Bena Efisesa 1:5 - KILOMBENO KIHYA KIA NFUMWETU YESU KIDISITU

⁵ Bafunyine kwibedi’shi, tukekale mu buana bwa bana (be) mu Yesu Kidisitu kwadi e na mwinyi, muyile amukyebela eshimba die dibuwa bukalabale,

Bena Efisesa 1:5 Referans Kwoze

Bena Efisesa 1:11

Mwadi e namu nyi mwatubatambula buhyanyi, hakufuna (kala) mulombene eshimba di’awa akitshina bintu bioso muyile binangu bia mukyebela eshimba di’e’shi,

I Yoano 3:1

Talangai mwiyile kihaso kia kifulo kibetuhele Yaiya’shi, tutemunwe bu bana b’Efile Mukulu, biabia bahanohensenga tabetwiuku, mwanda tababadi bamwiukye.

Yoano 1:12

Anka muhunda baba abamutambwile, nyi badi muhe matalwa a kwikala bu bana b’Efile Mukulu, nyi kwi baba abakumina mwishina die.

Bena Loma 8:23

Ta ñanka’bio buhenka, ooo, anka n’atwe boso hamune, be na bia kwibedi bikuba bia Kikudi-E-Selelee, n’atwe bana bene atukumbā munda mwetu hakutengyela kuhebwa buana’shi, takikudilo kwa mbidi yetu.

Bena Ngalatea 3:26

Mwand’anwe boso nwi bana b’Efile Mukulu ku lukuluhilo mu Kidisitu Yesu.

Ii Bena Kodinda 6:18

Nankekala bu Nshenu kwanudi, n’anwe namu anukekala bu bana bande balume, na bu bana bande bakashi, nyi mubakwidile Yehowa a bukome boso.

Kibafumulwe 21:7

Yawa akambila anakahyane bino bintu, n’ami nankekala kwadi bw’Efile Mukulu e, e namu akekala kwandji’mi bu ande mwana.

Bena Efisesa 1:9

Hakwitwiukishā’twe kifībwe kia mukyebel’eshimba die, mulombene eshimba die dibuwa bukalabale dibafunyine ntwadi e na mwinyi,

Yoano 11:52

Tañanka wa uno mwilo umune’nka’anke’shi; akafumankasha namu bana b’Efile Mukulu būmune, abadi abahalakene kungi kungi.

Ii Bena Tesalonika 1:11

Nyi ha mwanda watwinutekyela mafuku oso’shi: Efile Mukulu etu enutemune bu balombashwe ba (luno) lwitanyino, na kukumbasha bioso abikyeb’eshimba dia buwa (bwe,) na mifubo ya lukumino na bukome’shi,

Luka 10:21

Ha yawa nguba Yesu basehelele mu Kikudi (E-Selelee,) bakwile’shi: Nakutumbul’obe Yaiya a mwiilu nahashi, mwanda bofīle yino myanda kwi basha binangu na bahatulukye, bweyisokwela bana bakinga: Ee! Yaiya, mwanda biabia nyi mwiyile diobe eshimba dibuwa.

I Bena Kodinda 1:21

Mwanda mwiyile kalolo k’Efile Mukulu, bahanohansenga tambeukye Efile Mukulu ku binangu, ooo, (biabia) Efile Mukulu bamwene buwa kuhashā’bo abakumina, ku bulotakane bwa bulungudi bw’Efile.

Yoano 20:17

Yesu bamwambile’shi: Tonkumanga, Mwanda nkimubandjile kukaminwa mwiilu kwa Shami: anka nda kwi bakwetu bande na kwibalungula’shi: Ami nakamina mwiilu kwi Shami, na Shyenu, kw’Efile Mukulu ande, n’Efile Mukulu enu.

Mateo 11:26

Ee! anka biabia Yaiya, au mwanda ubekala wibuwa ku mpala kobe.

Luka 11:32

Bena Ninefa abakebō ku kimu na kino kihungilo, abakekihisha mwanda abelangile ku bulungudi bwa Yonasa; biabia talangai, mukile Yonasa bukata e hano.

Bena Fidihai 2:13

Mwanda nyi Efile Mukulu anyishā munda mwenu bianudia kukyeba’o na kukita abikyebe eshimba die dibuwa.

I Bena Kodinda 1:1

Paulu mwitanyinwe bu mutumibwa a Yesu Kidisitu, bu amukyebela eshimba di’Efile Mukulu, na Sosetene mukwetu mu Kidisitu,

Mateo 1:25

E tafikile hehi kwiukene, bu mukashi na bu mulume, mpaa na habatandjile mwana mulume. Bamūdikile n’eshina die bu Yesu.

Luka 12:32

Tanutshinanga’nwe lombe luhela, mwanda Nshyenu nyi mutokye mwishimba die kwinuha bufumu.

Bikitshino 13:48

Badjentailalia bahushishe biabia abasehelele, tabatumbisha Mwanda wa Nfumwetu; na boso abadi basangwilwe ku mona muwa wa ikala-ika abakuminyine.

Bena Kolose 1:19

Mwanda ubatosheshe Yaiya mwishimba’shi biushibwe bioso bikale mwadi e;

Bena Bahebelu 2:4

Efile Mukulu namu akuīā n’abo bu kamonyi; ku bitundwilo, na ku biakukanya, na ku bikitshino bi bukoho bi bihaso na bihaso, na ku miabilo ya Kikudi-E-Selelee, mulombene eshimba die.