ରୋମିୟ 3:28 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

²⁸ ମାଡ୍‌ ସତ୍‌ତାନ୍‌ ବୁଜାଦେଙ୍ଗ୍‍ ଆଟ୍‍ସିନାପ୍‍ ଜେ, ଅରେନ୍‍ କେବଲ ୱାନି ବିସ୍‍ବାସ୍‍ତାନ୍ ମାପୁରୁ ଆଗ୍‍ଡ଼ି ଦାର୍ମୁତିକାନ୍‍ ଆନାନ୍‍ ନିୟମ୍‍ ମାନାନି ମାଣାନ୍‌ ସିଲେ ।

Konda: కొండ బాసదు నెగ్గి కబ్రు

²⁸ రూలుఙ లొఙిత్తిఙ ఆఏద్, యేసుక్రీస్తుఙ్‌ నమ్మితిఙానె పాపమ్‌కు విజు మాయిపె ఆజి నీతి మన్నికార్‌ ఆతార్‌ ఇజి దేవుణు వెహ్నాన్. యాక మాటు నెసినాట్.

ରୋମିୟ 3:28 Referans Kwoze

తీతు 3:7

ୱାନି ଦୟାଦାନ୍‌ ମାପ୍‌ ମାପୁରୁଦି ଆଗ୍‌ଡ଼ି ଦାର୍ମୁଦୁ ମିସାଜି, ମା ଆସା ଇସାବ୍‌ତାନ୍‌ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତୁ ସନ୍‍ଡ୍ରେଙ୍ଗ୍‍ ସାରି ପୟ୍‌ତାମାନାପ୍‌ ।

ଗାଲାତିୟ 2:16

ମାପୁ ନେସ୍‍ନାପ୍‍, ନିୟମ୍‍ତି ଦାବିୱିଜୁ ପୁରା କିନି ମାଣାନ୍‍ ସିଲେ, ମାତର୍‍ କେବଲ ଜିସୁ କ୍ରିସ୍ତଦିମାନୁ ବିସ୍‍ବାସ୍‍ କିନି ମାଣାନ୍‍ ଅରେନ୍‍ ମାପୁରୁଦି ଆଗ୍‍ଡ଼ି ଦସ୍‍ସିଲେଣ୍‌ଗା ମିସାଦେଙ୍ଗ୍‌ ଆଟ୍‌ନାପ୍‌ । ମାପୁରୁଦି ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ମାପ୍‍ ମାରି ନିୟମ୍‍ତି ମୁସ୍‍କୁ ଆସା ଇଡ୍‍ଏନ୍‍ଣ୍ତା ଜିସୁ କ୍ରିସ୍ତମାନୁ ବିସ୍‍ବାସ୍‍ କିଜିନାପ୍‍, ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍‍ ଏନ୍‍ ମାପୁରୁ ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ ।

ଗାଲାତିୟ 3:24

କ୍ରିସ୍ତଦି ୱାନି ସାନ୍ଦି ନିୟମ୍‍ ମାଙ୍ଗିଁ ଆଡିଗିକିଜି ଇଟ୍‌ତାମାର୍ହାତ୍‍; ମାତର୍‍ ତାନିୱେନ୍‍କା, କେବଲ ବିସ୍‍ବାସ୍‍ତାନ୍ ମାପୁ ମାପୁରୁ ଆଗ୍‍ଡ଼ି ଦାର୍ମୁତିକାର୍‍ ଇଜି ୱେଙ୍ଗ୍‍ଁନାପ୍‍ ।

ଗାଲାତିୟ 3:8

ଆଗ୍‍ଡ଼ିରାନ୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍, ବିସ୍‍ବାସ୍‍ତାନ୍ ମାପୁରୁ ଅଣଜିହୁଦି ଲୋକାଙ୍ଗ୍‌ ବା ଦାର୍ମୁଦିଲୋକ୍‍ ଇଜି ମିସାକିନାନ୍‍ । ଅବ୍ରାହାମତି ଲାକ୍‍ତୁ ଇୟା ମାଟା ଆଗ୍‌ଡ଼ି ୱେର୍‌ଆୟ୍‌ଆତାମାରାତ୍‌, “ମି ମାଣ୍‌କୁ ମାପୁରୁ ଦୁନିଆଦି ୱିଜୁ ଲୋକାଙ୍ଗ୍‍ ଆସିର୍ବାଦ୍‌ କିନାନ୍‍ ।”

యాకోబు 2:24

ମାରି, ମିର୍‌ ବୁଜାଦେଙ୍ଗ୍‌ ଆଟ୍‌ନିଦେର୍‌ ଜେ, ଲୋକୁ ପାଣିଦାନ୍‌ ଦାର୍ମୁ ତର୍‌ନାନ୍‌, କେବଲ୍‌ ବିସ୍‌ବାସ୍‌ତାନ୍‌ ସିଲେ ।

