ରୋମିୟ 8:28 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁸ ଏମେକାର୍‌ ମାପୁରୁଦି ବଦାଦିଙ୍ଗ୍‍ ପୁରା କିଦେଙ୍ଗ୍‍ଁ ଇଜି କୁକାତାମାନାର୍‍ ମାରି ମାପୁରୁଙ୍ଗ୍‍ଁ ଜିବନ୍‍ନୋନାର୍‍, ୱାରି ଉଣ୍ତିଙ୍ଗ୍‌ ୱିଜୁ ବିସୟ୍‍ ନେଗିକା ଆନାତ୍‌ ମାପୁ ଇକା ନେସ୍ତାମାନାପ୍ ।

Konda: కొండ బాసదు నెగ్గి కబ్రు

²⁸ దేవుణుదిఙ్‌ ప్రేమిసినివరిఙ్‌ వాండ్రు ఏర్‌పాటు కిత్తిదన్నిఙ్‌ ఎర్లిస్తివరిఙ్, విజు నెగెండ్‌ జర్పిసినాన్‌ ఇజి మాటు నెసినాట్.

ରୋମିୟ 8:28 Referans Kwoze

୧ ପିତର 5:10

ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।

యాకోబు 1:12

ଆମା ଲୋକ୍‌ ଦୁଃକ୍‌କାସ୍ଟୁଦୁ ସାସ୍‌ କିନାନ୍‌, ୱାନ୍‌ ଆସିର୍ବାଦ୍‍ତିକାନ୍‍; ଇରିଙ୍ଗ୍‌ ଇୟାୱାଜା ଲୋକ୍‌ ପରିକାଦୁ ଜିଣାତିଙ୍ଗ୍‌, ମାପୁରୁ ୱାନି ଲୋକାଙ୍ଗ୍‌ ଆମା ଜିବନ୍‌ ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌, ୱାନ୍‌ ଆକା ପୁର୍‌ସ୍କାର୍‌ ୱାଜା ପୟ୍‌ନାନ୍‌ ।

1కొరింతి 2:9

ଏଣ୍ତେସ୍‌ ଦର୍ମସାସ୍ତ୍ରଦୁ ରାସାତାମାନାତ୍‌ : “କାଣ୍‌ଗା ଆମାକା ସୁଡ଼ୁଏତ୍‌, ଗିତଣି ଆମାକା ୱେନ୍‌ଏତ୍‌, ଆମାକା ଗଟାନିକା ଏନ୍‌ ଅଡ଼୍‌ବିଏନ୍‌, ଆୟାୱିଜୁ ବିସୟ୍‌ ମାପୁରୁ ନିଜେଦି ଜିବନ୍‌ନୋନିୱାରି ଉଣ୍ତିଙ୍ଗ୍‌ ତିଆର୍‌ କିତାମାନାନ୍‌ ।”

ରୋମିୟ 8:30

ଏମେକାର୍‌ ଇୟାୱାଜା ବାସେ ଆଜି କୁକାୟ୍‍ ଆତାମାନାର୍‌, ୱାର୍‌ ମାପୁରୁଦି ଲାକ୍‍ତୁ ଦାର୍ମୁତିକାର୍‍ ୱେଙ୍ଗିଁଜି ଗୌରବ୍‌ତିକାର୍‍ ଆତାମାନାର୍‌ ।

2తిమోతి 1:9

ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ ।

1కొరింతి 1:9

ଆମା ମାପୁରୁ ୱାନି ମାରିନ୍‌ ମା ପ୍ରବୁ ଜିସୁ କ୍ରିସ୍ତଦି ସାକା ପୟ୍‌ନି ଉଣ୍ତିଙ୍ଗ୍‌ ମିଙ୍ଗିଁ କୁକ୍‌ତାମାନାନ୍‌, ୱାନ୍‌ ୱିଜୁଦିନ୍‌ ବିସ୍‌ବାସ୍‌ ।

ప్రకటన 3:19

ନାନୁ ଏମେୱାରିଙ୍ଗ୍ ଜିବନ୍‌ନୋନା, ୱାରିଙ୍ଗ୍‌ ନିନ୍ଦାକିନା ମାରି ସାସ୍ତି ସିନା । ଆଦେଙ୍ଗ୍‌ ଜିବନ୍‌ତି ୱାଲେ ପାପ୍‌ ସାରିଦାନ୍ ଡ଼େସିୱାଜି ମୋନ୍‌ ବାଦ୍‌ଲେ କିଦୁ ।

