ରୋମିୟ 8:37 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

³⁷ ଏନ୍‌ ମାଙ୍ଗିଁ ଜିବନ୍‍ନୋନାନ୍‍, ୱାନି ସାକାଦାନ୍‍ ମାପ୍‌ ଇୟାୱିଜୁ ମୁସ୍‌କୁ ଜିଣାତାମାନାପ୍‍ ।

Konda: కొండ బాసదు నెగ్గి కబ్రు

³⁷ యాకెఙ్‌ విజు జర్గితిఙ్‌బా మాటు క్రీస్తు ప్రేమదాన్‌ విజు వనకాఙ్‌ ముస్కు గొప్పఙ గెలిసినాట్.

ରୋମିୟ 8:37 Referans Kwoze

1కొరింతి 15:57

ମାତର୍‌ ଆମା ମାପୁରୁ ମା ପ୍ରବୁ ଜିସୁ କ୍ରିସ୍ତଦି ମାଣ୍‌କୁ ମାଙ୍ଗିଁ ଜିଣା କିତାମାନାନ୍‌, ୱାନିଙ୍ଗ୍‌ ଦନ୍ୟବାଦ୍‌ ଆପିତ୍‌ ।

୧ ଜୋହନ 4:4

ଏ କଡ଼ର୍‌, ମିରୁ ମାପୁରୁଦିମାଣୁକୁ ଜନମ୍‌, ମାରି ମିରୁ ଆୟା ବଣ୍ତ୍‌ ବାବବାଦିରିଙ୍ଗ୍‌ ଆରାକିତିମାନିଦେର୍‌, ଇରିଙ୍ଗ୍‌ ମି ଜିବନ୍‌ତୁ ବାସାତି ମାନି ମାପୁରୁଦି ଆତ୍ମା, ଜଗତ୍‌ଦି ଲୋକା ଆତ୍ମାଆଙ୍ଗ୍‌ ମାଣୁକୁ ନାଣ୍ତ୍‌ ସାକ୍ତି ।

2కొరింతి 2:14

ମାପୁରୁଦି ଦନ୍ୟବାଦ୍‌ ଆପିତ୍‌ । ଇରିଙ୍ଗ୍‌ ୱାନ୍‌ ଜିସୁ କ୍ରିସ୍ତଦିମାଣୁକୁ ୱିଜୁଦିନ୍ ମାଙ୍ଗିଁ ଜିଣାନି ସାରିଦୁ ଆଗ୍‍ଡ଼ି ଅନାନ୍ । ମାରି ବାସ୍‌ନା ଦୁପୁଣି ୱିଜୁତରିନ୍‌ ୱେଙ୍ଗିଁତି ୱାଜା କ୍ରିସ୍ତଦି ବୁଦି ଆଇୱାରିଙ୍ଗ୍‌ ସିନିଉଣ୍ତିଙ୍ଗ୍ ମାପୁରୁ ମାଙ୍ଗିଁ ବ୍ୟବହାର୍‌ କିତାମାନାନ୍ ।

ప్రకటన 21:7

ଏନ୍‌ ଜିଣାଜି ତେବାନାନ୍‌, ନାନ୍‌ ୱାନିଙ୍ଗ୍‌ ଇୟା ପୁରସ୍କାର୍‍ ସିନା ନାନ୍‌ ୱାନି ମାପୁରୁ ଆନା ମାରି ୱାନ୍‌ ନା ମାରିନ୍‌ ଆନାନ୍‌ ।

ప్రకటన 12:11

ମେଷସାବକଦି ନେତେର୍‌ତି ସାକ୍ତିଦାନ୍ ମାରି ୱାର୍‌ ସାକ୍ୟ ୱେରିସିମାନି ସତ୍ ବିସୟ୍‌ ଉଣ୍ତିଙ୍ଗ୍‌ ଜିବନ୍‌ସିଦେଙ୍ଗ୍ ତିଆର୍‍ ଆତିମାନିଙ୍ଗ୍‌ ମା ତଡ଼ାନ୍‌କୁ ନି ତାଙ୍ଗିଁକି ଜିଣାତାମାନାର୍ ।