ରୋମିୟ 3:26

ମାତର୍‌ ଇଲେଇ ୱାନ୍‌ ନିଜେଦି ଦାର୍ମୁ ତର୍‍ତେଙ୍ଗ୍‍ କିନି ଉଣ୍ତିଙ୍ଗ୍‌ ପାପ୍‍ କେମାଦି ନିୟମ୍‍ କିତାମାନାନ୍‌ । ଇୟାମାଣାନ୍‍ ମାପୁରୁ ତର୍‍ସି ସିତାମାନାନ୍‌ ଜେ, ୱାନ୍‌ ନିଜେ ଦାର୍ମୁତିକାନ୍‍ ମାରି ଏମେକାର୍‌ ଜିସୁମାନୁ ବିସ୍‍ବାସ୍‍ କିନାର୍‌, ଆୟା ୱିଜେରିଙ୍ଗ୍‌ ଦାର୍ମୁତିକାର୍‍ ୱାଜା ଆସ୍‍ନାନ୍‍ ।

ପିଲିପିୟ 3:9

ମାରି ୱାନି ୱାଲେ ପୁରା ମିସାନି ଉଣ୍ତିଙ୍ଗ୍‌, ମାରି ଆୟାୱିଜୁ ବିସୟ୍‌ତିଙ୍ଗ୍‌ କାସ୍‌ରା ଇଜି ଅଡ଼୍‌ବିଜିନା । ମାରି, ଆମା ଦାର୍ମୁଦି ନିୟମ୍‌ ମାନାନି ମାଣ୍‌କୁ ପୟ୍‌ଦେଙ୍ଗ୍‌ ଆଟ୍‌ନିକା, ଆୟା ନାନି ଇନି ନିଜେଦି ଦାର୍ମୁ ନାଦି ସିଲେତ୍‌ । ଇଲେଇ ନାଦି ଆମା ଦାର୍ମୁ ମାନାତ୍‌, ଆକା କ୍ରିସ୍ତଦିମାନୁ ବିସ୍‌ବାସ୍‌ କିନି ମାଣ୍‌କୁ ପୟ୍‌ତାମାନା; ଆକା ମାପୁରୁଦିମାଣୁକୁ ୱାନାତ୍ ମାରି ଆକା ବିସ୍‌ବାସ୍‌ତି ମୁସ୍‌କୁ ତିଆର୍‌ଆତାମାନାତ୍‌ ।

ରୋମିୟ 8:3

ଇୟା ଲୋକା ଗୁଣ୍‍ ୱିଜୁ ଲିଡ଼ଲାଡ଼ା ଉଣ୍ତିଙ୍ଗ୍‍ଁ ମସା ସିତିମାନି ନିୟମ୍‍ ଆମାକା କିଦେଙ୍ଗ୍ଁ ଆଟ୍‍ଏତାତ୍‍, ମାପୁରୁ ଆକା କିତାମାନାନ୍‌ । ଲୋକା ଜିବନ୍‍ତୁ ପାପ୍‍ତିଙ୍ଗ୍‍ଁ ନାସ୍ଟୁ କିଦେଙ୍ଗ୍‍ଁ ଇଜି ୱାନ୍‌ ନିଜେଦି ମାରିସିଙ୍ଗ୍‍ଁ ପାପି ଲୋକୁ ୱାଜା ପକ୍‍ତାନ୍‍ ମାରି କ୍ରିସ୍ତ ଜିସୁ ପାପ୍‍ତି ସାକ୍ତି ନାସ୍ଟୁ କିତାମାନାନ୍‌ ।

ରୋମିୟ 4:5

ମାତର୍‌ ଏନ୍‌ ନିଜେଦି ମୁସ୍‌କୁ ବିସ୍‍ବାସ୍ ଇଡ୍‍ଏନ୍‍ଣ୍ତା, ମାପୁରୁମାନୁ ବିସ୍‍ବାସ୍‍ କିନାନ୍‍, ୱାନି ବିସ୍‍ବାସ୍‍ ଉଣ୍ତିଙ୍ଗ୍‌ ଦସ୍‍କିତି ୱାନିଙ୍ଗ୍‍ ଦସ୍‍ ଡ଼ିସିସ୍‍ କିଜିମାନି ମାପୁରୁ ୱାନିଙ୍ଗ୍‌ ଦାର୍ମୁତିକାନ୍‍ ୱାଜା ଆସ୍‍ନାନ୍‍ ।