ଗାଲାତିୟ 1:15

ମାତର୍‍ ମାପୁରୁ ୱାନି ଦୟାଦାନ୍‍ ନା ଜନମ୍‍ ଆନି ଆଗ୍‍ଡ଼ିରାନ୍‍ ନାଙ୍ଗିଁ ଆସ୍‍କିତାମାର୍ହାନ୍‍ ମାରି ୱାନି ସେବା କିନି ଉଣ୍ତିଙ୍ଗ୍‍ଁ ନାଙ୍ଗିଁ କୁକ୍‍ତାମାର୍ହାନ୍‍ ।

1దెస్స 5:9

ଇରିଙ୍ଗ୍‌ ମାପୁରୁ ମାଙ୍ଗିଁ ୱାନି ରିସାଦି ଲୋକ୍‍ ଆଦେଙ୍ଗ୍‌ ଆସ୍‌କିଏନ୍‌, ପ୍ରବୁ ଜିସୁ କ୍ରିସ୍ତଦି ମାଣ୍‌କୁ ମାଙ୍ଗିଁ ରକିୟା କିନି ଉଣ୍ତିଙ୍ଗ୍‌ ତିର୍‌ କିତାମାନାନ୍‌ ।

మార్కు 12:30

ମାରି, ମିର୍‌ ମି ପୁରା ମେନ୍ଧଲ୍‍, ପୁରା ଜିବନ୍‌, ପୁରା ମନ୍‍ ମାରି ପୁରା ବପୁ ସିଜି ପ୍ରବୁ ମି ମାପୁରୁଙ୍ଗୁଁ ଲାଡ୍‍କିଦୁ ।

ଏପିସିୟ 3:11

ମାପୁରୁ ୱାନି ପୁର୍ବେଦି ଉଦେସ୍‌ତି ଇସାବ୍‌ତାନ୍‌ ମା ପ୍ରବୁ କ୍ରିସ୍ତ ଜିସୁଦିମାଣୁକୁ ଇକା ପାଣି କିତାମାନାନ୍‌ ।

యాకోబు 2:5

ଏ ନା ଲାଡ୍‍ତି ତଡ଼ାନ୍‌କୁ ନି ତାଙ୍ଗିଁକି, ୱେନ୍‌ଡ୍ରୁ, ମାପୁରୁ ଇନିକା ଇୟା ଦୁନିଆଦି କାକୁର୍ତି ଲୋକାଙ୍ଗ୍‌ ବିସ୍‌ବାସ୍‌ୱାଜା ଦନ୍‌ତୁ ମାଜନ୍‌ ଆଦେଙ୍ଗ୍‌ ମାରି ୱାନି ସେବାକିନିୱାରିଙ୍ଗ୍‌ ଆମା ରାଜି ସିନା ଇଜି ମାଟା ସିତାମାନାନ୍‌, ଆବେଣି ଅଦିକାର୍‌ ଆନି ଉଣ୍ତିଙ୍ଗ୍‌ ଆସ୍‌କିଏନ୍‌ ?

୧ ଜୋହନ 4:19

ମାଡୁ ଜିବନ୍‌ନୋନିକା ଅଜାତାମାନାପ୍‌, ଇରିଙ୍ଗ୍‌ ମାପୁରୁ ନେ ଆଗ୍‌ଡ଼ି ମାଙ୍ଗିଁ ଜିବନ୍‌ନୋତା ମାନାନ୍‌ ।

2తిమోతి 2:19

ମାତର୍‌ ମାପୁରୁ ଆମା ଡାଟ୍‌ତି ମୁଲ୍‌କୁନାଦି ତିଆର୍‌ କିତାମାନାନ୍‌, ତାନିଙ୍ଗ୍‌ ଏନ୍‌ ଦୁକ୍‌ତେଙ୍ଗ୍‌ ଆଟ୍‌ଏନ୍‌ । ଆୟା କୁନାଦିକାଲୁ ମୁସ୍‌କୁ ଇକା ରାସ୍‌ତା ମାନାତ୍‌ : “ମାପୁରୁ ୱାନି ନିଜେଦି ଲୋକାଙ୍ଗ୍‌ ନେସ୍‌ନାନ୍‌ ଏନ୍‌ ନିଜେଦିଙ୍ଗ୍‌ ମାପୁରୁଦି ଲୋକୁ ଇଜି ପରିଚୟ୍‌ ସିନାନ୍‌, ଆୟାୱିଜୁ ତାଗ୍‍ଇ ପାଣିଦାନ୍‌ ଆକ ମାନିନ୍‌ ।”