ଜିହୁଦା 1:24

ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌,

ଗାଲାତିୟ 2:20

ଆଦେଙ୍ଗ୍‌ ଇଲେଇ ସତ୍‌ତାନ୍‍ ନାନୁ ମାରି ଜିଏ, ନା ବାନୁ କ୍ରିସ୍ତ ଜିବନ୍‌ ମାନାନ୍‌ । ନାନୁ ଇଲେଇ ଆମା ଜିଜି ମାଡ଼ିଜିନା, ଆକା କେବଲ ମାପୁରୁଦି ମାରିନ୍‌ତି ମୁସ୍‍କୁ ନା ବିସ୍‍ବାସ୍‍ତାନ୍ ଆତାମାନାତ୍‍, ଏନ୍‍ ନାଙ୍ଗିଁ ଜିବନ୍‌ନୋଜି ନା ଉଣ୍ତିଙ୍ଗ୍‍ଁ ୱାନି ଜିବନ୍‌ ସିତାମାନାନ୍‌ ।

2కొరింతి 12:9

ମାତର୍‌ ୱାନ୍‌ ନାଙ୍ଗି ଇର୍ହାନ୍‌, “ନା ଦୟା ନି ଉଣ୍ତିଙ୍ଗ୍‌ ନାଣ୍ତ, ନିନୁ ସାକ୍ତିସିଲିୱାଲେ ନା ସାକ୍ତି ପୁରା ଦାନ୍‍ ତରାୟ୍‍ ଆନାତ୍‌ ।” ଆଦେଙ୍ଗ୍‌ କ୍ରିସ୍ତଦି ସାକ୍ତି ନା ମାନୁ ବାସାନି ଉଣ୍ତିଙ୍ଗ୍‌ ନାନୁ ନା ସାକ୍ତିସିଲି ଉଣ୍ତିଙ୍ଗ୍‌ ନାଣ୍ତ ଗର୍ବ କିନା ମାରି ୱେଡ଼ିକା ଆନା ।

ప్రకటన 17:14

ୱାର୍‌ ମେଷସାବକଦି ବିରୁଦ୍‌ତାନ୍ ଜୁଦ୍‍ କିନାର୍; ମାତର୍‌ ମେଷସାବକ ୱାନି କୁକାୟ୍‌ଆତାମାନା, ବାସେଆତାମାନା, ବୁଲାନିକାର୍ ମାରି ବିସ୍‌ବାସ୍‌ତି ଲୋକା ସାହାଜ୍ୟଦାନ୍ ୱାରିଙ୍ଗ୍‌ ଆରାକିନାର୍ । ଇରିଙ୍ଗ୍‌ ୱାନ୍‌ ପ୍ରବୁରି ପ୍ରବୁ ମାରି ରାଜାରି ରାଜା ।”

ଏପିସିୟ 5:2

କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।

୧ ଜୋହନ 4:19

ମାଡୁ ଜିବନ୍‌ନୋନିକା ଅଜାତାମାନାପ୍‌, ଇରିଙ୍ଗ୍‌ ମାପୁରୁ ନେ ଆଗ୍‌ଡ଼ି ମାଙ୍ଗିଁ ଜିବନ୍‌ନୋତା ମାନାନ୍‌ ।

యోహాను 16:33

ମିର୍‌ ଏଣ୍ତେସ୍‌ ନା ୱାଲେ ମାନ୍‌ଞ୍ଜି ସାନ୍ତି ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ନାନ୍ ମିଙ୍ଗିଁ ଇୟାୱିଜୁ ବିସୟ୍‌ ୱେର୍‌ତାମାନା । ଜଗତ୍‌ଦୁ ମି ଉଣ୍ତିଙ୍ଗ୍‌ କାସ୍ଟୁ ମାନାତ୍‌, ମାତର୍‌ ସାସ୍‌ ଆସ୍‌ତୁ, ନାନ୍ ଜଗତ୍‌ତିଙ୍ଗ୍‌ ଜିଣାକିତାମାନା ।

ప్రకటన 1:5

ମାରି ସାତିୱାରି ମାଣୁକୁ ଆଗ୍‌ଡ଼ି ନିଙ୍ଗିଁନିକା, ବିସ୍‌ବାସ୍‌ତି ସାକି ମାରି ଦୁନିଆ ରାଜାଦିରାଜା ଜିସୁ କ୍ରିସ୍ତଦି ଦୟା ମାରି ସାନ୍ତି ମି ମୁସୁକୁ ରାପିତ୍ । ୱାନ୍‌ ମାଙ୍ଗିଁ ଜିବନ୍‌ନୋନାନ୍‌ ମାରି ୱାନି ସାତି ମାଣୁକୁ ମାଙ୍ଗିଁ ପାପ୍‌ତାନ୍‌ ରକ୍ଷା କିତାମାନ୍ ।

