ରୋମିୟ 6:23 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²³ ପାପ୍‍ତି ବାଦ୍‌ଲୁ ସାନିକା, ମାତର୍‌ ମାପୁରୁଦି ଦୟାଦି ଦାନ୍‍ ଆଜିନାତ୍‍, ପ୍ରବୁ ଜିସୁ କ୍ରିସ୍ତଦି ୱାଲେ ମିସାନି ମାଣାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ।

Konda: కొండ బాసదు నెగ్గి కబ్రు

²³ పాపమ్‌దిఙ్‌ లొఙిజి మహివరిఙ్‌ దొహ్‌క్ని కూలి ఎలాకాలం మన్ని సావు. గాని మా ప్రబు ఆతి క్రీస్తుఙ్‌ నమ్మితివరిఙ ఎలాకాలం బత్కిని బత్కు దేవుణు సెడినె సీనాన్.

ରୋମିୟ 6:23 Referans Kwoze

యోహాను 3:36

ଏନ୍‌ ମାରିନ୍‌ତିଙ୍ଗ୍‌ ବିସ୍‌ବାସ୍‌ କିନାନ୍‌, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‌, ମାତର୍‌ ଏନ୍‌ ମାରିନ୍‌ତିଙ୍ଗ୍‌ ଅମାନ୍ୟ କିନାନ୍, ୱାନ୍‌ ଜିବନ୍‌ ସୁଡ଼ୁଏନ୍‌, ମାରି ଆୟା ଲୋକୁ ମୁସ୍‌କୁ ମାପୁରୁଦି ରିସା ତେବାତାନ୍‌ ।

ରୋମିୟ 5:12

ଏସ୍ତିୱାଲେ ଅରେନ୍‍ୱାନି ମାଣାନ୍‌ ଦୁନିଆଦୁ ପାପ୍‍ ୱାତାତ୍‍ ମାରି ପାପ୍‍ତାନ୍‍ ସାନିକା ୱାତାତ୍‍ । ୱିଜେରେ ପାପ୍‍ କିତାର୍‍ଆକା ସାନିକା ୱିଜୁ ଲୋକା ଜାତିଦିଙ୍ଗ୍‍ ୱାତାତ୍‍ ।

యాకోబు 1:15

ତାଗ୍‍ଇପାଣିକିନି ୱାନି ପଟାଦାନ୍‌ ପାପ୍‌ ଜନମ୍‌ ଆନାତ୍‌ ମାରି ଆୟା ପାପ୍‌ ନାଣ୍ତ୍‌ନାଣ୍ତ୍‌ଦାନ୍‌ ପିର୍‍ଜି ସାନିତାନିଙ୍ଗ୍‌ ଜନମ୍‌ ସିନାତ୍‌ ।

యోహాను 6:40

ଇରିଙ୍ଗ୍‌ ଏନ୍‌ ମାରିସିଙ୍ଗ୍‌ ସୁଡ଼୍‌ଜି ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ଏଣ୍ତେସ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ନାନ୍‌, ଇକାନେ ନା ବୁବାଦି ବଦା; ଇୟାଉଣ୍ତିଙ୍ଗ୍‌ ନାନ୍ ୱିଜିନି ନାଣ୍ତିଙ୍ଗ୍‌ ଆୟା ୱିଜେରିଙ୍ଗ୍‌ ମାରିଡ଼େସି ଜିବନ୍‌ କିନା ।”

మత్తయి 25:46

ଇୟାକାର୍‌ ୱିଜୁଦିନ୍‌ତି ଉଣ୍ତିଙ୍ଗ୍‌ କାସ୍ଟୁବଗାନାର୍‌, ମାତର୍‌ ଦାର୍ମୁଦିକାର୍‌ ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନାର୍‌ ।

యోహాను 5:24

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଏନ୍‌ ନା ବାକ୍ୟ ୱେନ୍‌ଜି ନା ପୋକ୍‍ତାତିୱାନିଙ୍ଗ୍‍ ବିସ୍‌ବାସ୍‌ କିନାନ୍, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ତାମାନାନ୍‌, ମାରି ୱାନ୍‌ ବିସାର୍‌ ଆଏଣ୍ତା ମାତର୍‌ ୱାନ୍‌ ସାନିତାନେଙ୍ଗ୍‍ ଜିଣାଜି ଜିବନ୍‌ତୁ ଡ଼ୁଗିତାମାନାନ୍‍ ।

