ରୋମିୟ 12:7 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁷ ଜଦି ସେବା କିନି ଉଣ୍ତିଙ୍ଗ୍‍ଁ ଆୟା ସାକ୍ତି ପୟ୍‍ତିମାନିକା, ମାଡ୍‌ ସେବା କିଦେଙ୍ଗ୍ଁ ଆନାତ୍‌; ସିକିୟା ସିଦେଙ୍ଗ୍‌ ଇଜି ସାକ୍ତି ପୟ୍‍ତିମାରିଙ୍ଗ୍‍ଁ, ସିକିୟା ସିଦେଙ୍ଗ୍‌ ଆନାତ୍‌ ।

Konda: కొండ బాసదు నెగ్గి కబ్రు

⁷ మహివరిఙ్‌ అవ్‌సరం ఆతికెఙ్‌ కిజి సీదెఙ్‌నా మీ వరం ఇహిఙ, అక్క కిదెఙ్‌ దేవుణు మాటెఙ్‌ నెస్పిసి సిదెఙ్‌నా మీ వరం ఇహిఙ నెస్పిసి సీదెఙ్.

ରୋମିୟ 12:7 Referans Kwoze

ଏପିସିୟ 4:11

ୱାନ୍‌ ନେ ଲୋକାଙ୍ଗ୍‌ ନାଣ୍ତ ବର୍‌ ଦାନ୍‌ ସିଜି ସର୍‌ଆମାନାନ୍‌ । ଏସ ଲୋକାଙ୍ଗ୍‌ ପ୍ରେରିତ ସିସୁ, ମାରି ଏସ ଲୋକାଙ୍ଗ୍‌ ବାବବାଦି, ଏସ ଲୋକାଙ୍ଗ୍‌ ସୁସମାଚାର୍‌ ପ୍ରଚାର୍‌କିନିକାନ୍‌, ମାରି ଏସ ଲୋକାଙ୍ଗ୍‌ ପାସ୍‌ଟର୍‌ ମାରି ମାସ୍‌ଟର୍‌ ୱାଜା ଆସ୍‌କିତାମାନାନ୍‌ ।

2తిమోతి 4:2

ବାକ୍ୟ ପ୍ରଚାର୍‌ କିଦୁ, ବେଡ଼ା ଅବେଡ଼ାଦୁ ବିସାର୍‌ କିଏଣ୍‌ଗା, ମିର୍‌ ସବୁୱାଲେ ଆୟା ବିସୟ୍‌ ମୁସ୍‌କୁ ନେସ୍‌ନି ୱାଜା ବୁଜାକିନିଦେର୍‌; ସାହାସ୍‌ତାନ୍‌ ସିକିୟା ସିଜି, ଏସ୍ତିୱାଲେ ଆଦ୍‌ରିସ୍‌ କିଜି ଏସ୍ତିୱାଲେ ମାରି ୱେଡ଼ିକା କିଜି ଆଇୱାରି ମୋନ୍‌ତୁ ଆୟାଉଣ୍ତିଙ୍ଗ୍‌ ୱେଡ଼ିକା ପିରିସ୍‌ନାତ୍‌ ।

1తిమోతి 5:17

ଆମା ନେତାର୍‌ ନେଗେନ୍‌ତାନ୍‌ ଜାତୁନ୍‍ କିନାର୍‌, ଆମାକାର୍‌ କାସ୍ଟୁ ପୟ୍‌ଜି ବାକ୍ୟ ୱେର୍‌ନାର୍‌ ମାରି ସିକିୟା ପାଣି କିଜିମାନାର୍‌, ୱାର୍‌ ଦୁଇ ଗୁଣୁ ମୁସ୍‌କୁ କାସ୍ଟୁ କିତିକା ପୟ୍‌ନାର୍‌ ।