1కొరింతి 15:54

ଆର୍‌ତିଙ୍ଗ୍‌ ଇୟା ସାତି ମେନ୍ଧଲ୍‍ ଜିନିକା ପୟ୍‌ତିଙ୍ଗ୍‌, ଦର୍ମସାସ୍ତ୍ରଦି ଇୟା ବାକ୍ୟ ପୁରା ଆନାତ୍‌ : “ଜିଣାନିକା ସାନିତାନିଙ୍ଗ୍‌ ଆରାକିତାମାନାତ୍‌ ।”

2దెస్స 2:16

ମା ପ୍ରବୁ ଜିସୁ କ୍ରିସ୍ତ ନିଜେ ମାରି ମା ଆମା ବୁବା ମାପୁରୁ ମାଙ୍ଗିଁ ଜିବନ୍‌ନୋଜି ଦୟାଦାନ୍‌ ମାଙ୍ଗିଁ ଡାଟ୍‌ତି ସାସ୍‌ ମାରି ନେଗି ଆସା ସିତାମାନାନ୍‌ ।

ప్రకటన 3:9

ୱେନ୍‌ଡ୍ରୁ ! ଏସ ଲୋକୁ ମିଚ୍‌ତାନ୍‌ ନିଜେ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତାନ୍ ଜିହୁଦିର୍‌ ଆଏର୍‌, ସୟତାନ୍‍ଦି ଆୟା ଲୋକାଙ୍ଗ୍‌ ନାନୁ ମି ପାଦାମ୍‌ ଆଡ୍‍ଗି କିନା । ନାନୁ ମିଙ୍ଗିଁ ଜିବନ୍‌ନୋନା ଇଜି ୱାର୍‌ ୱିଜେରେ ନେସ୍‌ନାର୍ ।

୧ ଜୋହନ 4:10

ଇକାନେ ସତ୍‌ତି ଜିବନ୍‌ନୋନିକା, ମାଡୁ ମାପୁରୁଙ୍ଗୁଁ ଜିବନ୍‌ନୋଇକା, ମାତର୍‌ ୱାନ୍‌ ମାଙ୍ଗିଁ ଜିବନ୍‌ନୋଜି, ମାରି ନିଜେଦି ମାରିନ୍‌ତିଙ୍ଗ୍‌ ମା ପାପ୍‌ତିଙ୍ଗ୍‍ ପିଣ୍ଡିନି ଅନିଉଣ୍ତିଙ୍ଗ୍‌ ପୋକ୍‌ତାତାନ୍‌ ।

2కొరింతి 12:19

ଏଣ୍ତେସାତିଙ୍ଗ୍‌ ମିର୍‌ ଅଡ଼୍‍ବିଜିନିଦେର୍‍ ଜେ, ଇୟାସାନ୍ଦି ମାପୁ କେବଲ ନିଜେଦିକା ନର୍‌ଜି ସିଜି ୱାତାମାନାପ୍‌ ନୋ ! ମାପୁରୁଦି ଆଗ୍‍ଡ଼ି କ୍ରିସ୍ତ ମାଙ୍ଗିଁ ଇର୍‍ଇ ୱାଜା ମାପ୍‌ ମିଙ୍ଗିଁ ଇଜିନାପ୍‍ । ଲାଡ୍‍ତି ତଡ଼୍‍କୁ, ମାପୁ ଏମେକା କିଜିନାପ୍ ଆକା କେବଲ ମି ନେଗି ଉଣ୍ତିଙ୍ଗ୍‌ କିଜିନାପ୍ ।

ରୋମିୟ 8:35

ଆର୍‌ତିଙ୍ଗ୍‌ ଏନ୍‌ ମାଙ୍ଗିଁ କ୍ରିସ୍ତଦି ଜିବନ୍‍ନନି ମାଣାନ୍‌ ୱେର୍‌ଏ କିଦେଙ୍ଗ୍‍ଁ ଆଟ୍‍ନାନ୍‍ ? ଦୁକ୍‍, କାସ୍ଟୁ, ତାଡ଼ନା ମାରି କାକୁର୍ତି, ଏର୍‍କି, ବିପଦ୍‍ ମାରି ସାନିକା, ଏନ୍‌ ଆକା କିଦେଙ୍ଗ୍‌ ଆଟ୍‍ଏନ୍‍ ।