ରୋମିୟ 15:14 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁴ ନା ତଡ଼ାନ୍‍କୁ ନି ତାଙ୍ଗିଁକ୍‍, ନା ବିସ୍‍ବାସ୍‍, ମିର୍‌ ୱିଜୁ ନେଗିଗୁଣ୍‍ ନି ବୁଦିଦୁ ପୁରାଆଜି ମାରି ନିଜେନିଜେଦିଙ୍ଗ୍‍ଁ ସିକିୟା ସିଦେଙ୍ଗ୍‌ ଆଟ୍‌ନିଦେର୍‌ ।

Konda: కొండ బాసదు నెగ్గి కబ్రు

¹⁴ నమ్మితి తంబెరిఙాండె, మీరు ఒరెన్‌ మరి ఒరెన్‌ వెట నెగెండ మంజినిదెర్‌ ఇజి నాను నెసిన. మీరు బాగ నెస్తెఙ్‌ ఇజి దేవుణు సుడ్ఃజినికెఙ్‌ విజు మీరు నెస్నిదెర్ ఇజి నాను నెసిన. ఒరెన్‌ మరి ఒరెన్‌ వన్నిఙ్‌ బుద్ది వెహ్సి నెస్పిస్తెఙ్‌ అట్నిదెర్‌ ఇజి నాను మీ వందిఙ్‌ నిజం నెసిన.

ରୋମିୟ 15:14 Referans Kwoze

୧ ଜୋହନ 2:21

ମିରୁ ସତ୍‌ ନେସ୍‌ଇତି ମାନିଙ୍ଗ୍‌ ନାନ୍‌ ଜେ ମି ଲାକ୍‌ତୁ ରାସ୍‌ସିନା, ଆକା ସିଲେ; ମାତର୍‌ ମିରୁ ସତ୍‌ ନେସ୍‌ତିମାନିଙ୍ଗ୍‌ ମାରି ଆମା ମିଚ୍‌ ମାଟା ସତ୍‌ତାନ୍‌ ସଏତ୍‌ ଇଜି ନେସ୍‌ତିମାନିଙ୍ଗ୍‌ ନାନୁ ମି ଲାକ୍‌ତୁ ରାସ୍‌ସିନା ।

1కొరింతి 8:1

ଦିୟାମ୍‌କାଙ୍ଗ୍‌ ସିନି ବଗ୍‌ ବିସୟ୍‌ତାନ୍‌ ନା ମାଟା ଇକା, ମା ୱିଜେରିଙ୍ଗ୍‌ ବୁଦି ମାନାତ୍‌ ଇଜି ମିର୍‌ ଆମାକା ୱେର୍‌ସିନିଦେର୍‌, ଆକା ମାପ୍‌ ନେସ୍‌ନାପ୍‌ । ବୁଦି ଲୋକ୍‌ତିଙ୍ଗ୍‌ ଆକାର୍‍ କିନାତ୍‌, ମାତର୍‌ ଜିବନ୍‌ନୋନିମାଣୁକୁ ଲୋକ୍‌ତିଙ୍ଗ୍‌ ମିସାକିନାତ୍‌ ।

1దెస్స 5:11

ଆର୍‌ତିଙ୍ଗ୍‌ ଇଲେଇ ଏଣ୍ତେସ୍‌ କିଜିନିଦେର୍‌, ଟିକ୍‌ ଆୟାୱାଜା ନିଜେଦିଙ୍ଗ୍‌ ନି ଆଇୱାରିଙ୍ଗ୍‌ ୱେଡ଼ିକା ନି ସାହାଜ୍ୟ କିଜିମାନ୍‌ଡ୍ରୁ ।

కొలొసి 3:16

କ୍ରିସ୍ତଦି ବାକ୍ୟ ନାଣ୍ତଦାନ୍‌ନାଣ୍ତ ମି ଜିବନ୍‌ତୁ ବାସା କିପିତ୍‌; ମିର୍‌ ନିଜେନିଜେଦିଙ୍ଗ୍‌ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍‌ତାନ୍‌ ପାଟା ପାର୍‍ଦୁ, ଆରାଦନା କିଦୁ, ମାରି ଦନ୍ୟବାଦ୍‍ଦାନ୍‌ ୱେଡ଼ିକାଦି ଜିବନ୍‌ତାନ୍‌ ପାଟା ପାର୍‌ଦୁ ।