ରୋମିୟ 5:21

ପାପ୍‍ ଏଣ୍ତେସ୍‌ ସାନି ମାଣାନ୍‌ ନିଜେଦି ସାସନ୍‍ କିଜିମାର୍ହାତ୍‍, ଆୟାୱାଜା ମାପୁରୁଦି ଦୟା ପ୍ରବୁ ଜିସୁ କ୍ରିସ୍ତଦି ଦୟାଦାନ୍‍ ମାଙ୍ଗିଁ ଦାର୍ମୁଦିକାର୍‍ ଲେକିସ୍‍ କିଜି ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‍ ।

ରୋମିୟ 2:7

ଏସୋଲୋକ୍‍ ଗୌରବ୍‍, ସନ୍‌ମାନ୍‌ ନି ୱିଜୁଦିନ୍‌ ତେବାନି ଆସାଦାନ୍‍ ଦର୍ଜଦାନ୍‍ ସତ୍‍ ପାଣି କିନା ସନାନ୍‍, ୱାରିଙ୍ଗ୍ ମାପୁରୁ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାନ୍‍ ।

యోహాను 10:28

ମାରି ନାନ୍ ୱାନିକାଙ୍ଗ୍‌ ଏସ୍‍କାଙ୍ଗ୍‍ୱିଜ୍‍ଇ ଜିବନ୍‌ ସିନା, ମାରି ୱାକ୍‍ ଏସ୍‌କାଙ୍ଗ୍‌ବା ସାଉ, ମାରି ୱାନିକାଙ୍ଗ୍‌ ନା କିୟୁଦାନ୍‌ ଏନ୍‌ ଡ଼ିବିସ୍‌କିଜ ଅତେଙ୍ଗ୍‌ ଆଟ୍‍ଏର୍‍ ।

ప్రకటన 21:8

ମାତର୍‌ ବିରୁ, ଅବିସ୍‌ବାସି, କାଡ଼ିନିକାର୍, ଲୋକାଙ୍ଗ୍‍ ୱେଡ଼ିଇକାର୍ ଦାରିପାଣିକିନିକାର୍ ଗୁଣିଆର୍, ବମା ପୁଜାକିନିକାର୍‌, ମିଚ୍‌ ୱେର୍‌ନି ୱିଜେରେ ତାଗିଇ ୱାରି ଜାଗା ଆଜିନାତ୍, ଗନ୍ଧକ୍‍ତାନ୍ କାସ୍‌ସିମାନି ସିସୁଗୁଟା ଆବେନୁ ୱାର୍‌ ରିଜାସାନି ଦଣ୍ଡ୍‌ ପୋଇନାର୍ ।”

తీతు 1:2

ପୁର୍ବେଦି କାଡ଼ାଦାନ୍‍ ମାପୁରୁ ମାଙ୍ଗିଁ ଇୟା ଏସ୍‌କାଙ୍ଗ୍‌ୱିଜିଇ ଜିବନ୍‌ ଦାନ୍‌ ସିଦେଙ୍ଗ୍‍ ପାର୍‍ମାଣ୍‍ କିତାମାନାନ୍‌ ମାପୁରୁ ମିସ୍‍ୱେର୍‍ନିକାନ୍‍ ଆଏନ୍‍ ।

ରୋମିୟ 5:17

ମାରିବା ଅରେନ୍‍ ଲୋକ୍‍ତି ପାପ୍‍ ଉଣ୍ତିଙ୍ଗ୍‍ଁ, ସାନି ସାସନ୍‍ କିନିକା ୱାତାତ୍‍; ମାତର୍‌ ମାରି ଅରେନ୍‍ ଅର୍ତାତ୍‍ ଜିସୁ କ୍ରିସ୍ତ ଆମାକା କିତାମାନାନ୍‌, ଆକା ଏସା ପେରିକା । ଏମେ ୱିଜେରେ ମାପୁରୁଦି ପେରି ଦୟାଦାନ୍‍ ଆର୍‍ଏନେ ମାପୁରୁଦି ଲାକ୍‍ତୁ ଦାର୍ମୁତିକାର୍‍ ଆନାର୍‍, ୱାର୍‌ କ୍ରିସ୍ତଦି ୱାଲେ ଜିଣାନି ଜିବନ୍‌ କାଟେକିନାର୍‍ ।

ରୋମିୟ 6:16

ମିର୍‌ ପୁରା ନେସ୍‍ତିମାନିଦେର୍‍, ଜଦି ମିର୍‌ ଆମାୱାନି ଆଡ୍‍ଗି ମାନିକା ମାନାଜି ୱାନି ପୁରା ମାଟା ମାନାନିଦେର୍‍, ଆର୍‌ତିଙ୍ଗ୍‌ ମିର୍‌ ୱାନି ଦାସ୍‍ । ଜଦି ପାପ୍‍ତି ଦାସ୍‌ ଆନିଦେର୍‌, ତେନି ଦଣ୍ତ୍‍ ଆନାତ୍‌ ସାନିକା; ଜଦି ଦାର୍ମୁଦୁ ସାଲାନିଦେର୍‍, ଆର୍‌ତିଙ୍ଗ୍‌ ଜିବନ୍‌ ପୟ୍‍ନିଦେର୍‍ ।