అపొస్తు 13:1

ଆଣ୍ଟିୟକ ମଣ୍ତଲିଦୁ ଏସ ବାବବାଦି ନି ସିକିୟା ଗୁରୁର୍‍ ମାର୍ହାର୍‌ । ୱାରି ଲୋଇ ମାର୍ହାନ୍‍ ବର୍ଣ୍ଣବା, ସିମୋନ ଆମାକାନ୍‍କି ନିଗର ଦର୍‌ତାନ୍‌ ୱେଙ୍ଗିଁତା ମାର୍ହାନ୍‍, ଲୁସିଅସ୍‍ କୁରିଣିଦୁ ବାସାନିକାନ୍‍, ମହନେମ ୱାନ୍‌ ରାଜିୟ ପାଲ ହେରୋଦତି ଇଲ୍‌ତୁ ପିରିତାମାର୍ହାନ୍‍ ମାରି ସାଉଲ ।

2తిమోతి 2:24

ମାପୁରୁଦି ପାଣିକିନିକାନ୍‌ ଆଉଲି ଆନିକା ନେଗେତ୍‌ ସିଲେ, ୱାନ୍‌ ୱିଜେରି ଉଣ୍ତିଙ୍ଗ୍‌ ସାନ୍ତି ଆଜି ଅରେନ୍‌ ପୁରା ସାସ୍ତି ଗୁରୁ ଆନି ଦର୍‌କାର୍‌ ।

2తిమోతి 2:2

ମାରି ଗାଦି ଲୋକ୍‌ ସାକିରି ଆଗ୍‌ଡ଼ି ନାନ୍‌ ପ୍ରଚାର୍‌ କିତିମାନି ବାକ୍ୟୱିଜୁ ମିର୍‌ ୱେର୍‌ଇମାନିଦେର୍‌ । ଆଇୱାରିଙ୍ଗ୍‌ ସିକିୟା ସିନି ଉଣ୍ତିଙ୍ଗ୍‌ ସାସ୍‌ ମାରି ବିସ୍‌ବାସ୍‌ତି ଲୋକା ଲାକ୍‌ତୁ ଆୟାୱିଜୁ ବିସୟ୍‌ ସର୍‌ପେ କିଦୁ ।

1తిమోతి 4:16

ନିଜେଦି ବିସୟ୍‌ତାନ୍‌ ମାରି ନିଜେଦି ସିକିୟା ବିସୟ୍‌ତାନ୍‌ ଜାଗାର୍‍ତା ମାନ୍‌ଡ୍ରୁ, ଇୟାୱିଜୁ ବିସୟ୍‌ତାନ୍‌ ଲାଗେଆଜି ମାନ୍‌ଡ୍ରୁ, ମାତର୍‌ ଆକା କିତିଙ୍ଗ୍‌ ମିର୍‌ ନିଜେ ପରିତ୍ରାଣ ପୋଇନିଦେର୍ ମାରି ମିର୍‌ ଆଇୱାରିଙ୍ଗ୍‌ ରକିୟା ବା ପୁରା କିନିଦେର୍‌ ।

1తిమోతి 3:2

ମାତର୍‌ ମଣ୍ତ୍‌ଲିଦିଙ୍ଗ୍‌ ସୁଡ଼ୁନିକାନ୍‌ ଇନିଦୋସ୍‌ସିଲି ଲୋକୁ ଆନିକାମାନାତ୍‌, ଅରେତ୍‍ ଆଇମାଦି କନ୍‍ଲି, ମିଚ୍‌ ଇନ୍‍ଇକା, ନେଗିବୁଦି ମାରି ସେବାକିନିକା ଆନି ଦର୍‌କାର୍‌ । ୱାନ୍‌ କୁଡ଼ାଆଙ୍ଗ୍‌ ସନ୍‌ମାନ୍‌କିନିକା ଆନିମାନିକା ମାରି ସିକିୟାଦାନ୍‌ କିଦେଙ୍ଗ୍‌ ୱାନି ବପୁ ମାନିକାମାନାତ୍‌ ।

1తిమోతి 2:7

ଆୟା ସତ୍‌ ମାରି ବିସ୍‌ବାସ୍‌ତି କାବୁର୍‌ ଅଣଜିହୁଦିରି ଲାକ୍‌ତୁ ୱେର୍‌ତେଙ୍ଗ୍‌ ନାନ୍‌ ଅରେନ୍‌ ସିସୁ ମାରି ଗୁରୁ ୱାଜା ୱାତା ମାନା । ନାନ୍‌ ମିଚ୍‌ ୱେର୍‌ଏ, ଆମାକା ୱେର୍‌ସିନା, ଆକା ୱିଜୁ ପୁରା ସତ୍‌ ।