1కొరింతి 8:10

ଇରିଙ୍ଗ୍‌ ବୁଦି ଜେ ମିର୍‌, ମିଙ୍ଗିଁ ଜଦି ଏନ୍‌ ମନ୍ଦିର୍‌ତୁ ଉଣିମାନୁ ବାସ୍‌ନିକା ସୁଣାନ୍‌, ଆର୍‌ତିଙ୍ଗ୍‌ ୱାନ୍‌ ମୋନ୍‌ତୁ ଦୁର୍ବଲ୍ ବିସ୍‌ବାସି ଆତିମାରିଙ୍ଗ୍‌ବା ଇନିକା ବଗ୍‌ ତିନ୍‌ଡ୍ରେଙ୍ଗ୍‌ ୱେଡ଼ିକା ଆଏନ୍‍ ?

1కొరింతి 8:7

ମାତର୍‌ ୱିଜେରେ ଇୟା ସତ୍‍ ନେସ୍‌ଏର୍‌; ଏସ ଲୋକ୍‌ ଇୟାସାନ୍ଦିବା ଦିୟାମ୍‌ ମାନାତ୍‌ ଇଜି ଅଡ଼୍‍ବିଜି ଦିୟାମ୍‍କାଙ୍ଗ୍‌ ସିନି ବଗ୍‌ ତିନାର୍‌, ମାରି ୱାରି ବୁଦି ଦୁର୍ବଲ୍, ଆଦେଙ୍ଗ୍‌ ଆୟା କାଦି ଉଣି ମାଣ୍‌କୁ ୱାର୍‌ କାରାପ୍‌ ଆନାର୍‌ ।

1కొరింతి 1:5

ଇରିଙ୍ଗ୍‌ କ୍ରିସ୍ତଦି ୱାଲେ ମିସାତି ମାନିଙ୍ଗ୍‌ ମିର୍‌ ୱିଜୁ ବିସୟ୍‌ତି ସିକିୟାଦୁ ମାରି ୱିଜୁଜାତିଦି ବୁଦିଦୁ ବା ଦନି ଆତିମାନିଦେର୍‌ ।

పిలొమో 1:21

ନିନୁ ନା ମାଟା ଇଡ୍‍ନି ଇଜି ସତ୍‌ତାନ୍‌ ନେସ୍‌ସି, ନାନ୍‌ ନିଙ୍ଗିଁ ଇୟା ଆକୁ ରାସ୍‌ସିନା । ସତ୍‌ତାନ୍‌ ନାନ୍‌ ନେସ୍‌ନା, ନି ମାଣ୍‌କୁ ନାନ୍‌ ଏସ ଆସା କିଜିନା, ନିନ୍‌ ନା ଉଣ୍ତିଙ୍ଗ୍‌ ତାନି ମାଣୁକୁ ନାଣ୍ତ୍‌ କିନି ।

1దెస్స 5:14

ଏ ତଡ଼ାନ୍‌କୁ ନି ତାଙ୍ଗିଁକି, ମାପ୍‌ ମିଙ୍ଗିଁ ମାଡ଼ିସ୍‌ କିଜିନାପ୍‌, ଗାଡ଼୍‍ୟା ପାଣି କିଜିମାନି ଲୋକାଙ୍ଗ୍‌ ଜାଗାର୍‌ତା କିଦୁ, ତିଲାନିୱାରିଙ୍ଗ୍‌ ସାହାସ୍‍ ସିଦୁ, ବପୁସିଲିୱାରିଙ୍ଗ୍‌ ଜାତୁନ୍‍ କିଦୁ ମାରି ୱିଜେରି ଉଣ୍ତିଙ୍ଗ୍‌ ସାହାସ୍‍ ଆଦୁ ।