ଏପିସିୟ 2:9

ଆଦେଙ୍ଗ୍‌ ଇୟା ବିସୟ୍‌ତାନ୍‌ ଏନ୍‌ ଗର୍ବ କିଦେଙ୍ଗ୍‌ ଆଟ୍‍ଏନ୍‍ ।

1కొరింతి 6:11

ମାରି, ମି ମାଣ୍‌କୁ ଏନ୍‌ ଏନ୍‌ ଆୟାୱାଜା ମାରିଇଦେର୍‌, ମାତର୍‌ ଇଲେଇ ମିର୍‌ ପାପ୍‌ତାନ୍‌ ନରାଆୟ୍‌ ଆଜି ମାପୁରୁଦି ଉଦେସ୍‌ତାନ୍‌ ମାନିଦେର୍‌ । ମାରି ପ୍ରବୁ ଜିସୁ କ୍ରିସ୍ତ ମାରି ପବିତ୍ରଆତ୍ମାଦାନ୍‌ ମିର୍‌ ଦାର୍ମୁଦିକାନ୍‌ ଇଜି ଲେକିସ୍‌କିଆତିମାନିଦେର୍‌ ।

ରୋମିୟ 5:1

ଇଲେଇ ବିସ୍‍ବାସ୍‍ତାନ୍ ମାଡ୍‌ ମାପୁରୁଦି ଆଗ୍‍ଡ଼ି ଦାର୍ମୁଦିକାର୍‍ ଆତିମାନିକା ମାରି ପ୍ରବୁ ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ମାପୁରୁଦି ୱାଲେ ମା ସାନ୍ତି ପୋଇତିମାନିକା ।

యోహాను 6:40

ଇରିଙ୍ଗ୍‌ ଏନ୍‌ ମାରିସିଙ୍ଗ୍‌ ସୁଡ଼୍‌ଜି ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ଏଣ୍ତେସ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ନାନ୍‌, ଇକାନେ ନା ବୁବାଦି ବଦା; ଇୟାଉଣ୍ତିଙ୍ଗ୍‌ ନାନ୍ ୱିଜିନି ନାଣ୍ତିଙ୍ଗ୍‌ ଆୟା ୱିଜେରିଙ୍ଗ୍‌ ମାରିଡ଼େସି ଜିବନ୍‌ କିନା ।”

యోహాను 5:24

ସତ୍‌ ସତ୍‌ ନାନ୍ ମିଙ୍ଗିଁ ଇଜିନା, ଏନ୍‌ ନା ବାକ୍ୟ ୱେନ୍‌ଜି ନା ପୋକ୍‍ତାତିୱାନିଙ୍ଗ୍‍ ବିସ୍‌ବାସ୍‌ କିନାନ୍, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପୟ୍‌ତାମାନାନ୍‌, ମାରି ୱାନ୍‌ ବିସାର୍‌ ଆଏଣ୍ତା ମାତର୍‌ ୱାନ୍‌ ସାନିତାନେଙ୍ଗ୍‍ ଜିଣାଜି ଜିବନ୍‌ତୁ ଡ଼ୁଗିତାମାନାନ୍‍ ।

యాకోబు 2:18

ମାତର୍‌ ଏନ୍‌ ଆର୍‌ତିଙ୍ଗ୍‌ ଇନ୍‌ଡ୍ରେଙ୍ଗ୍‌ ଆଟ୍‌ନାନ୍‌, “ଅରେନ୍‌ୱାନି ବିସ୍‌ବାସ୍‌ ମାନାତ୍‌, ଆଇ ୱାନିନ୍ଦି ପାଣି ମାନାତ୍‌ ।” ଇୟା ବିସୟ୍‌ତାନ୍‌ ନାନ୍‌ ୱେର୍‌ନା, “ପାଣି ସିଲେଣ୍‌ଗା ଏମେୱାନି ବିସ୍‌ବାସ୍‌ ମାନ୍‌ଡ୍ରେଙ୍ଗ୍‌ ଆଟ୍‌ନାତ୍‌ ଇଜି ନାଙ୍ଗିଁ ପାର୍‌ମାଣ୍‌ ସିଦାଟ୍‌ । ନାନ୍‌ ପାଣିଦାନ୍‌ ନା ବିସ୍‌ବାସ୍‌ ମାନାତ୍‌ ଇଜି ପାର୍‌ମାଣ୍‌ ସିନା ।”

యాకోబు 2:20

ଏ ବୁଦିସିଲିଲୋକ୍‌ ! ପାଣି ଡ଼ିସ୍‌ସି ବିସ୍‌ବାସ୍‌ ଜେ ୱାରିକା, ଇୟାତାନି ପାର୍‌ମାଣ୍‌ ସୁଡ଼୍‌ଦେଙ୍ଗ୍‌ ମିର୍‌ ଇନିକା ବଦା କିଜିନିଦେର୍‌ ?