కొలొసి 4:17

ମାରି ଆର୍କିପତିଙ୍ଗ୍‌ ୱେର୍‌ନି, “ପ୍ରବୁଦି ସେବା କିନି ଉଣ୍ତିଙ୍ଗ୍‌ ମିଙ୍ଗିଁ ଆମା ଦାଇତ୍‌ ସିଆୟ୍‌ଆତାମାରାତ୍‌, ଆକା ଏଣ୍ତେସ୍‌ ୱାଜାବା ୱିସ୍‌ତୁ ।”

ଗାଲାତିୟ 6:6

କ୍ରିସ୍ତଦି ସୁସମାଚାର ଅଜାନି ୱାଲେ ସିକିୟାସିନି ଗୁରୁଙ୍ଗ୍ ନିଜେ ପୟ୍‍ଜି ମାନି ୱିଜୁ ନେଗି ବିସୟ୍‍ତି ମିସାକିନିକା ମାନାତ୍‍ ।

1కొరింతి 12:28

ମାରି, ମାପୁରୁ ମଣ୍ତଲିଦୁ ପାର୍‌ତୁମ୍‌ ପ୍ରେରିତ ସିସୁରିଙ୍ଗ୍‌, ତାନିୱେନ୍‌କା ବାବବାଦିରିଙ୍ଗ୍‌, ଆୟାତାନିୱେନ୍‌କା ସିକିୟାଗୁରୁରିଙ୍ଗ୍‌; ତାନିୱେନ୍‌କା ସାକ୍ତିଦି ପାଣି, ତାନିୱେନ୍‌କା ରଗ୍‌ତିଙ୍ଗ୍‌ ନେଗେନ୍‌ କିନି ଦାନ୍‌ତି ସାକ୍ତି, ସାହାଜ୍ୟକିନିକା, ସାଲାବୁଲାକିନି ପାଣିଦି ଅଦିକାର୍‌ ମାରି ଜାତିଜାତିଦି ବାସାଦାନ୍‌ ୱାର୍‌ଗିନି ଲୋକାଙ୍ଗ୍‌ ଆସ୍‌କିତାମାନାନ୍‌ ।

అపొస్తు 20:28

ମାରି ମିର୍‌ ନେତା ୱାଜା ନିଜେଦି ବିସୟ୍‌ତାନ୍‌ ମାରି ପବିତ୍ର ଆତ୍ମା ମି ଜାତୁନ୍‍ ଅତେଙ୍ଗ୍‌ ଏମେ ବିସ୍‍ବାସି ମାନ୍ଦାଦିଙ୍ଗ୍‍ ଡ଼ିସ୍‍ତା ସିତାମାନାନ୍‌, ଆୟା ୱିଜେରି ବିସୟ୍‌ତାନ୍‌ ଜାତୁନ୍‍ ଆଆ । ମେଣ୍ତା ଗାଉଡ଼ୁ ୱାଜା ମାପୁରୁଦି ମଣ୍ତଲିଦି ଜାତୁନ୍‍ ଅଆ । ଆୟା ମଣ୍ତଲିଦିଙ୍ଗ୍‍ ୱାନ୍‌ ୱାନି ମାରିସିଦି ନେତେର୍‌ତି ମାଣାନ୍‌ ନିଜେଦିକା କିତାମାନାନ୍‍ ।

అపొస్తు 20:20

ମିର୍‌ ନେସ୍‌ନିଦେର୍‌ ଜେ, ନାନୁ ଲୋକାମାନୁ ପ୍ରଚାର୍‌ କିନିୱାଲେ ମାରି ମି ଇଲ୍‌କାଙ୍ଗ୍‌ ସିକିୟା ସିନିୱାଲେ ମି ନେଗେନ୍‌ ଆନି ୱାଜା ଇନି ବିସୟ୍‌ ୱେକ୍‍ତେଙ୍ଗ୍‍ ୱେନ୍‌କା ଗୁସାଏମାର୍ହା ।