యోహాను 17:2

ଏଣ୍ତେସ୍‌ୱାଜା ନିନ୍‌ ୱାନିଙ୍ଗ୍‌ ଆମା ଲୋକାଙ୍ଗ୍‌ ୱାନି କିୟୁଦୁ ସିତିମାନି, ୱାରିଙ୍ଗ୍‌ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ସିନି ଉଣ୍ତିଙ୍ଗ୍‌ ୱାନିଙ୍ଗ୍‌ ୱିଜୁ ଦୁନିଆଦି ମୁସ୍‌କୁ ଅଦିକାର୍‌ ସିତି ।

యోహాను 6:68

ସିମୋନ ପିତର୍‌ ଜିସୁଙ୍ଗୁଁ ଇର୍ହାନ୍‌, “ପ୍ରବୁ, ଏ ଲାକ୍‌ତୁ ସନାଟ୍‌ ? ନି ଲାକ୍‌ତୁ ଏସ୍‌କାଙ୍ଗ୍‌ୱିଜିଇ ଜିବନ୍‌ତି ବାକ୍ୟ ମାନାତ୍‌;

యోహాను 6:27

ଆମା କାଦି ସେଏଣ୍ତ୍‍ ଆନାତ୍‌ ଆୟାଉଣ୍ତିଙ୍ଗ୍‌ ପାଣି କିମାଟ୍‌ ମାରି ଆମାକା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ସିନାତ୍‌, ଆୟାଉଣ୍ତିଙ୍ଗ୍‌ ପାଣି କିଦୁ; ଆୟା କାଦି ମନୁସ୍ୟପୁତ୍ର ମିଙ୍ଗିଁ ସିନାନ୍‌, ଇରିଙ୍ଗ୍‌ ବୁବା ମାପୁରୁ ଇୟାଉଣ୍ତିଙ୍ଗ୍‌ ୱାନିଙ୍ଗ୍‌ ଅଦିକାର୍‍ ସିତାମାନାନ୍‌ ।

୧ ଜୋହନ 2:25

ମାରି କ୍ରିସ୍ତ ମାଙ୍ଗିଁ ଆମାକା ପାର୍‌ମାଣ୍‌ କିତାମାନାନ୍‌, ଆକାନେ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।

ଗାଲାତିୟ 3:10

ଏମେକାର୍‍ ନିୟମ୍‍ ମାନାନି ମୁସ୍‍କୁ ଆସା ଇଡ୍‍ନାର୍‍, ୱାର୍‍ ଆନାଦୁରିଆଦି ଲୋଇ ଜିନାର୍‍ । ଇରିଙ୍ଗ୍‌ ଦାର୍ମୁସାସ୍ତ୍ରଦୁ ରାସାତାମାନାତ୍‍, “ମସାଦି ନିୟମ୍‍ ବଇଦୁ ଆମା ୱିଜୁ ରାସାତାମାନାତ୍‍, ଜଦି ଏନ୍‍ ପୁରାଦାନ୍‍ ଆକା ମାନାଏନ୍‍, ୱାନ୍‍ ମାପୁରୁଦି ଆନାଦୁରିଆଦି ଲୋକୁ ଆନାନ୍‍ ।”

యోహాను 4:14

ମାତର୍‌ ନାନ୍ ଏମେ ଏରୁ ସିନା, ଆକା ଏନ୍‌ଆପିନ୍‌ ଉଣାନ୍‌, ୱାନ୍‌ ଏସ୍‌କାଙ୍ଗ୍‌ବା ଏର୍‌କିସାଏନ୍‌, ମାରି ନାନ୍ ସିଜିମାନି ଏର୍‌ ୱାନି ଜିବନ୍‌ତୁ ଉଣ୍ତ୍ରି ଜିବନ୍‌ ସିନି ୱାଙ୍ଗ୍‍ଁନି ୱାଜା ଆନାତ୍‌ । ଆବେଟ୍‌କୁ ଉଟିଙ୍ଗ୍‍ ୱାନ୍‌ ଏସ୍‍କାଙ୍ଗ୍‍ୱିଜ୍‍ଇ ଜିବନ୍‌ ପୋଇନାନ୍‌ ।