ଏପିସିୟ 5:9

ମାତର ଜାୟ୍‌ ନେ ୱିଜୁ ରକମ୍‍ତି ନେଗିଗୁଣୁ, ଦାର୍ମୁତିକା ମାରି ସତ୍‍ନାନି ପଲ୍‌ ଆସ୍‌ନାତ୍‌ ।

ఎబ్రి 6:9

ମାତର୍‌ ଏ ଲାଡ୍‍ତିଲୋକୁ, ମାପ୍‌ ଜଦି ଇୟାୱାଜା ମାଟା ୱେର୍‌ସିନା, ମାରିବା ମି ଅବସ୍ଥା ଜେ ଆୟାତାନିମାଣୁକୁ ନେଗିକା ମାରି ପରିତ୍ରାଣଦି ୱାଲେ ମିସାତାମାନାତ୍‌, ଇକା ମାପ୍‌ ଆଟ୍‌ୱାଦାନ୍‌ ବିସ୍‌ବାସ୍‌ କିଜିନାପ୍‌ ।

ఎబ్రి 5:12

ମିର୍‌ ଆଇୱାରିଙ୍ଗ୍‌ ସିକିୟା ସିନି ବେଡ଼ା ଆତାତ୍‍ନି, ଆତିଙ୍ଗ୍ ଇଲେ ବା ମାପୁରୁଦି ବାକ୍ୟଦି ପାର୍‍ତୁମ୍‍ ବିସୟୱିଜୁ ମିଙ୍ଗିଁ ସିକ୍‌ୟା ସିଦେଙ୍ଗ୍‌ ଗୁରୁ ଦର୍‌କାର୍‌ ଆଜିନାତ୍ । ମିର୍‌ ଆଟୁୱା କାଦି ଉଣି ବାଦ୍‍ଲୁ ଇୟାସାନ୍ଦି ପାଲୁ ଉଣିଜିନିଦେର୍‌ ।

2తిమోతి 1:5

ମି ଡକ୍ରିବିବି ଲୋୟି ମାରି ଆଇସି ଇଉନିସି ଆମାୱାଜା ବିସ୍‌ବାସ୍‌ କିଜିମାର୍ହାତ୍‌, ମିଦି ବା ଆୟା ଜିବନ୍‌ତି ବିସ୍‌ବାସ୍‌ ମାନାତ୍‌ । ଇୟା ମାଟା ନାନ୍‌ ଏତ୍‌ କିଜିନା । ମି ଆୟା ବିସ୍‌ବାସ୍‌ ମାନାତ୍‌ ଇଜି ସତ୍‍ତାନ୍‌ ନାନ୍‌ ନେସ୍‌ନା ।

ପିଲିପିୟ 1:11

ମାରି, ମାପୁରୁଦି ଗୌରବ୍‍ ମାରି ଦନ୍ୟବାଦତି ଉଣ୍ତିଙ୍ଗ୍‌ ମି ଜିବନ୍‌ ଜିସୁ କ୍ରିସ୍ତଦି ସିତିମାନି ୱିଜୁ ନେଗିଗୁଣୁତୁ ପୁରା ଆନାତ୍‌ ।

ପିଲିପିୟ 1:7

ମିର୍‌ ୱିଜୁଦିନ୍ ନା ମନ୍‍ତୁ ମାନିଦେର୍‌; ମାରି ମି ୱିଜୁଲୋକା ବିସୟ୍‌ତାନ୍‌ ଇୟାୱାଜା ଏତ୍‌ କିନିକା ମାନାତ୍‌ । ନାନ୍‌ ଜଇଲ୍‍ତୁ ସଲ୍‍ଇ ମାର୍‌ଇ ବେଡ଼ାଦୁ ମାରି ଇଲେଇ ଇୟା ଜଇଲ୍‍ତୁମାନି ଅବସ୍ଥାଦୁ ସୁସମାଚାର୍‌ତି ତିଆର୍‌କିନିକା ନି ରକ୍ଷାଦି ଉଣ୍ତିଙ୍ଗ୍‌ ପାଣି କିଦେଙ୍ଗ୍‌ ମାପୁରୁ ନାଙ୍ଗିଁ ଆମା ଦୟା ସିତାମାନାନ୍‌, ମିର୍‌ ୱିଜିଦେର୍‌ ଇବେନୁ ମିସାତିମାନିଦେର୍‌ ।