అపొస్తు 6:1

ଏସ ସମୟ ୱେନ୍‌କା ସିସୁରି ଦଲ୍‌ ପିର୍‍ନି ଦାପେ ଦାପେ ଏବ୍ରି ବାସାଦି ଜିହୁଦିର୍‍ ମାରି ଆବେ ମାନି ଜିହୁଦି ଲୋକା ଲୋଇ ଜାଟିଙ୍ଗ୍‍ଁ ଆତାର୍‌ । ଦିନାମିଦି କାଦି କି ଡାବୁଙ୍ଗୁଁ ବାଟାକିନିୱାଲେ ୱାରି ରାଣ୍ତିଆଇମେକାଙ୍ଗ୍‍ଁ ନେଗେନ୍‌ ସୁଡ଼ୁଏଜିନାର୍‍ ଇଜି ଗ୍ରିକ୍‍ବାସା ୱାର୍‍ଗିନି ଜିହୁଦିର୍‌ ଦାବି କିତାର୍‍ ।

యోహాను 3:2

ୱାନ୍‌ ନାଡ଼ା ସମୟତୁ ଜିସୁଦି ଲାକ୍‌ତୁ ୱାଜି ୱାନିଙ୍ଗ୍‌ ଇର୍‌ଆନ୍‌, ଏ ଗୁରୁ, ନିନ୍‌ ଜେ ମାପୁରୁ ମାଣ୍‌କୁ ୱାତିମାନି, ଇକା ମାପ୍‌ ନେସ୍‌ନାପ୍‌, ଇରିଙ୍ଗ୍‌ ନିନ୍‌ ଇୟା ଏମେ ୱିଜୁ କାବାଆନି ପାଣି କିଜିନି, ମାପୁରୁ ନିୱାଲେ ସିଲେତିଙ୍ଗ୍‍ ଆୟାୱିଜୁ ଏନ୍‌ କିଦେଙ୍ଗ୍‌ ଆଟ୍‍ଏନ୍‍ ।

మత్తయి 28:19

ମିର୍‌ ୱିଜୁ ବାସାଦି ଲୋକା ଲାକ୍‌ତୁ ସୋଲ୍‌ସି ୱାରିଙ୍ଗ୍‌ ନା ସିସୁ କିଦୁ । ମାରି ବୁବା, ମାରିନ୍‌ ମାରି ପବିତ୍ର ଆତ୍ମାଦି ଦର୍‌ତାନ୍‌ ୱାରିଙ୍ଗ୍‌ ଡୁବନ୍‌ ସିଦୁ,

1కొరింతి 12:5

ସେବା ଗାଦି ରକମ୍‌ତିକେଙ୍ଗ୍‌ କିଜିନାର୍‌, ମାରି, ଉନ୍‌ଡ୍ରେ ପ୍ରବୁଦି ସେବା ଆନାତ୍‌ ।

1కొరింతి 14:26

ଏ ତଡ଼ାନ୍‌କୁ ନି ତାଙ୍ଗିଁ, ମିଙ୍ଗିଁ ନାନ୍‌ ୱେର୍‌ନି ମାଟା; ଉପାସନା କିନି ଉଣ୍ତିଙ୍ଗ୍‌ ଉଣ୍ତାନି ୱାଲେ ଏନ୍‌ ଅରେନ୍‍ ପାଟା ପାରିନ୍‌, ମାରି ଅରେନ୍‍ ସିକିୟା ସିପିନ୍‌, ଏନ୍‌ ଅରେନ୍‍ ମାପୁରୁଦି ୱେର୍‌ତି ବାକ୍ୟ ୱେର୍‌ନି, ମାରି ଅରେନ୍‍ ଆଇ ବାସାଦାନ୍‍ ୱାର୍‌ଗିପିନ୍‌ ମାରି ଏନ୍‌ ଇୟା ନେସ୍‌ଇ ବାସାଦି ଅର୍ତ ବୁଜା କିପିନ୍‌ । ଇୟାୱିଜୁ ମଣ୍ତଲିଦି ନେଗି ଉଣ୍ତିଙ୍ଗ୍‌ କିନିକା ଦର୍‌କାର୍‌ ।