యోహాను 4:36

ଇଲେଇବା କୟ୍‍ନିକାନ୍‍ ମୁଲ୍‌ ପୟ୍‍ଜିନାନ୍‍ ମାରି ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‌ ପଲ୍‌ ଉଣ୍ତା କିଜିନା, ଏଣ୍ତେସ୍‌ ୱିତ୍‍ନିକାନ୍‍ ମାରି କୟ୍‍ନିକାନ୍‍ ରିଏର୍‌ ମିସାଜି ୱେଡ଼ିକା କିନାର୍‌ ।

ରୋମିୟ 1:32

ୱାର୍‌ ନେସ୍‍ନାର୍‍ ଜେ, ମାପୁରୁଦି ନିୟମ୍‍ ଇସାବ୍‍ତାନ୍‍ ଇୟାନାନି ଲୋକୁ ସାନିଦଣ୍ତ୍‍ ପୟ୍‍ଦେଙ୍ଗ୍‍ ଜଗ୍‌ । ଇକା ନେସ୍‍ସି ବା ୱାର୍‌ ଆୟାୱାଜା ତାଗ୍‍ଇପାଣି କିନାର୍‌ ମାରି ଆକା କିଜିମାନି ଲୋକାଙ୍ଗ୍‍ ସାରି ସିନାର୍‍ ।

ରୋମିୟ 6:21

ଇଲେଇ ମିଙ୍ଗିଁ ଏମେ ୱିଜୁ ପାଣି କିଦେଙ୍ଗ୍‌ ସେମାର୍‍ ଆଜିନାତ୍‍, ନାସ୍ତିୱାଲେ ଆୟାୱିଜୁ କିଜିମାର୍‌ଇଦେର୍‍ । ଆବେଣାନ୍‍ ଇନି ଲାବ୍‍ ପୟ୍‍ତିଦେର୍‍ ? ଆୟାୱିଜୁ ପାଣିଦି ଦଣ୍ତ୍‍ ସାନିକା ।

ରୋମିୟ 8:6

ଲୋକ୍‍ ଗୁଣ୍‍ତି ଆଡ୍‍ଗି ତେବାତିଙ୍ଗ୍‍ଁ, ଦସ୍‍ ଆନାତ୍‌ ସାନିକା; ଆତ୍ମାଦି ଆଡ୍‍ଗି ତେବାନି ମାଣାନ୍‌ ଜିବନ୍‌ ନି ସାନ୍ତି ପୁଟ୍‍ନାତ୍‍ ।

ରୋମିୟ 8:13

ମାତର୍‌ ଜଦି ଆତ୍ମାଦି ସାକାଦାନ୍‍ ନିଜେଦି ମେନ୍ଧଲ୍‍ତି ପାପ୍‍ ପାଣିଦିଙ୍ଗ୍‍ଁ ନାସ୍ଟୁ କିଜି ମାରି ପାପ୍‍ ପାଣି କିମାଟ୍‌, ଆତିଙ୍ଗ୍‍ଁ ମିର୍‌ ଜିନିଦେର୍‍ ।

ରୋମିୟ 8:38

ନାନୁ ସତ୍‌ତାନ୍‌ ନେସ୍‍ତାମାନା ଜେ ୱାନି ଜିବନ୍‍ନୋନି ମାଣାନ୍‌ ଏସାଙ୍ଗ୍‍ ୱେର୍‌ଏ ଆଏଟ୍‍ । ସାନିକା ନୋ ଜିନିକା, ମୁସ୍‌କୁପୁର୍‌ତି ଦୁତ୍‍ ମାରି ମୁସ୍‌କୁପୁର୍‌ତି ଇନି ପେରିକାତ୍‍ ମାରି ସାକ୍ତି, ଇଲେଇ ମାରି ୱାନିଦିନ୍‍,

ରୋମିୟ 8:39

ମୁସ୍‍କୁରିକା କି ଆଡ୍‍ଗିରି ଇନି ବିସୟ୍‍ ୱିଜୁ ତିଆର୍‍ ଆତିମାନୁ ଇୟାୱାଜା ଇନି ବିସୟ୍‍ ସିଲେତ୍‍, ଆମାକା ପ୍ରବୁ ଜିସୁ କ୍ରିସ୍ତ ମାଣାନ୍‌ ତରାତି ମାପୁରୁଦି ଆୟା ଜିବନ୍‍ତାନ୍‌ ମାଙ୍ଗିଁ ୱେର୍‌ଏ କିଦେଙ୍ଗ୍‌ ଆଟ୍‍ଏନ୍‍ !