୧ ଜୋହନ 4:10

ଇକାନେ ସତ୍‌ତି ଜିବନ୍‌ନୋନିକା, ମାଡୁ ମାପୁରୁଙ୍ଗୁଁ ଜିବନ୍‌ନୋଇକା, ମାତର୍‌ ୱାନ୍‌ ମାଙ୍ଗିଁ ଜିବନ୍‌ନୋଜି, ମାରି ନିଜେଦି ମାରିନ୍‌ତିଙ୍ଗ୍‌ ମା ପାପ୍‌ତିଙ୍ଗ୍‍ ପିଣ୍ଡିନି ଅନିଉଣ୍ତିଙ୍ଗ୍‌ ପୋକ୍‌ତାତାନ୍‌ ।

ରୋମିୟ 9:11

ଏସ୍ତିୱାଲେ କଡ଼ର୍‍ ଜନମ୍‍ ଆଏର୍‍ ମାର୍ହାର୍‌, ମାରି ନେଗିକା ନି ସେଇକା ଇନିକା କିଏର୍‌ ମାର୍ହାର୍‌, ନାସ୍ତିୱାଲେ ପାଣି ଉଣ୍ତିଙ୍ଗ୍‍ଁ ସିଲେ, ମାତର୍‌ କୁକ୍‍ତିମାନି ୱାନି ବଦା ଉଣ୍ତିଙ୍ଗ୍‍ଁ ବାସେକିତି ଇସାବ୍‍ତାନ୍‍ ମାପୁରୁଦି ଉଦେସ୍‍ ଏଣ୍ତେସ୍‌ ତିର୍‍ ତେବାନାତ୍‍,

2కొరింతి 5:1

ମାପୁ ନେସିନିକା, ଏମେ ଦୁନିଆଦି ମେନ୍ଦଲ୍‍ତି ୱାଜା ଗୁଡ଼ାଦୁ ମାପୁ ଇଲେଇ ବାସା କିଜିନିକା, ଆକା ନାସ୍ଟୁ ଆତିଆଙ୍ଗାଁ, ମାଙ୍ଗିଁ ମାପୁରୁଦି ମୁସ୍‌କୁପୁର୍‌ତୁ ଉନ୍‌ଡ୍ରି ୱିଜୁଦିନିତି ଇଲୁ ଜଗେକିନାନ୍ । ଆକା ଲୋକ କିୟୁଦାନ୍‌ ତିଆର୍ କିତିକା ଆଏତ୍‍ ନିଜେ ମାପୁରୁ ଆକା ତିଆର୍ କିତାମାନାନ୍ । ଆକା ୱିଜୁଦିନ୍‍ ତେବାନାତ୍‌ ।

ଗାଲାତିୟ 5:8

ମିଙ୍ଗିଁ କୁକ୍‍ତିମାନି ମାପୁରୁଦି ତରିଟାନ୍‍ ଇକା ଆଏତ୍‍ ।

అపొస్తు 13:48

ଅଣଜିହୁଦିର୍‍ ଇକା ୱେନ୍‌ଜି ୱେଡ଼ିକା ଆତାର୍‌ ମାରି ପ୍ରବୁଦି ମାଟା ଉଣ୍ତିଙ୍ଗ୍‍ଁ ଦନ୍ୟବାଦ୍‌ ସିତାର୍‍ । ଏମେକାର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‍ଁ ବାସେଆତାମାର୍ହାର୍‍, ୱାର୍‌ ଆୟା ମାଟାଦୁ ବିସ୍‌ବାସ୍‌ କିତାର୍‍ ।

ରୋମିୟ 11:29

ମାପୁରୁ ଏମେୱାରିଙ୍ଗ୍‍ଁ ବାସେ କିଜି ଆର୍ସିବାଦ୍‌ କିନାନ୍‍, ୱାନି ଦାନ୍‍ ସିଦେଙ୍ଗ୍‌ ବଦା ୱାନ୍‌ ଡାଟ୍‍ ତେବାନାନ୍‍ ।

1కొరింతి 1:2

କରନ୍ତି ଗାଡ଼୍‌ଦୁ ମାନି ମାପୁରୁଦି ମଣ୍ତଲି ଲାକ୍‌ତୁ ରାସ୍‌ସିନାନ୍‌ : ଆମାକାର୍‌ ମାପୁରୁଦି ପବିତ୍ର ଲୋକୁ ଆନି ଉଣ୍ତିଙ୍ଗ୍‌ ବଦାମାନାର୍‌ ମାରି ଜିସୁ କ୍ରିସ୍ତଦି ୱାଲେ ମିସାନି ମାଣ୍‌କୁ ମାପୁରୁଦି ଲୋକୁଆତା ମାନାର୍‌ ମାରି ୱିଜୁ ମା ପ୍ରବୁ ଜିସୁ କ୍ରିସ୍ତଦି ଉପାସନା କିଜିନାର୍‌ :