1కొరింతి 13:2

ଜଦି ନାନ୍‌ ବାବବାଣି ୱେର୍‍ତେଙ୍ଗ୍‍ ସାକ୍ତି ମାନାତ୍‌ ମାରି ନାନ୍‌ ୱିଜୁ ମାର୍‌ଗିତିମାନି ମାଟା ବୁଜାଦେଙ୍ଗ୍‌ ସାକ୍ତି ମାନାତ୍‌ ମାରି ୱିଜୁ ବିସୟ୍‌ତି ଜ୍ଞାନ୍‌ ମାନାତ୍‌, ମାରି ଗରନ୍‌ତିଙ୍ଗ୍‌ ଗୁସାକିନି ଉଣ୍ତିଙ୍ଗ୍‌ ନାଙ୍ଗିଁ ପୁରା ବିସ୍‌ବାସ୍‌ ମାନାତ୍‌, ମାତର୍‌ ନା ଜିବନ୍‌ନୋନିକା ସିଲେତିଙ୍ଗ୍‌, ଆର୍‌ତିଙ୍ଗ୍‌ ନାନ୍‌ ଇନିକା ସିଲେ ।

1కొరింతి 12:8

ଇରିଙ୍ଗ୍‌ ଅରେନ୍‍ୱାନିଙ୍ଗ୍‍ ଆତ୍ମାଦି ମାଣ୍‌କୁ ବୁଦିଦି ବାକ୍ୟ, ମାରି ଅରେନ୍‍ୱାନିଙ୍ଗ୍‍ ଆୟା ଆତ୍ମାଦି ସିକିୟା ଇସାବ୍‌ତାନ୍‌ ବୁଦିଦି ମାଟା ଇନାନ୍‌,

2కొరింతి 8:7

ମିର୍‌ ୱିଜୁ ବିସୟତୁ ମାଜନ୍‌ ଆତିମାନିଦେର୍‍ । ମି ବିସ୍‍ବାସ୍, ମାଟା ୱାର୍‍ଗିଦେଙ୍ଗ୍‍, ଜ୍ଞାନ, ସାହାଜ୍ୟକିଦେଙ୍ଗ୍‍ ୱେଡ଼ିକା ମାରି ମା ଉଣ୍ତିଙ୍ଗ୍‌ ଜିବନ୍‍ନୋନିକା ତର୍‍ତେଙ୍ଗ୍‍ଁ ନାଣ୍ତ ପରିଚୟ ସିତିମାନିଦେର୍‍ । ଆଦେଙ୍ଗ୍‍ଁ ଇୟା ଦୟା ସେବାପାଣିଦୁ ବା ଦାନ୍‌ ସିନିକାନ୍‍ ଆଜି ଜିବନ୍‍ନୋନିକା ପରିଚୟସିଦୁ, ଇକା ନା ବଦା ।

2దెస్స 1:11

ଆୟାଉଣ୍ତିଙ୍ଗ୍‌ ମାପ୍‌ ୱିଜୁଦିନ୍ ମି ଉଣ୍ତିଙ୍ଗ୍‌ ପାର୍‌ତାନା କିଜିନାପ୍‌ । ମିଙ୍ଗିଁ ଆମା ଜିନି ମାଡ଼ିନି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାନାନ୍‌, ଆକା କିଦେଙ୍ଗ୍‌ ଇଜି ମାପ୍‌ ମାପୁରୁଙ୍ଗ୍‌ ମାଡ଼ିସ୍‌ କିଜିନାପ୍‌ । ୱାନି ସାକ୍ତିଦାନ୍‌ ୱାନ୍‌ ମି ୱିଜୁ ସତ୍‍ପାଣି ପୁରା କିଜି ମି ବିସ୍‌ବାସ୍‌ତିଙ୍ଗ୍‌ ପିରିସ୍‌କିଜି ପୁରା କିନାନ୍‌ ।