu e na buheta mu lusa, ha mwanda wa kifulo kie kikata ki moo, kiabetufūle n’akio,

Bena Loma 9:23

Biadia kwiukisha ntumbo ye yikambe ha bia bibumbwe bia lusa, bibalumbulwile kala ku ntumbo;

Bikitshino 3:19

Binyibiabia nwilangei ’mashimba, nwikale bālulwe’shi, milwisho yenu yishimangishwe, biabia akukafiki kwi Yehowa bihindji bia kukankamana kwishimba.

Luka 24:47

Eshi, kwilanga kwishimba na kushimangishwa kwa milwisho kwikale akulungulwa mwishina die munkatshi mwa mīlo yoso, kubangila ku Yelusalema.

Luka 1:77

Kuha bantu b’e kiukilo kia kihandjilo mu kulekyelwa kwa myanda yabo.

Kibafumulwe 14:4

Bano nyi mbaba tambalwishwe na bana-bakashi, mwanda’bo ntumame. Bano nyi mbaba abalondo Mwan’a-Mukoko kosokwēnde. Bano abakūlwe munkatshi mwa bantu; (nyi) mbikuba bia kwibedi bia kw’Efile Mukulu na kwi Mwan’a-Mukoko.

Bena Efisesa 1:6

mpaa na kutumbisha kwa ntumbo ya bumuntu bwe, mwabetukuminyinyine mu batomibwe kifulo,

Mateo 6:12

Etulekyele kusola kwa myanda yetu bu mwatubalekyela be n’etu kusola kwa myanda.

Bena Loma 3:25

Winyi batudibwe kwifile-Mukulu bu mulambu wa kubwikila bubi (ba bantu,) wa mu tukumino mu mase e, mwaleshesha kululama kwe ha mwanda wa kulekyelwa kwa milwisho yibakitshinwe kala, mu kuhuñanya kw’Efīle-Mukulu;

Bena Efisesa 1:8

mwabetufwiminyine kwatudi mu binangu na kwitonga bioso.

Bena Efisesa 1:14

e winyi nyi nkyee kia buhyanyi bwetu mpaa na ku kukulwa kwa kiēkiē kiudibwe, mpaa na ku kutumbisha kwa ntumbo ye.

Bena Efisesa 1:18

(eshi,) mesoabinangu bienu abulukye, nwiukye muyile kutengyela kwa lwitamino lwe, na muyile buheta bwa ntumbo bwa buhyanyi bwe mu balamunwe-bakishila,