1కొరింతి 1:24

ମାତର୍‌ ଜିହୁଦି ଆପିନ୍‌ ମାରି ଅଣଜିହୁଦିରି ଆପିନ୍‌, ଆମାକାର୍‌ ଇଚ୍ଛାମାନାର୍‌, ୱାରି ଉଣ୍ତିଙ୍ଗ୍‌ କ୍ରିସ୍ତ ମାପୁରୁଦି ସାକ୍ତି ମାରି ମାପୁରୁଦି ଜ୍ଞାନ୍‌ଦିୱାଜା ।

ଗାଲାତିୟ 1:6

କ୍ରିସ୍ତଦି ଦୟାଦାନ୍‍ ଜେ ମିଙ୍ଗିଁ କୁକ୍‍ତାମାର୍ହାନ୍‍, ନିସା ବେଗି ମିର୍‍ ୱାନିଙ୍ଗ୍‍ଁ ଡ଼ିସ୍‍ସି ଆଇ ଉନ୍‍ଣ୍ତ୍ରି ସୁସମାଚାର୍‍ ତରିନ୍‍ ମୋନ୍‌ଦିୟାନ୍‌ ସିଜିନିଦେର୍‍, ଆୟାଉଣ୍ତିଙ୍ଗ୍‌ ନାନ୍‍ କାବା ଆଜିନା ।

ଏପିସିୟ 4:1

ପ୍ରବୁଦି ସେବା କିଜିମାର୍‌ଇ ଉଣ୍ତିଙ୍ଗ୍‌ ଜେଲ୍‌ତୁ ତେବାତିମାନି ନାନ୍‌ ପାଉଲ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ଜିନି ମାଡ଼ିନି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାନାନ୍‌, ଆୟାୱାଜା ସାଲାବୁଲା କିଦୁ ।

ପିଲିପିୟ 3:14

ଆଦେଙ୍ଗ୍‌ କ୍ରିସ୍ତ ଜିସୁଦି ୱାଲେ ଆମା ମୁସ୍‌କୁପୁର୍‌ତି ଜିବନ୍‌ ପୟ୍‌ନି ଉଣ୍ତିଙ୍ଗ୍‌ ମାପୁରୁ ନାଙ୍ଗିଁ କୁକ୍‌ତାମାନାନ୍‌, ଆୟା ପୁରସ୍କାର୍‌ତି ଉଣ୍ତିଙ୍ଗ୍‌ ଆସା ଇଡ୍‌ଜି ନାନ୍‌ ଇତି ବାଡିଦୁ ଉର୍‌କୁସିନା ।

ఎబ్రి 9:15

ଇୟାଉଣ୍ତିଙ୍ଗ୍‌ କ୍ରିସ୍ତ ନେ ପୁନି ନିୟମ୍‌ ତିଆର୍‌ କିତାମାନାନ୍, ଏଣ୍ତେସ୍‍କି ଏମେକାର୍ ମାପୁରୁଦି ମାଡ଼ାନ୍ କୁକାୟ୍‍ଆତାମାନାର୍, ୱାର୍‌ ମାପୁରୁ ପାର୍‍ମାଣ୍‍ କିତିମାନି ଏସ୍‌କାଙ୍ଗ୍‌ୱିଜିଇ ଆସିର୍ବାଦ୍‌ ପୋଇନାର୍ । ପାର୍‍ତୁମ୍‍ ନିୟମ ପାଣିକିଜିମାନି ବେଡ଼ାଦୁ, ଲୋକୁ ଏମେ ୱିଜୁ ପାପ୍‌ ଦୋସ୍‌ କିତାମାର୍ହାର୍, କେବଲ କ୍ରିସ୍ତଦି ସାତିମାଡ଼ାନ୍ ୱାର୍‌ ଆବେଟ୍‌କୁ ମୁକ୍‍ଡ଼ାନିକା ପୋଇନାର୍‍ ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।

୧ ପିତର 3:9

ନିସ୍ଟୁର୍‌ ବାଦ୍‌ଲୁ ନିସ୍ଟୁର୍‌ କିମାଟ୍‌, ଆନାଦୁରିଆ ବାଦ୍‌ଲୁ ଆନାଦୁରିଆ ଇଡ୍‌ମାଟ୍‌; ତାନି ବାଦ୍‌ଲୁ ଆସିର୍ବାଦ୍‌ କିଦୁ, ଇରିଙ୍ଗ୍‌ ଇୟାଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାର୍ହାନ୍‌ ମାରି ଇକା କିନି ମାଣୁକୁ ମିରୁ ଆସିର୍ବାଦ୍‌ ପୟ୍‌ନିଦେର୍‌ ।